葡景軒

嗰日去澳門旅行，去咗一間餐廳《葡景軒》這裡的氛圍非常舒適，裝潢融合了傳統與現代的葡式風情，讓人感覺很放鬆。特別推薦他們的白酒炒蜆，這道菜的蜆肉不僅鮮嫩多汁，而且用白酒炒至入味，清甜而不膩，開胃更是絕佳。海鮮意粉，每一口都充滿海洋的鮮味，意粉煮得剛剛好，香濃的醬汁與新鮮的海鮮完美結合，讓我吃得欲罷不能。整體來說，這裡的葡式餐點無論是味道還是呈現上都非常精緻，絕對值得一試！下次我一定會帶朋友再來享受更多美食。…查看更多

葡景軒的裝潢以傳統葡萄牙磚牆和古典餐椅營造氛圍，讓人彷彿置身異國。最推介一定係葡式海鮮飯，擺盤好靚，紅紅黃黃好吸引，未食已經覺得肚餓。飯粒煮得啱啱好，吸晒蝦、青口、蜆嘅鮮味，每一啖都鮮味，加埋少少番茄酸香，令味道更平衡，食落唔會膩，仲有少少香草味令層次更豐富。炙烤八爪魚就係另一道必試，外面燒到微焦，帶住炭火香氣，咬落去好彈牙，肉質仲保持嫩滑，唔會韌。配埋橄欖油同香料，簡單但好突出食材本身嘅鮮美，入口仲有少少煙燻香，愈食愈想再夾。呢兩道菜 :一飯一小食，真係好夾，簡簡單單又一餐美味。…查看更多

作為經常過大海覓食嘅blogger，今次同朋友發掘到官也街附近嘅隱世葡國菜「葡景軒」！店面雖然低調，但推門入去即刻被濃濃葡式氛圍包圍，彩瓷壁畫同復古吊燈處處見心思，仲有陣陣烤物香氣撲鼻而來～必點招牌「葡式烤乳豬」真係做到皮脆肉嫩，用傳統葡式烤法，皮下脂肪融化得啱啱好，入口即化！「葡式鴨飯」鴨油滲透每粒飯，香濃唔油膩；「葡式烤沙丁魚」簡單用海鹽同橄欖油調味，鮮味突出。侍應對菜式好有認識，介紹得好詳細。人均$200左右，以呢個質素絕對物超所值！…查看更多

同部門同事過大海team building，喺官也街附近發掘到呢間高質葡國菜！餐廳環境舒適，葡式瓷磚配木系裝修，夠晒特色，坐得舒服之餘仲方便傾計。「綜合小食拼盤」最啱分享，一次過試勻多款葡式小食；「白酒煮蜆」鮮味十足，同事們都話要encore；「葡式海鮮飯」更係全場焦點、大蝦、大蜆，魷魚鋪滿，飯粒吸收晒海鮮精華，個個食到舔舔脷！侍應服務周到，上菜速度快，好適合團體聚餐。人均$200有找，性價比高，同事們都話下次再嚟澳門一定會再幫襯！…查看更多

終於又可以工作於娛樂去澳門！今次留2日1夜，一早去澳門見完個客之後就即刻同同事去食晏，由年頭一月食過到依家，我心心念念呢間葡國菜餐廳，今次帶埋同事去食！天氣涼涼哋，我地首先叫個熱辣辣又酥脆香口嘅《 酥皮蘑菇湯 》飲～ 菇味香濃又滑～然後就食開胃惹味嘅《 咖喱軟殼蟹 》 咖喱同蟹分開上，所以蟹殼香脆未浸腍，再撈咖喱食就惹味又有口感！仲食到蟹肉嘅鮮味～伴碟仲有蔬菜減膩～《 葡式烤乳豬 》食葡國菜點可以唔食乳豬呢，豬皮烤得皮脆肉嫩，伴碟仲有由原個薯仔切片嘅薯片，口感特別好！下次都要再嚟！…查看更多