BKK

去PMQ遊走下，食泰國嘢醫肚，喺PMQ黎講，呢間餐廳嘅性價比一流，氣氛味道都有交代.泰式辣椒膏炒沙白配免治雞肉粉絲湯味道超濃郁，沙白仲要係新鮮嘅，每一粒都脹卜卜，咬落鮮甜juicy，粉絲索哂佢炒沙白嘅汁，最衰無得加底 😮‍💨虎蝦金邊粉金邊粉質地比平時煙韌，鍾意Al Dente口感人士必食.另外佢仲有一個好特別嘅配菜，我會稱呼佢為汁煮椰子肉，咬落清清甜甜，開胃！炭燒生蠔加左蒜蓉牛油一齊燒，香味、鮮味、惹味！個size一啲都唔欺場，蠔身肥嘟嘟，燒到啱啱好 🤤Coconut smoothie呢個椰子沙冰，超驚喜！佢除咗用咗椰皇之外，仲加埋芒果同斑斕葉味道估唔到係咁夾！ 推！