幾特別，十分之香。馬介休球綿滑好食，海鮮焗飯十分香濃，海鮮十分新鮮，蝦肉彈牙。加哩雞包一大分，cp值高。辣汁牛尾浸滿辣汁，牛肉味濃，一口辣汁、牛尾，一口飯絕配。

鱈魚球（澳門稱為馬介休球）在葡萄牙語中被稱為Pasteis de Bacalhau，是一道非常傳統的葡萄牙小吃。這款炸鱈魚球以其酥脆的外皮和鬆軟的內餡而聞名，每一口都散發出鱈魚的鮮美滋味。在澳門，馬介休球也是葡萄牙菜中的代表之一，姚標記的馬介休球超好味（真材實料）。必可食出馬介休魚絲這樣的層次才是馬介休球風味。

今日到澳門，立即想起去誠昌食水蟹粥，炸鯪魚球。誠昌由細食到大，食到今日成行成市。對上一次來2023年3月疫情復常後，味道一切如舊，店舖客似雲來，門口企滿人等位，等上菜都要等20分鐘，但都大埋人願意等。 今日再來，店舖冇人等位，店內只得兩三台客，已經覺得怪，不用等立即有位。員工有禮，坐下立即送上餐具同茶。有位無著制服嘅員工，俾我見到佢用手撩鼻屎😫😫😫😫。 今次叫了大水蟹粥葡幣270, 細$220。 可能冇客人，今次個粥好快就送上。賣相都吸引，但蟹蓋好奇怪變咗型，彎曲同平時蟹蓋唔一樣。粥好甜，蟹好差，啲肉質「梅」架 , 蟹無一隻，好多蟹鉗，蟹身好零碎😫😫😫😫，攪咩呀⋯⋯炸鯪魚球都不用叫🐷 問過員工：隻蟹点解咁，佢話太熱滾水煮隻蟹，蟹蓋會變形🙈，你係咪當我儍架，員工立即無出聲。食完立即走，明白点解小咗咁多人😒

難得放假老夫老妻馬交遊 熱愛火鍋嘅我，去旅行都要黎個火鍋宵夜。 咁啱做緊周年慶活動，藤椒大蜆湯底+38蚊多一倍大蜆（後面另外一份大蜆)，我超鐘意海鮮，梗要加啦，黎到真係勁大隻蜆，重著曬火，好有儀式感👏🏻👏🏻👏🏻 老公想食蟹$265/隻，特別幫我地整椒鹽膏蟹+$38，香口有鑊氣好味，正👍🏻👍🏻👍🏻 其餘叫左黑豚&手切牛肉，食材新鮮，服務有禮，下次再黎澳門都可以再encore😍😍😍

中式素食但全間店嘅食物都係全素 (vegan restaurant)，好驚喜～ 呢度嘅素湯非常足料，無味精 仲日日唔同款，好推介！ 有啲餸可以加錢飲一碗，或者一枱幾個人叫一盅，呢盅係霸王花腐竹湯，好養生 煲仔飯即叫即整，要耐少少，所以要早啲叫定，好少素食店有煲仔飯（有煲仔飯豉油可以自己加），仲要有成十款可以揀，肉餅好味，重點係有飯焦！ 食中式素食的話最鍾意食羅漢齋，無令我失望，有鑊氣之餘，連黃耳都有 銀芽炒麵 都有鑊氣同多料，另外配辣醬 申城荷葉飯有得加5蚊轉黃薑飯，仲有粒鮑魚仔，好香好食 另外有個荷葉飯套餐 鮑汁豆腐叫俾老人家，但其實都精緻好味 試咗杯涼粉奶茶，第一次飲全素奶茶，都唔錯 埋單找數時平咗$10，張單寫住係「功德米」，應該舖頭咁啱有善長人翁送「平安齋」

食過咁多間杏仁餅，我覺得最好食係最香。疫情後闊別咗五年無去馬交，今次入境後第一時間飯都唔食住殺去最香先，免得晏去要排大隊。一去到原來擴充咗，依稀記得之前得一個舖位，而家擴充埋隔離舖位，一邊整餅，一邊賣餅。依家要攞飛等叫飛入舖，所以對面超市有好多人企晒響度等叫number 每張飛限買60個杏仁餅（十個或廿個為一盒） 收MOP/HKD Cash, 支付寶、信用卡❨$200以上❩ 食完記得飲涼茶，杏仁餅好熱氣，但真係好好食。 交通：最近巴士站"大馬路／華僑" （M134） 或"內港碼頭" （M137） 內港碼頭行入去唔使上大斜舒服d

黎到澳門就緊係要食豬扒包，見呢間既豬扒包都幾多好評，就入左去食。我地叫左最原始既豬扒包，但係d包一上到枱已經見到塊豬扒上面全部都係油，d油多到可以「筆」到出黎，唔止搞到成手油，食落都似飲緊油咁。如果可以隔一隔油再比客，咁會觀感上同味道上都會好好多。同埋豬扒既肉質唔好，又乾又柴，完全唔好食。

