法蘭度餐廳

營業中

休息中

黑沙海灘一家開了很多年既葡國菜餐廳雖然地方偏遠，好少遊客，但沒得電話定座所以這次提早5:30就到因為怕排隊等到侍應落完單基本上座滿餐廳嘅紅磚設計、吊扇、不知年前嘅畫、紅白色的格仔枱布、國嘅錢幣走廊、復古的建築徬佛穿越中世紀坐低侍應先送來了三個剛出爐大麵包炒蜆隨即送到醬汁濃郁，好多蒜蓉點麵包 一絕烤沙甸魚魚皮脆內嫩烤乳豬係必點菜皮好脆 肉質都鮮嫩 配薯條同沙律菜整體嚟說都很好食、保持到當年的水準下次一定要再來

我同男朋友一齊去曾經風魔一時的Fernando’s 食晚飯。 諗唔到真係失望！未去之前已經個朋友warn咗我唔好去。但諗唔到可以咁差。 叫咗三個dish-半份豬排，一個鵪鶉，同埋一個澳門炒飯。三碟餸，個豬扒有啲鹹，個鵪鶉我以為俾佢炸完再炸，個炒飯真係仲差過我喺屋企煮嘅啲飯，係一嚿嚿同埋係冇乜餸。最OK可能係免費嗰包。同埋啲薯條係好食嘅，但係實在太多同埋亦都冇茄汁。個waiter話因為要原汁原味所以唔可以有茄汁。如果你真係慕名嚟呢度的話，就預備咗啲嘢食係唔up to Standard。只係可以懷念以前曾經瘋狂一時嘅地方。

最近喺澳門黑沙環嘅法蘭度餐廳用餐，整體體驗幾好！🍽️12點開門，但11:30已經見到有啲日本遊客喺外面排緊隊，真係好受歡迎！入到去見到指示牌寫住入邊佔地超過3000平方米，環境寬敞舒適。入座嘅時候，經過好懷舊嘅裝修，四周圍繞住好多植物，令用餐環境好有風味，感覺特別放鬆。1️⃣ **炸馬介休球**：呢個真係最好食！咬開脆脆嘅外皮，裡面仲有一絲絲嘅馬介休。2️⃣ **燒豬手**：入邊有豐富嘅肉質，外皮煙煙韌韌，搭配醬汁食落去不錯！🐖3️⃣ **雜菜湯**：湯底清淡，雜菜新鮮，健康又滋補，適合搭配主菜。4️⃣ **杏脯汁**：甜甜的杏脯汁，為整頓餐點增添咗一點清新，味道相當好！一開頭佢仲俾咗個微微暖嘅豬仔包，幾好食，可以搭配黑醋同橄欖油，真係增添咗不少風味！🌟呢度食咗$530左右整體而言，法蘭度餐廳嘅菜品味道都唔錯，環境氛圍亦好，不過地點都有啲遠，未必可以經常嚟！✨🚩黑沙海灘9號環境🏅🏅🏅🏅（戶外環境有啲昆蟲）味道🏅🏅🏅🏅性價比 🏅🏅🏅#法蘭度餐廳 #澳門 #黑沙環 #炸馬介休 #燒豬手 #雜菜湯 #杏脯汁 #豬仔包 #香港美食 #聚餐分享 #澳門探店

第1次嚟黑沙海灘呢邊，知道有呢間都算好耐嘅葡國菜餐廳，所以12點前已經排隊等開門，去到都已經有幾個family向到等緊，然後陸續都有人排隊，看似真係幾出名咁，等到侍應帶位，到落完單，基本上已經滿座。燒乳豬- 葡菜我一定會必點嘅，呢間個皮都係好脆 肉質都好滑，仲配薯條同沙律菜，必食！！炒蜆- 好入味，好多蒜蓉，味道又唔同平時食嘅豉椒炒蜆，整體嚟講都好好食。馬介休球- 又係必點葡菜，好香嘅魚味，初初以為應該會好咸，但食落又唔會。釀魷魚- 幾特別，同埋啲魷魚幾有咬口，不過個人覺得偏咸，如果有白飯就會比較好。SANGRAI- 唔太好飲酒嘅我，最後都飲左兩杯，佢嘅酒味係偏淡易入口嘅。

