法蘭度餐廳

營業中

休息中

12月26日11:30am 去到, 排隊等開門 (秩序良好)12:00nn, 開門啦點知唔係排隊入架啦, 所有o既人係咁衝入去, 自己好似玩爭位坐咁,女職員仲話自己鬥快搵位就得架啦我跟住d人潮迫到入第二個廳, 有一位外藉的職員就開始問d 人要幾多位 (大家就一齊大叫 x 位, x位, 完全唔係跟住次序o既)最後都係冇位啦, 最奇就係, 突然有外國人出現要拎位, 佢地又好順利咁入左去wo...唉....打算山長水遠入去食野o既人要三思

葡國菜首推此間, 我常去吃. 不過最近發現貴了很多, 好像燒乳豬貴了兼份量細了. 只得六塊左右(約2.5-3cm厚), 吃到到喉不到肺. 另一款葡式炒蜆要看季節, 夏天D蜆才肥大, 不過欣賞他們不好不賣的原則, 冬天不會有得賣(因蜆肉細). 另外尤其星期六日假期請記住早D去, 十二點前要去到, 否則起碼等個半鍾啦兼喂蚊, 搭正十二點好似校鐘響才開門, 不用十分鐘就滿哂(走入d另有一紅磚屋好有歐洲feel). 我又曾經試過三點半才去結果又係要等成粒鐘. 山長水遠去到, 無其他野食(只有沙灘的燒烤檔), 焗等. 還有不接受訂位及是不收信用卡的.

2008-12-19中午12時到法蘭度，剛開門無需等位。點選四種主菜：1) 乳豬，皮脆肉嫩。2) 蟹煲，新鮮，但個汁的味道搶去蟹的鮮味。3) 紅豆豬手，夠唸入味及帶紅酒香。4) 燒排骨，so far so good。(薯條並無茄汁供應，可能茄汁要留來煮蟹煲)主要來說，水準保持。餐前的包夠脆及香，但只限每一個主菜跟一個包，我們一行五人，比多一個都唔得，加上侍應說話無禮貎，好似已經唔憂做，話一個包只跟一個主菜，而且無得賣的，真巴閉。總括來說，食品及環境可以；但侍應的水平及禮貌就要好好改進。唔係只有你一間有水準的萄國餐廳的。餐後花絮：友人餐後到餐廳外黑沙灣一帶的燒烤光顧，其中一間叫"肥仔燒烤"。友人見各樣食品吸引，之後問該店的肥仔，問佢燒烤要等幾耐，肥仔答話，熟就得啦!。雖然妙問妙答；但係跟住就話，你等得就等啦。語氣及態度惡劣，不知所謂。得閒要睇多啲劉華啦。唔知係咪黑沙灣的事業走上頂峯，已經唔憂做呢。有時唔係食物有水準，就唔需顧及其他，服務質素亦為重要，簡直趕客。唔食你啲嘢，對我無影響，不過反過來，無客光顧，關門大吉就唔好問點解啦。

星期六一行五人浩浩蕩蕩去澳門搵食, 同行幾位朋友都未去過法蘭度, 所以幾辛苦都帶佢地去一去! 當晚因為等車等得耐, 所以成七點幾先到, 但等位既人好多, 但無減我地要食既決心, 所以一直等, 終於係8點左右就到我地啦!因為之前食左d野, 所 以我地無狂叫..只係叫左 1)燒乳豬 2)燒沙甸魚 3) 澳門炒飯 4) 菜沙律當然, 仲有我認為都係主菜既-----脆皮麵包, 仲有一jar sangria...乳豬同麵包水準真係無變, 同幾年前食一樣咁好味..其次係沙甸魚, 好香, 但個皮就比較咸, 菜沙律番茄好大好甜, 洋蔥都好妹加埋沙律醋...正!澳門炒飯就真係麻麻地啦, 只係得d蝦, 腸仔咁黎炒..唔抵囉, 要$80. 五個女仔叫左jar sangria ($110), 第一次飲, 易入口..都ok.