#saffron #尚坊 自助早餐 其實間房只包2個早餐 不過門口姐姐好好 小朋友只要唔叫Main course，都係免費嘅～ 麵包🥯、蛋糕🥧、果汁基本上任飲 早餐 有四個選擇～ 泰式、中式、歐陸、健康式早餐套餐 二日我們選了三款 #泰式早餐套餐 🍮奇亞籽椰汁芒果布丁 ▶️ 妹妹滿心歡喜以為係芒果布甸 點知係好多一粒粒嘅奇亞籽 上邊有少少芒果粒🥭 佢淨係食咗啲芒果😅 🍜泰式湯河粉 煎蛋🍳下面嘅豬頸肉，厚切、好 juicy 泰式湯河粉軟硬度啱啱好，加埋啲湯好入味⋯⋯👍 🍓時令水果拼盤 ☕️熱朱古力 #歐陸式早餐套餐係呀 🫐奇亞籽乳酪配雜錦苺果 ▶️ fresh, 乳酪同奇亞籽好夾 🥗煙燻三文魚班尼迪蛋配牛油果、田園沙拉、酸包 班尼迪蛋蛋味濃郁，配合埋牛油果多士 蛋汁、三文魚嘅鹹香、牛油果嘅豐盈、多士嘅香脆 集合喺口腔裏面， 大滿足😆 旁邊嘅田園沙律，酸酸甜甜都好好味 🍓時令水果拼盤 ☕️熱朱古力 #中式早晨套餐 🥟自製雜錦點心（蝦餃、蟹籽燒賣、叉燒包） 蝦餃同蟹籽燒賣都好味，叉燒包太腍，個皮濕立立 🧆 XO醬牛肉炒腸粉 炒腸粉好難唔好食，不過就真係有啲辣 牛肉就好似乾炒牛河嘅牛肉咁，非常軟腍 🍓時令水果拼盤 ☕️咖啡 #泰國餐廳食泰國比較着數 #細食都好 #中餐就麻麻哋 #不過我好鍾意佢啲果汁🍹一樽樽分好晒好整齊 #服務態度又好 #基本上你坐幾耐都得

第一餐唔知食咩好，同行朋友提議食呢間，話世記豬扒包聽講幾好食。。。 點知原來呢間分店無，咁唯有試其他。。 由於店面滿座，我哋上左上層坐，不過唔知係咪少人上，d枱櫈有d塵同污糟，要抹抹先坐。。 雞扒菠蘿包加厚蛋。。賣相不錯，但雞扒醃既味道麻麻地，蛋亦沒其他食評般好食👀菠蘿包就似一般麵包舖買既菠蘿包味道，個皮無特別鬆脆 花生醬西多士。。佢上面既topping有d我唔食既椰絲，所以我麻麻地。。 朱古力西多士就係呢餐最好食既食物了。。。 樽仔奶茶。。我略嫌唔夠茶味，友人叫左樽仔咖啡，都覺得味道比較淡 仲叫左牛肉軟包，雞扒菠蘿包加火腿，雞扒撈麵。。d雞扒都係被放棄既主角。。 雖然呢個係我哋第一餐，不過都寧願留返個quota出去食其他

原本只是去瘋堂小巷行吓打卡影相，見係午飯時間，就開OpenRice睇吓附近有咩食，搵到呢間餐廳。 老老實實OpenRice只有4個評語，都讚呢度好食，咁就同友人一齊姑且入去試吓。點知唔食由自可，一食就極有驚喜！！！好開心！😋😋😋 極少寫食評嘅我(本人是香港人，寫香港餐廳都少，依家仲要係寫澳門嘅餐廳)，都忍唔住要俾個大讚👍🏼👍🏼👍🏼👍🏼👍🏼👍🏼，事關今日係星期六午飯時間，但呢間正嘢竟然冇乜客，唯有發揮個人少少力量，俾個正評，🙏🏼祝福佢好生意，繼續做，我下次嚟澳門要翻兜呀！！！（反而頭先見附近某著名餐廳就排晒隊，但我地食過，覺得果間只是浪得虛名🙃) 講吓有幾好食：我地3個人每人各叫咗一款濃湯，一個係芫荽湯、一個係露筍湯，同埋一個係海膽湯，互相試過味，都好濃郁，好足料，好好味，我果個係露筍湯，除咗露筍蓉之外，仲有兩半條露筍，食落去係煎過嘅，配埋個包都好鬆軟，讚！ 主食我地叫咗個豬肉腸牛肉碎pizza，同埋pesto羅勒青醬蕃茄意粉，加個黑松露薯條小食。又老老實實，我好鍾意pesto sauce 意粉，但喺香港冇乜食過邊間係整得好食（喺灣仔有間專門食意粉嘅小店，都係整得唔好食嘅！)，嚟到澳門竟然遇上味道整得剛剛好嘅pesto sauce意粉，真是感動到喊！ 寫太長了，總之樣樣都好好食，行過瘋堂小巷都唔嚟幫襯係你嘅損失😆 (掛住食冇影晒每樣嘢嘅相)

