影片
更多
2024-09-22
621 瀏覽
喺澳門準備行去官也街，突然落起大雨，就隨緣搵咗一間葡式餐廳避一避。估唔到誤打誤撞，開始咗一個浪漫嘅美食時光。🍖食西餐麪包係唔可以缺少，由麪包嘅溫度開始，你就感受到餐廳嘅誠意。麪包熱辣辣脆卜卜，除咗大大件牛油之外，配埋葡國餐特有嘅黑橄欖，喺落雨濕濕嘅天氣之下，有一種入屋取暖嘅感覺。🍖前菜系葡式白酒煮花甲同葡式蒜蓉大蝦，同香港嘅檸檬擺盤好唔同，呢度嘅檸檬比較大件，將啲汁擠出嚟，成個花甲嘅味非常清新，花甲嘅殼剛剛好盛載住檸檬汁，而本身上面亦都有煮過嘅白酒，開胃又醒神。大蝦就啱啱相反，佢嘅汁比較杰，而且有辣味，配合比較厚實嘅蝦，刺激有質感。兩者都非常醒胃。🍖主菜有海鮮意大利麵，同里脊肉牛扒煎蛋，今次除咗蝦同蜆，仲有埋魷魚，又再多咗一重不一樣嘅口感。牛扒煎得啱啱好，好淋身，上面有一層薄薄嘅煙肉，鹹香更加大出牛肉嘅肉味，配合埋實用又靚嘅伴碟，焗過嘅薯仔同埋黑橄欖，兩者味道都好配合牛扒。呢度要特別提到佢嘅汁醬，兩者都做得非常出色。一般喺香港會出現意粉好多汁，牛扒唔夠gravy嘅情況，呢度啱啱相反，意粉醬啱啱好掛喺每一條麵條上面，唔會有多餘嘅水汪汪嘅效果。牛扒醬反而係成個碟底都滿滿既，但係放心唔會過咸
🍖食西餐麪包係唔可以缺少，由麪包嘅溫度開始，你就感受到餐廳嘅誠意。麪包熱辣辣脆卜卜，除咗大大件牛油之外，配埋葡國餐特有嘅黑橄欖，喺落雨濕濕嘅天氣之下，有一種入屋取暖嘅感覺。
🍖前菜系葡式白酒煮花甲同葡式蒜蓉大蝦，同香港嘅檸檬擺盤好唔同，呢度嘅檸檬比較大件，將啲汁擠出嚟，成個花甲嘅味非常清新，花甲嘅殼剛剛好盛載住檸檬汁，而本身上面亦都有煮過嘅白酒，開胃又醒神。大蝦就啱啱相反，佢嘅汁比較杰，而且有辣味，配合比較厚實嘅蝦，刺激有質感。兩者都非常醒胃。
🍖主菜有海鮮意大利麵，同里脊肉牛扒煎蛋，今次除咗蝦同蜆，仲有埋魷魚，又再多咗一重不一樣嘅口感。牛扒煎得啱啱好，好淋身，上面有一層薄薄嘅煙肉，鹹香更加大出牛肉嘅肉味，配合埋實用又靚嘅伴碟，焗過嘅薯仔同埋黑橄欖，兩者味道都好配合牛扒。呢度要特別提到佢嘅汁醬，兩者都做得非常出色。一般喺香港會出現意粉好多汁，牛扒唔夠gravy嘅情況，呢度啱啱相反，意粉醬啱啱好掛喺每一條麵條上面，唔會有多餘嘅水汪汪嘅效果。牛扒醬反而係成個碟底都滿滿既，但係放心唔會過咸因為牛排夠厚身，但係咁就可以避免汁醬唔夠，又可以增強成個食物嘅構圖。
🍖最後系甜品焦糖布甸，平時嘅焦糖布甸佢會先燒好再放過嚟俾你，呢度佢將糖水係你面前用火燒，然後再審上肉桂粉，過程之中會發出火花，色香味俱備。
嚟到澳門，周圍都係歐洲式建築，連每行一步路嘅地磚，都令你仿似置身喺葡萄牙。搵到一間咁好嘅葡國菜，避過一場滂沱大雨，真係好有去歐洲旅行嘅美好感覺。
張貼