又來澳門美食之旅。經朋友介紹下，第一站是法蘭度。聽說這裡可吃到地道的葡國菜。我到過澳門很多次了，中式西式地道小吃都吃過了，但不知怎地就是沒有在這邊吃過葡國菜。聽說這兒只可以 walk-in，不設訂位。我和三位朋友大概下午一時多來到，在門外見沒有長龍，還以為很幸運不用等位；不料，原來"等候區"要先經過店面，我們一進到去，見到原來有一個仿如是"小型公園"的地方，等候人數最少二、三十......我們初到貴"店"，實在不知規舉，見有張紙寫著人名人數，又沒有人招呼，便自行寫上姓氏和人數，便徑自找個座位坐下來等候了。由於大家都肚餓了，便到店外附近在黑沙灘旁的小店吃了幾串燒烤。滋味得很！這反而成了這一頓一個重要的點綴呢~花了那麼多篇幅描述環境和周邊的一切，是因為對這次"搵食行動"而言，這些給我的印象更深刻，反而食物可說是乏善足陳，簡單介紹一下好了 鮮菜沙律﹕大量的生菜 + 番茄 + 洋蔥，只要材料新鮮便已經不錯了......所以，就是不錯吧。 燒乳豬﹕之前看食評見是招牌菜，因為叫了一份。百多元一份，我們本來以為會太多吃不完 (因為要留肚晚上吃 BUFFET)，還問侍應可否只要半份 (答案是不可以的)

睇過食評, 亞蘇又介紹過,就去試吓. 唔想等位所以4:30pm去到, 果然只得幾枱客.由於時間早又未餓, 只叫了炒蜆$118>o<..貴咗D, 因無飲用水供應, 亦只好叫了汽水.$15一罐.食物嚟啦!!! 滿心歡喜, 麵包OK, 我覺得烘得太脆, 表面有D乾硬.個蜆就非常失望, 個味道其實唔差, 有沙就預咗, 食吓一隻食吓一隻, 或者其他無呢.... 點知全部都係咁, 不過無想到成碟只得約10隻係無沙.真係想叫佢換, 不過都食咗成半, 算啦. 個待應都見到我不停吐噃D有勁多沙既蜆出嚟我都算勁啦! 少少沙果D, 我已經照吞

麻麻地.....乳豬皮係脆....但又唔係話好食jeh.... 燒雞 <--- 完全唔得~~雞肉又"諧" 又乾.....馬介休chow飯 <-- $100 (未見其特別) staff service no good..... OVERALL COMMENTS : 唔去冇損失~~

跟戰友作戰, 在威威無啖好食, 唯有拉著他去食野罷了。 吃葡式suckling pig是我的堅持, 跳上計程車, 跟司機說去山度士, 唔識; 一講法蘭度, 即識! 程的士都幾迂迴, 戰友仲以為他被賣豬仔添。入到去是別有洞天的世界。 先以姓氏登記, 再坐在困獸鬥的小花園, 喝一口澳門cerveza, 看著戰友的"解釋即係掩飾", 是幾寫意的。 這裡的樽cerveza, 有個廁紙狀的發泡膠包住, 唔使整到隻手仔濕曬, 味道方面是本人喜歡的重麥味, 一d都唔light, 個人認為跟葡國菜八字幾夾, 但作為餐前飲料, 只能一jar jar叫的sangria會較像樣。 很長一段時間沒吃過餐像樣的, 成日提住本人要discipline的他, 動議本人是次來個full course! 我是受寵若驚!!! 兩個人, 想吃什麼就叫什麼, 感覺十分良好! 要了兩款湯, 一碟蜆, 我指名的suckling pig, 他指名的煎蝦, 還有我很久不見的old friend - 馬介休炒飯 落單的提示我們必定吃不完, 很感謝她們的善意提醒, 可是我不認為我們有cut 菜的餘地。剛喝過啤酒, 怎麼少得了sang

