影片
更多
2016-06-11
481 瀏覽
有時會問點解d時間可以過得咁快，好快一日冇咗，好快忙碌嘅月頭又到咗，好快又到咗唔記得食午餐嘅下午，見到大廈門口個易拉架仲係到，應該如無意外，今個下午茶可以食壽司？😬😬😬雖然個banner寫咗午餐直落到18:00，但上到去見得一檯客，都知唔對路，侍應姐姐話last order15:15！即係我食個壽司要係45分鐘內完成啊？於是渣渣淋落單先～已經唔記得要顧及同伴嘅感受，自己叫咗個竹壽司定食先！有七件壽司，之所以揀佢，因為有兩件我最喜愛嘅三文魚！個餐仲有埋沙律同蒸蛋，沙律嘅份量頗少，落咗胡麻沙律醬，麻醬幾香，同d菜都幾夾，而個蛋嘅配料好足，有日式魚蛋，冬菇，蟹柳同素翅，食落滑而不漏，鹹淡適中，感覺似日本家庭主婦嘅拿手小菜，幾過癮！講返我最喜愛嘅三文魚～之前講咗個定食有兩件，仲要係大大件！厚度同d連鎖店，直情唔使比！咬落啖啖肉，好味到而家仲流緊口水！最後，請大家欣賞下件赤海蝦，晶瑩剔透，擺係碟時已蓋過曬件壽司，放係只碟到一比較，殺色到呢～口感好甜，新鮮爽口！最近見有食客話個烏冬唔掂，今日個餐包埋，咁就試下先講啦。呢款係幼身嘅稻庭烏冬，少有餐廳使用嘅原因之一係佢成本比較貴，以一個$85嘅壽司定食
😬😬😬
雖然個banner寫咗午餐直落到18:00，但上到去見得一檯客，都知唔對路，侍應姐姐話last order15:15！即係我食個壽司要係45分鐘內完成啊？於是渣渣淋落單先～已經唔記得要顧及同伴嘅感受，自己叫咗個竹壽司定食先！
竹壽司定食
45 瀏覽
0 讚好
0 留言
個餐仲有埋沙律同蒸蛋，
沙律嘅份量頗少，落咗胡麻沙律醬，麻醬幾香，同d菜都幾夾，而個蛋嘅配料好足，有日式魚蛋，冬菇，蟹柳同素翅，食落滑而不漏，鹹淡適中，感覺似日本家庭主婦嘅拿手小菜，幾過癮！
講返我最喜愛嘅三文魚～
之前講咗個定食有兩件，仲要係大大件！
18 瀏覽
0 讚好
0 留言
23 瀏覽
0 讚好
0 留言
最近見有食客話個烏冬唔掂，今日個餐包埋，咁就試下先講啦。
22 瀏覽
0 讚好
0 留言
而我竟覺得好味，可能口味嘅嘢好個人，我鍾意佢夠爽口彈牙，煙煙韌韌，有嚼口，個湯係好淡，但勝在加咗蔥花，香氣撲鼻惹人。
真係唔好意思，當我同我部電話食完個餐，已經接近16:00，侍應姐姐蓄勢待發等緊我地埋單。
奉勸各位，下次唔好等到真係餓到不得了先去食嘢，無論對自己身體，或者對d要落場嘅餐廳都⋯⋯唔係咁好！
不如，餐廳跟進下d營業時間，好讓我等唔好會錯意？
無論點，都算係一個yummy下午茶時間嘅午餐。
張貼
