阿木台灣麵 (豉油街)

營業中

休息中

噚日（8-3-2025 Sat）傍晚，同老公到咗旺角，佢喺朝早已經話買牛腩加喺自己買嘅白腸粉食，咁橫豎我哋喺旺角 ，不如喺呢喥買上次冇食嘅牛筋腩（食評係2025年3月2日刊登嘅呢篇：https://www.openrice.com/zh/hongkong/review/y-%E6%B8%85%E6%B7%A1%E5%8F%B0%E7%81%A3%E8%8F%9C-e5934482），我哋嚟到，睇到淨牛筋同牛腱各賣$62.00，於是我哋決定買牛筋，我哋啱啱拉開門，店員招呼我哋，我哋話想買外賣，佢叫我哋掃出面QR CODE落單。我哋就掃啦，喺呢個時候，有位長者走嚟，都係話買外賣，店員招呼佢入去落單收錢。我好疑惑，同樣係買外賣，點解要我哋掃code？其實我哋嚟到時係冇人等位或買外賣，而掃code又唔係有著數，之後我哋攪唔掂，就由老公直接入去買，連睇袋同外賣盒各收$1.00，即TTL$64.00。然後好快就有，份量唔多，返到屋企打開睇，本身個兜都已經細，牛筋重要得半兜。我哋倒出嚟睇，共有6舊，食落，好夠腍入味，腩汁唔鹹味道都濃嘅。今次服務大打折扣。