一鳴屋台料理

營業中

休息中

上水日式拉麵舖唔係好多，喺馬會道十字路口見到一間日式拉麵店一鳴，一直都想試，但每次行過都見到好多人排隊，今次特登平一利息，好彩真係冇咁多人，如果假日嘅話就應該要排吓隊。呢度坐得都幾舒服，餐廳裝修都幾精緻，上一大班朋友嚟吹水都OK，環境唔會話太靜，都可以傾得幾舒暢！首先梗係要叫返碗拉麵，由於今日好肚餓關係，我叫咗好多嘢食，叫咗黑蒜豬頸肉拉麵，仲嗌左芽菜同埋一隻蛋！超豐富好正！碗拉麵都真係味道唔錯，豬頸肉都幾淋身！我仲跟埋餐，加左份炸雞同埋抹茶波子汽水，抹茶波子汽水真係第一次聽，味道真係幾好飲，抹茶味幾重幾得意，下次會再飲！同埋叫咗個炸雞，熱辣辣真係好好食！唔算好厚炸粉肉質都算嫩滑！不錯不錯！！！