Poking

今日同朋友嚟到中環呢間Poking食返個Bowl。喺呢度可以create your own bowl! 成個bowl要D咩可以完全自己話事，如果好似我同朋友咁 懶得揀亦有幾款同你配搭好嘅組合。朋友揀咗Sweet up your life！（$118）色彩繽紛，三文魚新鮮水潤，牛油果柔軟順滑，芒果夠香甜、圓紅蘿蔔仔、青瓜心同沙律菜增加爽脆口感，配埋柚子醬、花生碎、芝麻碎增添風味，配香軟壽司飯，整個組合非常出色。飯量同醬料量仲可以自選。蘭王蛋鹽蔥鰻魚飯（$98 ）蘭王蛋蛋味香濃，流心蛋黃拌飯，再配上蔥油，單食呢D配料就已經非常美味，主角鰻魚皮香肉厚，加上燒汁惹味無比。