葡景軒

營業中

休息中

好耐都冇去過澳門，難得今日有外國朋友嚟，我哋就約埋一齊去一轉快閃澳門，上網做吓功課之後就發現有間小眾嘅餐廳好似幾正咁樣，就預早訂好位，食完之後真係覺得要推介俾大家。首先呢度嘅裝修真係好cozy，門面已經好有葡國風情，用上最靚嘅白色同藍色配搭，打卡一流。餐廳入邊有少少懷舊式，店員亦都好友善，真係一餐好好嘅體驗。食物我覺得個酥皮蘑菇忌廉湯真係一流，印象中應該係我食過最好食嘅酥皮湯，酥皮真係超酥脆，個湯亦都好夠熱，但係啲蒸氣完全唔會令到塊酥皮變腍，蘑菇湯亦都好creamy。葡式烤鱈魚係朋友話點嘅，本身我都驚會有腥味，點知又冇喎，反而烤得外皮香脆，入面就啖啖肉。綜合葡式小食拼盤種類都好，兩個人食真係會好飽，但係由於味道太好食，所以我哋都清咗貨。葡式海鮮飯就係經典必點㗎啦，呢度嘅海鮮份量絕對唔少，而且好新鮮，加埋飯嘅軟硬度剛剛好，好食好食！甜品就要左葡式經典木糠蛋糕。甜而不膩，係一個完美嘅結尾。