波爾圖

營業中

休息中

上次假日嚟到大排長龍食唔到，今次閒日我地係佢一開門就嚟到，等左五分鐘就入到去啦，好開心！侍應安排咗我地坐單邊位，正好可以靜靜地食返餐，店內裝潢充滿葡國色彩，好有異國風情。今次我地點咗兩樣菜，第一樣上檯既係麵包焗葡國雞，侍應上檯之後幫我地將麵包剪開，咁就容易食好多喇，雞肉香滑唔鞋口，而焗得香脆既麵包蘸著葡汁一齊食就相當juicy喇！第二樣菜就係我地為之慕名而來既葡色乳豬釀飯，今次終於食到喇，相當期待，飯底係炒飯嚟架，炒得相當可口，而乳豬更加值得一讚，啖啖肉，肉質鮮嫩，乳豬皮香脆可口，一啖乳豬一啖炒飯簡直係絕配。餐廳侍應服務亦值得一讚，加水頻繁，有問必答，如果下次再嚟澳門我都會再嚟依度！