朋友介紹,一行四人便來試一下,早上致電想book枱,原來不設預訂,要自己walk in.6pm便到,因小型賽車場維修中,省了時間,到了後花園坐了10mins等位子,感覺不錯,像去了歐洲般的.四人都不太餓,因整天在吃,點了:一jar cocktail ($1XX): 看到waitress在調教,先拿出冷凍的半jar"葡萄汁"樣的東東,再加上紅酒,芬達,雪碧,加冰. 味道帶甜,很易入口,但餘味帶出淡淡的酒味,其實很容易喝醉,因容易入口.3 個豬仔包(免費) - 配搭了醋和油,十分之好吃,可能沒點飯或麵之類飽肚的東西,愛麵包如我,吃下一個燒乳豬 ($138) - 四件乳豬,放在薯條和沙律之上,其實價錢算貴,因乳豬不多,可幸味道不差,皮都算脆,是我整晚計豬仔包後的最愛炒蜆($1XX) - 個人喜歡之前在船屋吃的那種白酒烹煮,這個一般,蜆有點沙燒馬介休 ($1XX) - 滲在olive oil 和大量蒜蓉中,沒太大強烈味道,感覺普通,不如炸的好灼菜心 - Menu中沒有,見人食,便問waiter,不特別除環境外,沒太特別,而且價錢貴,此終覺得船屋最好,本想再去但朋友想試新的地方. 地方偏辟,適合

其實今次過澳門,有8成係想食燒乳豬,記得上次係漁人碼頭個邊食過一間餐廳2次,d燒乳豬都好好味,突然好想食,所以就過左黎,今次搜集各方好友,以及最近次飲食節目中,推介的法蘭度.......點知...我同honey 叫左 ...1)麵包 - 唔係好熱,可能個日大風啦 !~2)炒蜆 - 味道 ok, 有沙 ...3)燒乳豬 - 皮就真係幾脆啦 但無味囉 ~而且d肉 "梅梅地"4)鹽燒排骨 -佢話得鹽燒之喎 ~..睇下個樣..ok喎肉質都好好,唔好似人地d英式餐廳,先洽後燒,應該真係原條生燒的)...一食..超超超超咸 ~ 我平時食野已經食得好重味下,都頂唔住, (之前仲以為燒乳豬咁淡味,是否其他都會比較以原味為住啦,點知又唔係喎 ~)但係..都有樣野好嘅, d 薯條咪幾好囉 ,有d檸檬味,又咸咸地 .....ok..ok...5)sangria ....(又係比飲過的差..)整體黎講....唔會再來.....對於佢又遠...價錢又唔係平 的情況下都唔係原因.....而係....唔好食ma

老爸每次帶海外朋友往澳門，必會去黑沙灘的法蘭度，所以今次他也領著我們一行十數人去吃個葡國晚飯。等位是必然的，好彩這裡的環境與食品質素不錯，所以也值得等一等，況且我們真的人太多，而且又沒有訂位....環境方面，很喜歡那個戶外bar枱，在黑漆漆的天色下，額外多份味道！食品方面，本人尤愛那盆外脆內軟的「大包」，當白酒炒蜆上枱後，將麵包沾上炒蜆的醬汁來吃，確是美味！其實大部份的菜式都不錯，只有炒飯真的不嚐也吧（已試了兩款，但都不好吃）。以下是同席人士的不同推介：1) 麵包2) 炒蜆3) 乳豬 (亦有人覺得不好吃....)4) 蕃茄沙律5) sangria附註：乘的士由氹仔去法蘭度，的士佬們的臉口都極差，不斷給說話我們聽，我想是因為夜晚入到黑沙灘後難以有客返市區....真激氣。