嚟到澳門就想食葡國菜，雖然冇book枱，但仍有位，餐廳有特式瓷磚掛在牆上，同有紅酒和一幅似係葡萄園嘅大掛畫，感覺都有啲葡國feel! 餐牌有好多款菜式，我地揀左🦐葡式海鮮燉飯，海鮮好新鮮，唔會煮到過老，個湯似係用蝦殼熬製，好有鮮味，配埋燉飯一流👍，雖然我唔係芫荽控，但加埋芫荽又有另一種味道層次。🐷烤乳豬配黑椒汁，個皮好脆，肉質嫩滑，個人認為唔加黑椒汁都好好味，建議大家一擺上枱就快啲食，因為店員話放得耐塊皮會冇咁脆。🥔薯絲馬介休炒蛋，味道好豐富，好香蛋味，可能係薯仔同埋炸，食耐左都覺好飽同有啲漏，我自己唔太鍾意食黑橄欖，建議大家食埋，咁應該可能冇咁漏😅。另外叫咗杯鮮檸檬汁，覺得冇咩特別，都係一杯檸檬水😅冇驚喜，朋友叫左葡國啤酒，佢話味道都ok！總結：整體都滿意，值得推介👍

無計劃下求其走入瘋堂斜巷附近的呢間餐廳，結果超級開心！食到好好味的一餐！ 忌廉薄荷芫荽濃湯：芫荽控必食！超得！ 朋友點的蘆筍濃湯同海膽濃湯都好得！ 羅勒青醬蕃茄意粉，真正夠味！好過所有在香港食過的！ 芝士豬肉腸牛肉碎Pizza 好夠味！用料勁多！批底薄邊脆！正！

第2日晏晝我揀左食麵😋
蝦子麵係澳門都叫好多地方有得食～我就揀左呢間。。
佢嘅豬手麵同炸鯪魚球都出名。。呢幾樣野我都有叫黎食。。
佢個鯪魚球就一定要點仔個汁。。超野味。。
而佢個蝦子麵啲蝦子完全唔會少。。
每一條麵都會黐住啲蝦子。。啖啖麵都有蝦子😋超正‼️
雖然佢舖頭啲野食係偏鹹少少。。
但我就覺得幾好味😋
排隊食野就緊啦。。但佢都好快就有位👍🏼👍🏼
.
.
🍜招牌蝦子撈麵
🍜豬手撈麵
🧆金沙炸鯪魚球
🥬油菜
.
.
📍 祥記麵家 (新馬路)
新馬路福隆新街68號地舖

因為太趕先決定嚟澳門，訂吾到心儀嘅餐廳，所以今日嚟左永翠宮（前身係永利宮）食晏。 餐廳樓底高，好開揚，每半小時就有湖景噴泉，可惜枱與枱之間好迫，若然隔離有人坐，連出入都有難度，這個價位，應該可以安排得好一點吧。 食物方面，蟹粉小籠包、生煎包、蔥油餅，不過不失，蘿蔔酥比較䄂珍，黃魚春卷好腥一定要趁熱食，雪山包個皮好鬆但啲餡就過甜，四喜銬夫微暖有啲怪，上海炒粗麵有獲氣好香口，叉燒質地結實有咬口但配上芝蔴脆片真係好另類。 落第一輪點心時，侍應有問我們需要每款上，到加第二輪食物時，侍應沒有問我們，所以一時間一齊上了幾款食物，因為枱子細小，真係食得有點壓力，這服務真係要注意，而且也是強差人意。 敬送嘅小甜點6 件（3款）/4 位，真係比較小家，眼見別人2位也是6 件，而且味道也完全不出色，迷你鳳梨酥乾到一咬即散，希望餐廳可以改善一下份量和味道。 埋單$1800/4 位，吾系話吾好食，但又不至於要再去。

嚟到澳門行到有啲累，又有啲肚餓，除咗掃街之外，都想坐低食下野，我地都被佢門外幅油畫吸引，所以嚟左衣間茶記，上到去也有一些懷舊擺設，可以比顧客打卡。 平時我好少飲咖啡，見佢好似係招牌飲品☕️，我就叫左咖啡，朋友叫左奶茶，我覺得咖啡都幾滑，都啱我口味，朋友都話奶茶味道唔錯👍！平時係香港好少食到沙翁，所以都想懷舊下，沙翁唔算大件，味道甜甜地，唔覺甜到漏，小食多滋味😋！嚟到澳門點都要叫個🐷扒包，嚟到熱辣辣，豬扒是有骨，唔嚡唔硬好Juice，配上麵包一齊食剛好，如果麵包可以再脆一啲就更加好。