食物質數似團餐，菜式不多，服務員菜竟推介白灼，菜亦只有白灼或沙律菜，推介蚬汁蝦，蝦肉不结實，没有蚬味蚬肉！服務不甚專業，性價比不似預期，募名而來非常失望！日後不再光顧！

經開澳門嘅路環島，緊係要去黑沙海灘行下，行行下曬見到有間門面都好vintage，充滿特色嘅餐廳，就入去試下，感受一下地道嘅葡國菜😋🐷燒乳豬見到open rice推介必試係燒乳豬，就叫嚟試吓☺️食落個乳豬皮好脆❗️而且底下嘅肉質好嫩滑，有啲淡淡嘅香草味，味道一流👍而配菜亦有粗身嘅薯條，洋蔥同生菜，食完啲肉都可以食下啲配菜refresh下🥰🟠馬介休球嚟得葡國餐廳緊係要食下馬介休球☺️咬落熱辣辣，有好香，好足料嘅魚肉香味，炸粉嘅皮岩岩好，入面嘅餡料亦唔會太鹹☺️🐚炒蜆我同朋友兩個人嗌咗半份，份量都夠晒！炒蜆肉用嘅醬汁係有啲香草喺入邊，都有好多蒜蓉粒，味道同平時中式炒蜆唔同，味道會比較好重口味少少，但食落都唔會好頸渴，蜆肉都好新鮮，好有鮮味🤤🍷Sangria我地嗌咗一jar,份量都好多，最後都飲到有小小tipsy🤫Sangria飲落好重果味，後勁先有啲淡淡嘅紅酒味。因為太易入口，味道都好好，我同朋友飲下飲下都飲晒😗評分：⭐️⭐️⭐️⭐️⭐️/5人均：~$300

依家位於黑紗海灘嘅葡國餐廳，經過很多次，都冇諗過入去食，因為見到餐廳好似好世間，入邊冇乜人，今次有friend來澳門，竟然話要來呢度，本着陪太子讀書的心態食吓。點知入到去，原來別有洞天，入邊九曲13彎之後係一個超級大廳，仲係古建築， 10分懷舊，食物也很好吃。特別欣賞佢嘅馬介休，好有魚味又唔會太鹹，想食葡國菜真係要試吓呢個餸。不過可惜嘅係，餐廳係冇免費飲用水供應，要買礦泉水，好在我哋點咗幾款果汁和雞尾酒😄😄

 聖方濟各堂區的法蘭度餐廳(Restaurante Fernando)位於黑沙海灘，因為地方較偏遠，很多遊客也不會選擇到來此處進餐，但法蘭度餐廳正宗的葡國菜和浪漫情調仍然能夠吸引很多澳門本土人慕名而來。大門前拱形的綠色走廊、餐廳紅磚、吊扇、懷舊的紅白色格仔枱布，到處都散發着一種典型東歐風情。餐廳有如歐陸豪宅般，分為三個部份。經過大門口的一小部份後，便會到達餐廳中部的露天花園酒吧，天氣好的時候遊客不妨可以坐在這裏，點一杯咖啡或 cocktail，享受一下鳥語花香的環境。 點餐過後，很快便送來了兩個熱辣辣的大麵包，類似法包般，外皮是香脆，內裏是鬆軟，但無奈因為我叫得太多佳餚的關係，我只能淺嘗。可惜餐廳並沒有送上牛油，如果配上牛油的話，或許我會多吃一點。 這間餐廳人均消費約$250。大部份餸菜也分為一份和半份。兩個人前來的話，點三個「半份」餸菜已經非常足夠。而餐酒(紅/白)則$38一小壺，這樣的價錢來說味道不俗。總括而言，這間餐廳無論是情調或是食物質素都性價比高，令人難忘，來到澳門拍拖的情侶及一家大細享受天倫之樂的你們值得一試！

