影片
更多
2014-06-12
7753 瀏覽
見佢咁多好評, 醒個劣評佢嘆!呢次試下舊城區搵食, 都預左食西餐, 其他餐廳散嗌沒套餐, 價錢太兇狠了 路過波爾圖見到門面同內部裝修OK唔迫, 更加吸引的就是有一舊水左右的套餐, 入去啦~~一開波都已經有D火, 門口個套餐牌係黑板黎, 得兩樣野, 上面係"紐西蘭肉眼扒"$113, 下面係"鑊仔牛柳"$98, 而黑板上面痴住好大幅過膠相"牛柳拼大蝦$105", 咁我叫"牛柳拼大蝦", 竟然話唔係套餐, 咁我叫"紐西蘭肉眼扒", 又話而家套餐冇肉眼扒, 即係得番鑊仔牛柳, 算, 趕時間, 鑊仔牛柳....等野食期間, 留意到佢張檯都幾多如, 可以伸延多三吋, 把鬼... 先黎個餐湯, 洋蔥湯, 一如既往無味, 只有香草味, 因為落左少許香草... 呢味我真係未飲過有味的...主角鑊仔牛柳出場了! 說好了的鑊仔呢? 又再一次被搵笨, 算, 我又唔係食隻鑊....說來慚愧, 我咁為食, 竟然係唔識食牛同唔食生野, 牛扒血淋淋好鬼驚, 仲要林得黎咬唔開, 所以我以前都係叫Welldone, 近幾年進步左叫左八成熟, 即呢碟, 第一塊好準, 篤落去仲有"汁"狂標出黎, 裏面仲係粉紅色, 只有最中心
呢次試下舊城區搵食, 都預左食西餐, 其他餐廳散嗌沒套餐, 價錢太兇狠了 路過波爾圖見到門面同內部裝修OK唔迫, 更加吸引的就是有一舊水左右的套餐, 入去啦~~
一開波都已經有D火, 門口個套餐牌係黑板黎, 得兩樣野, 上面係"紐西蘭肉眼扒"$113, 下面係"鑊仔牛柳"$98, 而黑板上面痴住好大幅過膠相"牛柳拼大蝦$105", 咁我叫"牛柳拼大蝦", 竟然話唔係套餐, 咁我叫"紐西蘭肉眼扒", 又話而家套餐冇肉眼扒, 即係得番鑊仔牛柳, 算, 趕時間, 鑊仔牛柳....等野食期間, 留意到佢張檯都幾多如, 可以伸延多三吋, 把鬼...
先黎個餐湯, 洋蔥湯, 一如既往無味, 只有香草味, 因為落左少許香草... 呢味我真係未飲過有味的...
主角鑊仔牛柳出場了! 說好了的鑊仔呢? 又再一次被搵笨, 算, 我又唔係食隻鑊....
說來慚愧, 我咁為食, 竟然係唔識食牛同唔食生野, 牛扒血淋淋好鬼驚, 仲要林得黎咬唔開, 所以我以前都係叫Welldone, 近幾年進步左叫左八成熟, 即呢碟, 第一塊好準, 篤落去仲有"汁"狂標出黎, 裏面仲係粉紅色, 只有最中心一點叫做生dd, 食落味道其實一般, 冇調過味, 自己加黑胡椒吧... 第二塊驚人喇! 廿成熟都黎! 又乾又硬! 可以放響隔離官也街爭奪牛肉乾之霸!
最後係葡式甜品, 依然都只限於木糠布甸... 我本身唔喜木糠布甸, 因為次次都吸左d餅碎索親喉嚨的, 而呢個極少餅碎, 只得面頭呢層dd碎, 於普遍一層層的比較肯定不合格, 但比較合我, 內裏都幾重芝士味係唯一要讚, 同埋都幾實, 好似食緊芝士蛋糕但又冇咁滑... 即係麻麻地...
總括而言, 唔會再去, 仲會叫人唔好去.... 差!張貼
