WM咖啡廳

Book咗西貢WM hotel staycation，包早餐自助餐！朝早七點至到11點，每節用餐時間1小時！平時我對酒店包既早餐都沒有抱好大期望！所以唔會好早就落去食，通常都係等到最後一場先食！今日亦都一樣，嚟到大概10:30，餐廳仍然好多人！我先行咗一round，睇吓有咩食，點知好驚喜！同我想像中嘅好大出入！估唔到係咁多選擇！有水果區，麵包區，沙律區，自助飲品區，中式點心區，中式湯粉麵，西式早餐區等等！行哂一轉就要5分鐘！第一轉我攞咗兩隻即煎太陽蛋，一隻烚蛋，茄汁豆，火腿芝士，沙律菜同生果🍎餐茶方面，自己出去斟，我拎咗茶包同鮮奶，自製奶茶！呢度嘅水果好新鮮好甜，忍唔住拎多第二轉！同行嘅有人偏愛西式早餐，拎咗多款火腿！值得一提嘅係呢度嘅麥樂雞，薯餅好脆口！完全唔係放好耐，唔係好硬好乾個隻！10分讚！邊度有落地玻璃，可以望到出邊嘅小教堂💒！真係視覺味覺嘅享受！😍😍