上海維記

Open Now

Now Closed

晚市一人套餐$65超級抵食！一人套餐又有前菜又有嘢飲仲有主食。前菜有雲耳拍青瓜，青瓜非常爽脆，仲加埋一浸麻油喺面頭簡直畫龍點睛，錦上添花。飲品方面可以揀檸檬茶又或者係烏龍茶，夏天熱辣辣喺條街度飲到凍冰冰嘅嘢飲非常之過癮。瑤柱賽螃蟹客飯用咗蛋白、蛋黃、瑤柱、西蘭花做主材料。海鮮嘅鮮味同埋蛋白嘅嫩滑真係可以媲美新鮮嘅蟹肉。加埋瑤柱絲食落去非常滑溜。餐廳仲推介非常上海式嘅食法，食嘅時候加埋甜醋一齊食，酸咪咪咁樣同時間又有海鮮嘅鮮味，非常開胃，可以送到一大碗飯。招牌小籠包（四隻） $50 小籠包非常之多汁，食落去個皮亦都適中唔會太厚搶咗小籠包肉餡嘅味道。四隻啱啱好兩個人每人兩隻。豆沙鍋餅$50 餐廳嘅豆沙窩餅皮脆，並且夠薄。仲有內餡嘅豆沙蓉都非常之多。因為調味上佢唔會太甜，所以多豆沙蓉夾埋啲皮一齊食好滿足！鹹肉豆腐湯$72 鹹肉嘅鹹香味非常吸引，煮落個湯之後連食豆腐都會有一種鹹香。湯底奶白色睇落去就知道非常之夠火候，鹹肉豆腐湯比其他嘅湯底清淡，但係同時濃郁，不過又唔會油膩。

閨蜜在大角咀訂做了手袋， 讓我陪她去取， 順便過來吃午飯 。她是地膽 ，識飲識食， 帶我來到這家上海 菜餐廳， 原來這裏近奧運站， 出地鐵經天橋 ，舒舒服服就可以走到埃華街90號地舖。 中午吃飯當然是要 選套餐 ，因為經濟實惠， 這裏中午的人客都是白領， 見到他們選的菜式都很不錯， 我們也照板煮碗 ，選了銀芽炒鱔糊客飯 ＄72， 酸菜魚片酸辣米線辣＄60元 ，加兩個小吃， 花雕醉雞翼 ，紅油抄手 ，然後各叫一杯飲品 ，豆漿和酸梅湯， 應該很豐富了。我最愛的酸菜魚🐠 米線很大一碗， 面上鋪滿新鮮嫩滑的魚片， 配菜還有芽菜 ，酸菜 ，肉碎， 湯底鮮味， 米粉爽滑 ，份量充足 ，辣味酸味也是剛剛好， 吃得很滿足 。銀芽鱔糊客飯， 同樣是一大碟 ，黃鱔炒銀芽， 厚厚粗粗的無骨黃鱔肉 配爽脆的銀牙， 閨蜜話用來送飯真是一絕。 兩個小食我們都很喜歡 ，花雕醉雞翼， 酒味濃香， 雞翼爽脆鮮美， 紅油抄手， 咬開全是湯汁 ，高水平製作。 豆漿是濃香的豆味 ，不像是街外買的 。一餐豐富的午餐只是一百多元 ，真是太實惠了。👍👍

上海維記大角嘴附近好多野食，但呢間上海菜係我同屋企人成日食~好適合我地口味！講到上海菜點少得小籠包！熱騰騰新鮮出爐，皮薄多汁，點醋同薑絲，輕輕咬一口，飲下d精華湯汁，飽滿多汁，之後再成個食，jeng！黑醋骨：平時食黑醋骨最怕就係醋味太重，但今次呢個balance得好好！酸酸甜甜好開胃~而且每一塊都好入味，肉質嫩滑，肥而不膩！奶油津白：我好中意食娃娃菜，所以每次都必點呢個！娃娃菜好甜~再挂上d奶白調味就更加正！酸辣湯：酸辣湯好大碗！夠3-4個人食！入邊加左蝦肉，令口感更佳Q彈，味道都有點鮮甜！餐廳環境都坐得舒適，可以同屋企人慢慢享受食物，傾下計~幾好！