去過法蘭度好幾次, 對食物既印象唔算太深刻, 唯一最記得既就係每次都要排長龍或者晨咁早黎到等"出閘"...... 所以今次, 當有朋友提議去法蘭度既時候, 我第一個反應就係: "要等好耐架.... " 於是, 將其降為次選, 奈何只怪首選既亞馬交唔爭氣, 五點半過後長期接唔通電話, 於是即是轉為 Plan B, 一行六人即時坐的士往法蘭度進發~ 該晚幸好唔算太多人, 等大約三十分鐘就有位, 亦幸好天氣尚算涼爽, 無論係室外既等位區, 抑或室內既進餐區, 都唔算太熱...... 是日分別叫左以下食品: 麵包 - 新鮮出爐, 熱辣香脆, 絕對吸引到你食晒成個, 但係食晒成個就會飽左一半, 建議大家 (尤其是包怪) 唔好食晒成個... 青菜湯 - 青菜 + 煙肉 + 薯仔既配搭, 感覺幾清新 雜菜湯 - 冇左薯仔既雜菜湯, 不過不失 燒葡國腸 - 一致認為味道太鹹, 但據聞葡國腸應該是偏鹹的... 燒乳豬 - 一致認為是該晚最佳菜式, 脆皮燒得恰到好處, 底層的肥膏不太厚, 咬下去融入瘦肉當中, 配合得天衣無蓬 燒雞 - 雞皮亦是燒得恰到好處, 醃料亦做得十分出色 燒牛扒 - 較為遜

d 嘢係幾好食, 但要係個烏煙瘴氣嘅地方等個幾鐘, 果d侍應態度極差, especially 帶位果個葡籍男人, 我朋友等緊位果陣比佢地個泥地陷阱冼低攪到損曬不得止, 仲要無人理佢,我忙著幫他止血消毒, miss咗張枱, 話返比果個葡籍男人知, 仲要blame我唔留心聽叫名, 真係火都離埋...講真, 有d咁嘅服務態度, d嘢幾好食都無用, 一d都唔理顧客嘅感受, 不知所謂!!! 以後我都唔會再來幫襯!!

去澳門，所有景點都彷彿都很快便到，而黑沙沙灘就像澳門的郊區，車程足夠你來一個午睡，亦看看澳門的另一面貌。到法蘭度前，以為這是沙灘旁邊的無甚裝修小食肆，原來是在沙灘附近甚有外國風情的食肆呢~到法蘭度的一天，人頭湧湧，等位是必然了。不過，在法蘭度等位也開心過人，餐廳內有個小花園，形容得貼切一點，有點像外國的露天茶座，等位的人都坐在一起，點了些酒，邊飲、邊坐邊聊天，加上當時正值盛夏，很多外籍人士都作沙灘look 打扮，配上熱鬧氣氛，就像去了beach party 般。(不過，你的耳朵要常留意，這裡即使人多，也不會用mic 叫名，外籍職員只會叫一叫，再係花園仔行個圈叫下，大家必須留心叫名呢)當天點了幾款菜式，但最印象深刻便是大家都力讚的燒乳豬，確實是友人所說: 皮脆、肉鬆化而入口易溶。其他如紅豆豬手，肉質及口感不俗，紅豆味夠濃，不過未至於是must 點的菜式。另一半愛紅酒，便order了一杯，不過其house wine 的質素則普普通通。如果你來澳門的行程很趕，沒有來亦不至於很可惜。但行程輕鬆的朋友，不妨到黑沙沙灘逛逛，感受一下法蘭度的風情。

睇過好多既食評同旅遊書, 都會極力推薦厘間餐廳, 主要係因為燒乳豬! 2個人真係唔可能食好多野, 所以只係叫左兩樣野黎食, 當然一定要試試燒乳豬啦~ 燒乳豬: 厘隻燒乳豬真係幾好味, 燒到個皮好脆, 而且十分之金黃色, 好靚~ 而且D肉好嫩, 好淋, 亦充滿肉汁! 再加埋D檸檬汁就比較fresh D~ 有清新既感覺~ 可能我地少人食, 而且自己又飽飽地, 所以食到第二舊就覺得好漏..... 即刻覺得好滯既感覺~ 不過無可置疑係好味既!! 澳門炒飯: 厘個炒飯冇咩特別~ 得D腸仔, 煙肉, 洋蔥咁, 冇咩話特別好食~ 但就真係幾大碟!! 環境冇冷氣, 得D風扇.... 不過都唔會話十分熱~~ 服務就普通啦~ 成日好似她忙碌咁~ 究竟係咪真係咁忙? 唔知道......... 主要食物係幾好啦~!!!