復活節去咗澳門🇲🇴玩，過關嘅時候實在太多人喇🙈用咗幾個鐘先去到澳門市區，去到又唔想淨係去啲人多嘅地方eg官也街🤣於是就發掘下其他地方有咩好食好去。搭巴士嚟到偏遠少少嘅黑沙海灘，因為礦物質關係，部分沙呈黑色，幾得意😆呢度有間極有人氣🔥嘅海邊餐廳，憑住正宗葡國菜吸引極多人專程而來，繁忙時間要等2個鐘，呢日5點幾嚟都full house，可以係餐廳中庭嘅戶外酒吧飲住酒等位🥃餐廳格局都幾有歐洲餐館個種懷舊、地道嘅感覺。雖然啲職員好忙碌但都好friendly呢❤️餐包每枱坐低都會有個巨型餐包，望落去好似好硬咁，但食落都幾唔錯，外層硬脆內裡鬆軟有麵粉香，逐啲搣出嚟點湯食一流😗😗燒乳豬呢度必食絕對係燒乳豬🐷正好詮釋皮脆肉嫩四個字👍🏻👍🏻乳豬皮屬於薄脆crunchy嘅口感，底下嘅肉唔多，不過好嫩滑juicy💦骨部份見到啲香葉痴住，食嘅時候食到淡淡好香嘅香草味😍配菜有唔少薯條同清爽嘅洋蔥生菜沙律，係葡萄牙當地常見嘅配搭同味道，令我諗返起係葡萄牙玩嘅日子，好懷念呀🥰🥰馬介休球馬介休球同樣係葡國菜必食之一🙌🏻食過其他地方嘅馬介休球又鹹又重麵粉，呢個絕對唔會👏🏻👏🏻咬開全部係一絲絲帶魚鮮味嘅魚肉，不太鹹，調味剛

Day 2 in MacauPeople mountain people sea 🥹黑沙海灘百年經典老店~Fernando20年前來，好浪漫，好特別，好好食，服務態度好好。7年前來，有特色食物水準好好，服務態度都唔差。今日嚟，食物水準退步好多，問題係服務水準十分之差。竟然有人同我講：「我哋嘅門口打開，你愛來就來，不愛來就不要來。其實你打開門做生意，食物上想要保持水準。另一方面就係要令到任何一個食客可以係開開心心賓至如歸。如果你繼續供嘅服務態度咁嘅食物質素，相信20年內你將會倒閉。

餐廳氣氛好浪漫裡面既裝修令人轉眼間去左歐洲小鎮咁除左個VIBE呢到既食物都好出色價錢亦都好貼地大力推介佢地馬介休球, 馬介休一絲一絲咁同薯蓉既比例剛剛好, 每啖都食到鹹香味球既表面炸得好鬆軟另外餐包都係好出色完全做到外脆內軟用黎沾汁食實在太吸引了佢地既招牌乳豬都係必點既項目皮脆肉滑, 肉帶有少許脂肪之外仲帶有少少肉既羶味牛尾煮到極淋, 差D叉唔起黎食咁濟好入味, 好岩老人家食個汁用黎送餐包一流炒飯, 燒沙甸魚, 炒蜆水準都OK, 但無特別難忘既記憶點

很久未前來澳門,心想要吃什麼?喝什麼?去哪裏玩?腦海忽然就浮現起二十多年前來過的法蘭度餐廳。還記得以前人多擁擠,等了好兩小時才有枱坐下,受歡迎之度一時無兩。今次呢?門未開便前來等候,避免又等兩小時。原來,門口已經有一條十多人的人龍了。不一會,門開了,侍應連忙招呼,我們選了一張靠牆的枱,可以把這房間盡收眼簾。我們趕快下了單,如期般叫了燒乳豬,馬介休沙律和馬介休球。很快侍應送上了暖暖的麵包,兩大球,外脆內軟,十分可口,沾上橄欖油和醋,更是香口。馬介休球轉眼送上了,很香的魚肉絲磋成一個檸檬形就再去輕炸,吃一口,一細一細絲魚肉尤如蟹柳絲一樣,不錯呀! 燒乳豬送上了,噢,原來一小碟,只有五六塊肉,二人份量剛剛好,一家人來要叫兩碟了；可是,二百多元一碟又真是貴了一點。你吃過之後,「脆卜卜」的豬皮配上鮮嫩的乳豬肉,是極至的口感!真是「貴得有道理」呀! 遲上的沙律就一般水評了。總的來說,二十年一次的體驗,回味無窮。

