上海維記

Open Now

Now Closed

上海維記大角嘴附近好多野食，但呢間上海菜係我同屋企人成日食~好適合我地口味！講到上海菜點少得小籠包！熱騰騰新鮮出爐，皮薄多汁，點醋同薑絲，輕輕咬一口，飲下d精華湯汁，飽滿多汁，之後再成個食，jeng！黑醋骨：平時食黑醋骨最怕就係醋味太重，但今次呢個balance得好好！酸酸甜甜好開胃~而且每一塊都好入味，肉質嫩滑，肥而不膩！奶油津白：我好中意食娃娃菜，所以每次都必點呢個！娃娃菜好甜~再挂上d奶白調味就更加正！酸辣湯：酸辣湯好大碗！夠3-4個人食！入邊加左蝦肉，令口感更佳Q彈，味道都有點鮮甜！餐廳環境都坐得舒適，可以同屋企人慢慢享受食物，傾下計~幾好！