影片
更多
2021-12-28
3308 瀏覽
4月份Restaurant Week Spring 2021 Promotion燒到火紅火熱，間間餐廳都適合打卡、好正、好想去食！😍千挑細選揀黎位於灣仔既The Optimist同朋友食慶生飯。🎂🍚"The Optimist"可解作樂觀主義者/樂天派，正正符合熱情奔放，樂觀向上，無拘無束的西班牙性格。入到餐廳特別感受到一種正能量！😀💪🏻＊－。－。－。－。－。－。－。－。－。－＊整體評價：環境靚，食物質素高，適合慶生。🥳有人會出黎彈結他🎸唱生日歌，氣氛好好。當日就有4,5枱生日，好多四月壽星哈哈！🌟餐廳職員友善，自我介紹完就同我地開始簡單介紹餐廳。🥸由於經Dining City訂座🛎，Promotion Dinner Menu 係預先設定好既，$398/位。唯一主菜部分可以四選一。食物份量都幾大，建議Share黎食。每樣食物上菜時，職員都會介紹兩句，清楚自己食緊乜野 (我覺得依樣係幾重要的)。😜＊－。－。－。－。－。－。－。－。－。－＊✦PICOTEO✦🔸White Anchovies 白鳳尾魚白鳳尾魚經過初榨橄欖油醃製，配上新鮮橄欖、蒜、醋，無骨魚肉食落開胃。🔸Padron Peppe
＊－。－。－。－。－。－。－。－。－。－＊
整體評價：環境靚，食物質素高，適合慶生。🥳有人會出黎彈結他🎸唱生日歌，氣氛好好。當日就有4,5枱生日，好多四月壽星哈哈！🌟
餐廳職員友善，自我介紹完就同我地開始簡單介紹餐廳。🥸由於經Dining City訂座🛎，Promotion Dinner Menu 係預先設定好既，$398/位。唯一主菜部分可以四選一。食物份量都幾大，建議Share黎食。每樣食物上菜時，職員都會介紹兩句，清楚自己食緊乜野 (我覺得依樣係幾重要的)。😜
＊－。－。－。－。－。－。－。－。－。－＊
✦PICOTEO✦
🔸White Anchovies 白鳳尾魚
白鳳尾魚經過初榨橄欖油醃製，配上新鮮橄欖、蒜、醋，無骨魚肉食落開胃。
🔸Padron Peppers 西班牙帕德龍辣椒
Padron辣椒配上特級初榨橄欖油同Maldon Salt，係西班牙菜中既特式Tapas小食。
🔸Bluefin Tuna Tartar 韃靼藍鰭鮪
吞拿魚他他配上牛油果蓉、蟹籽，放於迷你脆撻上。一口Size，牛油果味唔重，唔會蓋過吞拿魚，味道好夾。用上綠豆黎做伴碟，幾特別，同上面食物橙色做成對比，上碟效果唔錯。
＊－。－。－。－。－。－。－。－。－。－＊
✦STARTERS✦
🔸Gambas "al Ajillo" 西班牙蒜蓉蝦
大蝦配上大蒜、辣椒、特級初榨橄欖油等調味，爽口彈牙又不失鮮味。
🔸Iberian Ham Croquettes 西班牙伊比利亞(黑毛豬)火腿可樂餅
以伊比利亞火腿配上蒜蓉蛋黃醬做成既可樂餅，外脆內熱，好香口。
＊－。－。－。－。－。－。－。－。－。－＊
✦MAIN COURSE✦
🔸Signature Juicy Lobster Rice (For 2) +$98pp 招牌多汁龍蝦飯
全餐飯我最期待就係依個龍蝦飯！！波士頓龍蝦重秤多肉，餐牌上mention 2份量。加錢都值！話明多汁龍蝦飯，比起一般Risotto會較為濕潤。湯底味道濃厚，原汁原味。配上西班牙的Bomba Rice，米粒吸滿湯汁後仍粒粒堅實飽滿，唔會軟爛，口感唔錯。
🔸Red Snapper 紅鯛魚
野生紅鯛魚，用上大蒜、辣椒、特級初榨橄欖油、雪莉醋等調味手法煮成，係西餐黎計比較少見依仲整法。魚肉起哂骨啖啖肉，肉質帶點緊實，又不失鮮嫩可口。
🔸Eggplant Shuffle 茄子
烤茄子看似簡單，搭配番茄、山羊芝士、松子、濃香蒜醬，松露片，另有一番風味。
＊－。－。－。－。－。－。－。－。－。－＊
✦AL LADO✦
🔸Mixed Leaf Salad 雜菜沙律
蔬菜沙律同時與主菜做搭配，雜菜、番茄配上蘋果醋，酸酸地清新得黎有解膩作用。
＊－。－。－。－。－。－。－。－。－。－＊
✦DESSERT✦
🔸Basque Cheesecake 巴斯克芝士蛋糕
焦糖烘燶面上淋上果醬，顯得無咁單調。濃郁芝士味，綿密口感，好食。
🔸Flan 焦糖布丁
蛋味較重，配上檸檬奶油同杏仁脆餅，多重口感，味道不過不失唔算特別。
＊－。－。－。－。－。－。－。－。－。－＊
張貼