在奧運區，有一家坐得幾舒服的餐廳，提供一些經典的上海菜。首先點的就是小籠包。這裡的小籠包皮算薄，咬下去能感受到湯汁。雖然味道不算特別突出，但湯汁和肉餡的搭配還是讓人滿意，搭配些許醋和姜絲，增添了不少風味。接下來是酸辣湯。湯的酸辣程度適中，係廣東風的酸辣湯，裡面有豆腐，豬肚，蝦仁，讓口感更加豐富。份量都好大好飽肚。主菜的鹹肉津白和黑醋骨，味道平衡，黑醋的酸甜調配得啱啱好。清脆的津白，讓整道餐不會過於油膩。最後，飯後的酸梅湯和豆漿也十分合適。酸梅湯清爽解渴，豆漿東東甜甜的。這家餐廳的菜品水準穩定，雖然沒有特別驚喜，但能夠提供一個舒適的用餐體驗。如果想品嚐上海菜，這裡是一個不錯的選擇。

上星期有日放工 覺得食到好悶近近地過去大角咀食飯見有間上海嘢唔係太貴就入去試下時間尚早唔洗排🤘🏿🤘🏿入去第一個感覺係好乾淨企理好少可上海菜嘅小店裝修咁小清新嘅感覺食上海嘢又點少得小籠包跟餐有四隻大大隻 皮薄餡靚夠多汁想再encore😆😆二人餐可以叫兩個主菜老闆見我哋唔係好揸得落主意就推介咗黑醋骨同埋賽螃蟹🦀雖然個名係叫黑醋骨但係一舊骨都冇 啖啖肉調味酸甜適中 肉質肥瘦均勻 好食賽螃蟹都真心好食 撈飯一流蛋白大大舊加少少醋食真係有種食緊蟹肉嘅感覺😂跟餐糖水有綠豆沙 凍冰冰好清爽有人唔鍾意食綠豆沙所以加多咗個豆沙窩餅豆沙窩餅煎得外脆內軟連平時唔係好食得甜嘢嘅我都覺得唔會太甜有驚喜 🤭🤭

行過大角咀，朋友和我也想吃上海菜，見到這間小店企企理理，環境舒服，便進去試試。菜肉雲吞好大碗，足足有八粒，香滑的外皮，鮮美的內餡，菜香濃郁，調味惹味。上海粗炒好夠鑊氣，煙煙韌韌的份量也很多，滿滿豉油香，麵條爽彈，豬肉鮮嫩，蔬菜清脆，搭配醬油、蠔油等調味料炒香，風味濃郁。鱔魚切絲，一兩寸長，豬油旺火爆炒，加上少許芫荽、韭黃、芽菜，鮮嫩軟滑，營養豐富，口感層次變化多，令人垂涎三尺。價錢合理，地方舒適。

4 月尾同家人食左一次， 好味道。但食唔到高力豆沙， 因為要預訂，於是5 月10日， 就約左老爺奶奶黎食母親節飯。 四個人叫左1.銀芽抄鱔糊 - 店員推介，d 鱔好彈牙， 唔食魚既老公都夾唔停👍👍2.醉雞半隻 - 店員推介 👍3.黑醋骨 - 上次食過好味，所以encore 👍👍4.上海炒年糕- 上次食過好味，所以encore 👍👍5.酸辣湯 - 有落蝦仁有驚喜，略嫌唔夠辣。但夠酸，所以都好清新👍6. 小籠包 - 一般， 可以唔食7.生煎鍋貼- 都好味， 但唔夠湯汁8.欖菜肉碎炒飯- 好香蛋味 - 老公激讚👍👍9.高力豆沙 - 根據店員介紹，外層皮用蛋白打出黎，完全冇加生粉，好香👍👍10. 綠豆沙 - 餐廳送店員都好健談， 除左會介紹食物， 仲介紹餐廳裝修，感覺到好有heart 的年輕人， 食物整體都好好食，會再幫襯。人均消費$200

