Poking

-Poking-@上環.星期六同男朋友去中上環閒逛，試左哩間店面唔太大，以木系裝修為主的Poking。.收QR code自助落單， Menu已經有幾款signature Bowl，亦都可以自選Poke Bowl。唔想慢慢諗，我選擇左Deluxe Bowl的Creamy Baby。.飯底可以選擇壽司米或糙米，亦都可以選擇加入沙律菜，就連醬汁嘅份量都可以自由選擇，很貼心。.Creamy Baby ($118)好大份量的Poke Bowl，有三文魚、牛油果、雞蛋絲、豆腐、青瓜和蟹籽，以木魚絲，脆炸蒜粒提味，再加埋芥末沙律醬，超級豐富。食材好足，夠新鮮。最鍾意佢有豆腐係裡面，食落好清新好滑，令成個口感同味道都變得輕盈。.男朋友就自選Poke Bowl，主食選擇左香煎雞扒加豆腐配雜錦香菇，配上中華沙律，醬汁就選擇左蜜糖黃芥末醬，加埋香口脆脆，木魚絲和七味粉提味。賣相同樣吸引，雞扒醃得入味，加埋木魚絲同七味粉的調味，更是吸引。飲品點左杯椰青冰萃咖啡，椰青味唔算好重，飲落清新順滑，配Poke Bowl都好夾。