星期六，我們一個來自葡萄牙的朋友帶我們去澳門吃葡萄牙菜，據說他認為這間是在澳門吃過最正宗的。我們未到下午六點就已經到餐廳了，六點後就已經高朋滿座。他為我們點了很多不同種類的菜式，有牛有蝦，有海鮮，重點是我們要吃馬介休。其實我們不是太清楚菜式叫什麼名字，因為菜式是我那個葡萄牙朋友和餐廳老闆建議的，而且在他們交談之中，我們沒有一句葡萄牙文是聽得懂的。一上菜，麵包好大個，他們說這個是葡萄牙傳統的麵包，可以沾上橄欖油和白醋一起吃。牛肉炆煮得很淋，麵包還可以配上其他菜式的菜汁來吃會更好吃。基本上蝦和海鮮都是辣的，而且這種味道會令到你停不了，因為實在太多向香蒜，好香口和惹味，而且葡萄牙最出名是橄欖油，他們用了很多橄欖油，令到菜式很有油香味，用那些香蒜汁用來配麵包吃，更好吃。重點是我跟我朋友說我要吃馬介休，馬介休的而且確很鹹，不過這裏的馬介休和其他的地方不一樣，魚質比較滑，和平時吃的有點不同。吃完一大堆重口味的菜式，一定要吃這間店的甜品。我記得有一個是雜果杯，還點了一個布丁。布丁真是很好吃，蛋香味很濃郁，而且不是太甜。如果想吃葡國菜的朋友可以到此一試。

晩餐時間，入餐廳見到一位女伙記，愛理不理地問找什麼，我告知已訂位，她指一指餐廳入面的大廳。請留意，這餐廳留位有最低消費，每位澳門幣230元，不留位就冇最低消費。坐低後，因為有小朋友很肚餓，想先叫一點食物給小朋友吃。 料不到落單的伙計一聽到咁就立刻黑面說：係咁你地一陣一齊叫啦！頭也不回行咗去。我們唯有趕快睇菜牌，跟著有個葡國人過來寫菜。我地話小孩要吃白飯，佢話冇，我地見菜牌有炒飯，問可唔可以特別通融供應白飯，佢又黑面話唔得。樣樣都唔得，最後我們唯有走人。奉勸各位萬萬不要光顧這餐廳，以免你們一肚氣出來！

澳門最後一站，法蘭度。因為法蘭度情調夠浪漫，亦都等自己回味一吓，回憶一下，所以，近年去澳門，法蘭度都會成為最後幫襯嘅餐廳。最回味嘅，當然係佢地天下無敵嘅燒乳豬啦！香港嘅燒乳豬，皮脆，但豬肉總係唔鬆軟，份量亦少，法蘭度嘅燒乳豬，乳豬肉鬆軟入味，入口即溶，皮又脆，一個字，掂！之前幫襯，燒乳豬都係凍嘅，今次幫襯，燒乳豬係熱架，更加好味！而且今次份量亦都比之前嘅多，超滿足！另外點咗一份炒蜆同燒排骨，蜆肉新鮮嫩滑入味，燒排骨點錯咗，原本蒜蓉燒黎咗鹽燒，結果味道較咸。澳門，對自己黎講，係一個又愛又恨嘅地方，美食美景同優閒嘅氣氛好吸引，從未試過一年去兩次澳門，今年果然驛馬旺！再見澳門！(^_^)///