大角咀好多好嘢食朋友想飲酸辣湯就揀咗食上海餐廳入到去睇餐牌揀咗1.小籠包2.黑醋骨 3.奶油津白4.酸辣湯15. 菜飯一個先食小籠包一籠有四隻外皮都好薄，夾起冇流汁， 裏面湯汁好鮮味第二樣黑醋骨食落肥瘦均勻，味道偏甜，醋味唔會搶喉嚨另外件件都冇骨啖啖肉奶油津白奶油好掛菜葉，食落好夠味道又唔會覺得好滯朋友最想飲嘅酸辣湯 比想像中大窩而且湯料好足裏面仲有蝦肉原本朋友就唔想食飯不過由於餸菜都太好味， 結果都加多一個菜飯兩份食菜飯畀想像中好，菜嘅份量都幾多， 飯又吸收咗菜嘅味道 加一個菜飯真係明智之舉整體覺得餸菜都好家常便飯的感覺，不煮飯來這裏吃飯都不錯，外賣盒飯都幾便宜

細個時因為有親戚住喺大角嘴附近，都經常過去探D親戚，記得埃華街有好多大X樓的存在。唔知幾時開始埃華街變成美食街，當然宜家亦有啲吉舖，希望市道快啲好轉，人人有工開，處處有舖開，咁就最開心喇。呢日經過埃華街，見到間舖有鱔糊食，不理三七廿一，即刻入咗去，點解咁心急，事關以前食開的上海舖已close，咁宜家就周圍搵鋪頭來代替，午餐有lunch set，當然點至愛的“銀芽炒鳝糊客飯”，跟有豆槳或酸梅湯，而朋友鍾意醉雞，於是點咗“花雕醉雞”餐，跟餐加20蚊可以有一個小食，total嗌咗两様，就係“涼拌海蜇”和“紅油抄手”。話說鱔糊真係冇令我失望，炒得好香好有水準，黃鱔條新鮮彈牙，有啲店铺今配菜係韭黃，有啲就係芽菜，而我哋今次的配菜係芽菜，爽脆芽菜配彈牙的黄鱔再加埋個醬汁，非常完美；醉雞酒味濃，雞肉滑嫩好好味；海蜇係大大的，粗條的，有海蜇頭的美味彈牙，而紅油抄手個醬汁也很出色，様様都唔錯，值得下次再來。

又因工作關係要周圍去搵食今日去左大角咀呢度都出名多好野食行過見到上海維記咁新淨就入左去同店員講我一個人食佢就指我去個有公仔嘅位置等我有隻公仔陪下😂好搞笑我見有幾個角落位置都有公仔睇黎都預左要陪唔同嘅一人食😂店面幾乾淨我11點幾去食lunch未有好多人不過一路食就愈來愈多人放lunch來食睇餐牌，午餐都好多選擇✨黑醋骨客飯即叫即整，上菜果一刻熱辣辣香噴噴黑醋味都幾香菜飯又好大碗好有份量雖然黑醋骨個名有個骨字不過其實係無骨的咬落去啖啖肉炆到好淋好入味個黑醋醬更加惹味，鹹甜適中配合黑醋少少酸好開胃不知不覺就食晒成碟+成碗飯✨花雕醉雞翼口痕叫多左個小食醉雞睇個樣都唔錯食落冇雪味亦都好入味上海野冷盤前菜有質素保證👍🏻都幾抵食呀 又好味隔離枱叫擔擔麵都好吸引有機會下次來叫

行街見到一間新開小店“上海維記”，裝修簡潔座位寬敞舒適，以舊上海為主題,有舊上海生活畫照和擺設，令人勾起回憶，餐廳職員服務殷切,廚師用心製作烹調精美菜式，菜式以上海菜為主.上海粗炒 $88熱辣辣上海粗炒，色澤分明香氣撲鼻，食材豐富有冬菇絲、豬肉絲、椰菜絲、白菜絲，廚師刀工好切得非常幼細，將食材爆炒致出香味，然後加上上海粗麵同醬油，時間掌握非常好，上海粗炒蘸上豆瓣醬一同食非常配合，食到停唔到口.😋招牌小籠包四隻 $50必食招牌小籠包👍，熱辣辣成個蒸籠上，小籠包非常薄皮，先吮咗包內嘅濃湯汁，然後再加上浙江醋切幼羌絲一同食，豬肉餡料非常新鮮惹味,必食之選.😍酸梅湯一杯🥃 $10消暑解渴冰凍嘅酸梅湯，仲可以解肥膩一舉兩得.👍

