The Optimist

一向都喜歡食生蠔，愛它順滑口感與鮮甜味道，而且不同季節及地區的生蠔味道都大不同，味道更多樣化。好耐無食生蠔，朋友發現灣仔Optimist 逢星期四有90分鐘任食法國芬迪奇生蠔，OMG！咁正點可以唔去😍Optimist 裝修以藍綠色為主，配上配上古典的桌椅，很有歐洲復古風味，餐廳樓高三層，地下係酒吧，好chill，而我地則係1樓用餐，好有歐洲復古風味 ，慶生超有儀式感，2樓則是燒烤區。💫Oyster Extravaganza 「生蠔盛宴」($498/p.p)餐前麵包配蒜蓉蛋黃醬, 配麵包食超正🌟Starter🔸Pan Con Tomate西班牙的傳統前菜，簡單在烘過的麵包上塗滿新鮮的蕃茄，再加上初榨橄欖油，簡單但超美味，香脆又充滿蕃茄香甜味。🔸Mussels 加入紅辣椒及卡宴辣椒的白酒煮青口，為青口帶來微微辛辣，但更加的惹味，青口嫩滑入味😋🌟 Free flow oyster（90mins)再來是今天主角之一，90分鐘任食法國芬迪奇生蠔，生蠔全部即叫即開，非常的新鮮鮮味，口感爽脆細膩，配上餐廳調配的的vinegar，更能帶出生蠔的海水味，夏天食用一流，完全不會漏，所以我同朋友每人食咗20隻，大癲🤣🌟Main食完生蠔還有主菜，超豐富的🔸Sea bass 香煎海鱸魚配上紅燈籠椒的醬汁，帶出海鱸魚的鮮甜味，魚肉柔軟細膩。🔸Chargrilled Beef Striploin用上紐西蘭西冷牛扒，以炭火去燒，表面有炭火焦香，內裏保持肉汁，我地點了medium rare, 大廚燒得剛剛好，西冷牛扒肉味香濃，邊位有肥膏令牛扒更香，只簡單的醮鹽吃已經好好食😋🌟Dessert:最後結尾當然要有甜品🔸 CREMA CATALANA西班牙的經典甜品，類似crème brûlée，但加入柑橘皮和肉桂增添香氣，用上牛奶代替奶油，所以整體口感會較輕薄順滑，又唔會太甜及漏，店員即席加上點火製作焦糖脆面，更IG-able🔸巴斯克蛋糕另一個甜品是巴斯克芝士蛋糕，表面帶深棕色，有輕微苦甜焦糖味，但內裏柔軟濕潤，入口即化，奶香味濃郁，配上帶微酸的野莓醬，平衡芝士蛋糕的厚重。見到其他枱有點三吋芝士蛋糕，由職員即場切出享用，好有儀式感，下次嚟都要試吓先😍🌟Drink: Sangria 食西班牙餐廳點可以唔點sangria, 多款水果，清新清甜，酒味不會太重，配食生蠔剛剛好👍🏻…查看更多

Tapas是源自西班牙的佐酒美食，因為其款式百變，備受香港人歡迎， Pirata Group 旗下西班牙餐廳 The Optimist最新推出十分超值的半自助午餐，只需$138起即可任食自助餐檯上逾10款西班牙tapas，每位加$40起即可以升級自選一款主菜，另加$18 選配甜品，加$35 就有甜品及咖啡，逢星期一至六供應。自助吧的所有開胃前菜都是無限量供應，一次過品嚐多款地道西班牙Tapas ，包括黑松露西班牙炸丸子、西班牙辣味番茄醬拌薯仔、三文魚他他、西班牙冷湯、大蝦串、豬肉凍卷、曼切高羊奶芝士、雞肉米飯沙律、吞拿魚薯仔沙律、涼拌菜絲、酸種麵包、橄欖油麵包、番茄抹醬等等，黑松露西班牙炸丸子以脆身外皮包裹著忌廉內餡，以鮮刨黑松露點綴，散發馥郁香氣，西班牙辣味番茄醬拌薯仔連着薯皮炸得外層酥脆，肉心軟糯，番茄醬汁酸甜中帶微辣，惹味得令人吃不停口，三文魚他他肉質彈滑，魚鮮十足而又不會過腥，西班牙冷湯真材實料，蕃茄味酸酸甜甜，最適合在餐前喚醒味蕾，傳統的 pintxos底部通常是麵包切片，大蝦碎蛋沙律清爽醒胃，橄欖油麵包烘得焦脆，與清甜多汁的番茄抹醬相互交織。碳烤西冷牛扒 $256西冷牛扒點了七成熟，火喉控制得精準，表面帶炭火焦香，中心仍保持嫩紅色，肉質細嫩鬆軟，肉汁飽滿，突出濃郁而有層次的肉味，在半個烤蒜和大蒜紅椒醬的襯托下，提升肉香。烤原條鱸魚 $238鱸魚豐厚細嫩，每口都是啖啖肉，富有白身魚的清爽鮮甜，配合鷹咀豆蓉及橄欖油烤蔬菜提鮮而不搶味，最能表達食材的原始鮮味。所有主菜均配是日餐湯，忌廉湯質感濃厚稠身。火焰卡達拉娜 +$35上桌時會淋上橙酒點火燃燒，瞬間閃出火光烈焰，打卡一流，燉蛋與熱糖衣呈現溫差的對比，精髓在於那滿滿焦香的脆殼，裏面配上滑嫩的綿柔燉蛋。巴斯克芝士蛋糕 +$35最大的特色當然是其焦黑的表面，焦香味與濃郁的芝士味完美匹配，蛋糕口感濕潤綿密，沾上酸甜的野莓醬，中和甜膩感。Latte及Cappuccino口感溫潤圓滑，留下回甘啡香餘韻。…查看更多

