潮盛館

Open Now

Now Closed

同個朋友晚飯，見到mikiki隔離有間食潮式野，裝修都幾新淨，朋友話好累唔想行，兩個人叫左鹽香雞，味道同一般鹽焗雞差唔多。但係隻雞嘅質地就特別D，皮比較黃，比較硬身、脆口。所以唔會食落口就成口油咁。仲叫左個鹵水拼盤，裏面好多選擇嘅；揀左鵝腎、墨魚同埋豬耳。同一煲鹵水，鵝腎同豬耳味道差不多，不過唔會食到好大陣雪藏內臟味，墨魚就唔係一般打冷見到果D橙色嘅，下面有炸豆腐墊底，之後再叫左鹵水鵝片，肉味好濃，如果厚身D就更佳。同樣都係有炸豆腐墊底，正最後，又勁眼闊肚窄叫咗個凍烏頭，鹹味都夠，唔洗下下點醬。魚身有花雕味，幾新奇，不嬲凍魚都係用鹽堆住，好少有酒味。如果再凍身D就仲正。