之前喺附近經過幾次見到呢間上海餐廳,尋日就諗住去試下,結果令人大感失望,餐廳嘅用餐環境比較狹窄,2-3人需要坐4人卡位,喺職員帶位期間略顯不耐煩。20:21order咗個上海回鍋肉及上海粗炒+白飯,大約在20:44左右回鍋肉先上菜,而當時店面人數不多。回鍋肉肉的份量偏少,椰菜較多,比較似炒雜菜,有回鍋肉的味道,食物唔夠熱。幾分鐘後,上海粗炒亦上菜,份量偏少,亦有幾條麵係overcooked黑色的,同樣地食物唔夠熱。只能說食物不是難食,但算不上好食,以上食物共$200,整體性價比較不高,食物方面有待改善

今日朋友生日，佢想食中國菜所以就喺奧運附近搵吓有啲咩好食因為收工時間尚早啦，所以見到呢間舖頭有位就入咗去食啦佢的環境裝修都幾舒服，同埋枱同枱之間嘅距離都唔夠近我哋嗌咗個二人套餐我哋仲upgrade咗招牌小籠包變做蟹粉小籠包佢皮薄餡多仲有勁多湯汁一咬即刻爆汁佢熱辣辣咁上菜，所以味道係好鮮甜上海回鍋肉佢依個色香味俱全豚肉好濃味會搞到我不停咁喺度食同埋佢嘅菜都好足料啊，超滿足瑤柱賽螃蟹佢當然係用蛋白炒瑤柱瑤柱扮蟹肉嘅感覺，幾得意蛋白勁滑溜蟹肉嘅味道都好足之後再撈埋個蛋黃一齊食超滑溜啊！之後再加埋佢個醋味道夾得啱啱好送飯一流！正最後送咗兩碗薑汁湯丸湯圓個餡好足料同埋個皮又唔係好厚個薑汁都好濃好啱依家的天氣

晚市都坐滿大部分嘅枱，餐牌見價錢唔貴就入去試吓，點知有驚喜！明火古法羊腩煲 $298明古法羊腩煲以砂煲係眼前即時煮，保留了食材的鮮美。一煲份量真係好多好足料！一煲絕對夠四人一齊share！羊腩肉質鮮嫩，油脂適中，特別是多皮的部分，咬下去口感滑潤，令由於份量好多，一定可以滿足食慾！煲內的枝竹吸收了湯汁，脆口唔會淋晒又帶有香氣。馬蹄就為整道菜增添咗清脆感，清新爽口，完美平衡了羊腩的濃郁，令人每一口都充滿驚喜，絕對適合冬季暖身嘅理想選擇！銀芽炒鱔糊 $168色香味俱全，鱔魚鮮嫩滑口，銀芽脆爽，兩者嘅搭配令整道菜呈現出獨特嘅口感層次。醬汁恰到好處，增添咗風味，吃上一口令人十分開胃，真係夾過唔停呀，一直夾一直放入口瑤柱賽旁蟹 $98蛋白炒得幼細分明，猶如蟹肉一樣口感，炒得好濕潤，瑤柱鮮甜與蛋白完美融合，口感豐富，撈埋飯食真係食到唔停口！

花雕醉雞酒味淡淡地，對於酒量唔好嘅人可能啱好🫢如果時間允許，應該可以再入味些許👍🏻黑醋骨-鎮店之寶即叫即炸香脆美味，酸酸甜甜可以食多幾碗飯啊😋拌碟的青瓜都俾我蘸埋汁食曬😋瑤柱賽螃蟹又係好好餸飯嘅一道菜，讓人一啖接一啖，食到停唔到口😋薑汁湯圓女仔真係有第二個胃食甜品，雖然已經食到飽飽地，都可以食碗甜品嘅🤭天氣凍凍地食返碗薑汁湯圓，姜味濃郁食完個身熱辣辣、配上流心芝麻湯圓，暖曬舒服曬🥰店主好靚仔之餘仲好窩心🙈☺️餐廳內提供佈置餐桌服務🤗適合慶祝生日🎂家庭聚餐🍻Speed Dating🥂🤭📍大角咀埃華街90號地舖港鐵奧運站 A1 出口, 步行約7分鐘☎️26876888星期一至五12:00 - 22:00星期六至日11:00 - 22:00🔥無加一服務費