之前成日見人大推呢間西班牙餐廳最近見佢新出咗個weekday lunch buffet🇪🇸$138就可以任食佢地嘅appetiser selection身為tapas愛好者 梗係唔會錯過呢個優惠🤩.•Starters•個人最中意佢地嘅truffle croquettes松露香氣 黃金外皮包裹住幼滑薯蓉 絕配🥔第二係tartare 當日有三文魚同吞拿魚拌生洋蔥食落有微辣嘅刺激感 幾開胃🧅仲有好似prawn pintxos同patatas bravas好多不同種類嘅前菜 款款吸引㗎😋.•Mains•想食得豐富啲可以加個主菜 cp值超高價位只係$178至$238 加幾十蚊就有超抵😳今次試咗牛尾飯 入口好濕潤好juicy另外試咗燒西冷 厚身得黎做到外焦內嫩🥰唔食牛嘅朋友都唔洗擔心menu仲有素食或者海鮮之類嘅其他選擇💁🏻‍♂️.•Dessert•甜品必叫西班牙最signature嘅churros啦個朱古力醬唔會好甜 而係香濃嘅可可味🍫唔中意甜嘅話可以叫巴斯克芝士蛋糕伴咗少少berries saice 酸酸微微咁都唔錯🫐.•Beverage•再有鬆動budget嘅話 不妨試下佢地嘅酒因為好多款cocktail都係一舊水左右 唔算貴或者飲返最classic嘅red sangria又得🍷.同我一樣中意西班牙菜嘅朋友 快啲去試吓啦 不過要記得係平日先有㗎😝…查看更多

今次帶大家黎到呢間位於灣仔軒尼詩道既The Optimist，呢間西班牙菜餐廳裝修充滿歐陸式風格，環境雅致舒適，岩晒黎同一場浪漫約會或者同朋友一齊黎chill下。我地食既係Sueno Tasting Menu，價錢只係$399/位。而且好果有生日預約，餐廳仲會有團隊出黎一齊慶祝，超有氣。-首先既餐前麵包仲會配上蒜蓉蛋黃醬，味道幾唔錯。跟住正式上前菜，分別叫左House Salad同Tuna Tartare。House Salad沙律菜好新鮮，配料豐富 ，食落好清新開胃。而Tuna Tartare入口好滑嫩，酸辣開胃，賣相亦都好精緻。另外仲叫左Pan Con Tomate，經典既蕃茄醬欖油麵包，非常惹味。跟住落黎就係King Prawns Al Ajillo，鐵板上面既蒜蓉大蝦煎得好香，未食已經流晒口水，大蝦食落口好彈牙，而且蒜味辣味好濃郁，重點係已經剝好殼，食落好方便。-主菜方面我地首先叫左烤雞Roast Chicken，雞烤得好喉岩岩好，外皮金黃酥脆，咬落口肉質鮮嫩多汁，每一啾都好滿足。另一道主菜叫左牛尾飯Juicy OX Tail Rice，飯粒吸滿左牛尾既肉汁，散發出濃郁既香氣，真係食完一啖又一啖，而且個飯度仲有好多配菜，食落口好有層次感。-最後仲叫左個芝士蛋糕，絕對係呢間餐廳既Signiture之一，眼見差唔多每枱都有叫，芝士味好濃厚，配埋Blueberry醬，味道岩岩好，口感亦都好Smooth，-…查看更多

Th今次我帶老婆去左港島一間西班牙餐廳食飯，呢類餐廳真係港島先搵到，佢好有外國氣息，無論環境，裝修，連侍應都有外國人，而我就特登揀星期四黎食，因為佢地推出左個逢星期四先有既任食生蠔menu🇪🇸Oyster Extravaganza（每位$498）我地叫左呢個任食生蠔餐，佢係每位計既，食物就會按人數去提供相應份量，有齊前菜，生蠔，主菜，甜品，客人只需自選主菜就可以，其他一律包曬，飲品就要另外叫😉PAN CON TOMATE呢個前菜係一份蕃茄醬既麵包，個醬酸酸地，同埋加左橄欖油，幾開胃🍅🥖MUSSELS另外仲有款前菜就係白酒煮蜆，佢煮得夠入味，蜆肉都夠鮮味😋Oyster free-flow跟住就黎到今晚其中一個主角，任食生蠔90分鐘，佢size適中，唔算好大隻，味道鮮甜，嗌多幾round都冇降低質素🦪JUICY LOBSTER RICE兩位用（另加$98）主菜我地加錢揀左個兩位用既龍蝦飯，原隻波士頓龍蝦切開左，令到個飯既味滲曬入去，龍蝦用勁彈牙又新鮮，而且size都唔細，蟹鉗都幾大隻，啖啖肉🦞CREMA CATALANA呢個焦糖燉蛋賣相好靚之餘，個燉蛋好香滑☺️Churros另外仲有西班牙特色甜品，西班牙油條，配上朱古力醬，滋味十足🍫SANGRIA（$68）我地各自叫左杯西班牙果酒，清甜易入口🍷呢間餐廳好有情調，都好多人黎食，佢連地下總共有3層，全場爆滿，野食好味，員工服務都好好，係唯一太多人黎食，出餐有d慢，不過任食生蠔唔洗廚師煮既就上得快，我地食住生蠔等就都ok，得閒食下呢d有特色既餐廳都幾正😍…查看更多