影片
更多
2023-08-17
51 瀏覽
今次來到九龍城打鼓嶺道食意大利菜一坐低睇餐牌，就選擇困難症發作，食物款式非常多，除咗必定有嘅Pizza,Pasta, Risotto 之外，仲有和牛，黑毛豬，海鮮盤，多到數唔曬。老闆娘介紹下，頭盤先來個芝士焗新鮮紐西蘭青口，面頭係芝士碎加上芝士做嘅sauce有唔同嘅口感之餘，青口雖然係焗，但入口juicy有鮮味，完全唔會覺得乾。第二道菜係黑松露菌忌廉汁意大利帶子牛肝菌雲吞。Pavia嘅意大利雲吞同傳統嘅有d唔同，雲吞皮特登做得較薄，口感煙韌，雲吞餡係帶子同牛肝菌，帶子熟度恰到好處，牛肝菌配埋黑松露忌廉汁味道非常出。最後一道菜係燒澳洲牛肋骨。牛肋骨燒得恰道好處，外層香口，入面生熟道剛好，做到鎖住肉汁嘅效果，唔需要任何醬汁，都已經非常惹味，老闆娘提議加少少海鹽，令牛肋肉嘅味更加突出。Pavia 除咗食物美味之外，有好多地方都令我之後一定會再返來幫襯，例如每上一道菜之前都會換一次碟，避免剩低嘅汁醬影響另一個菜嘅味道; 每上一道菜，老闆娘都會來講解嗰道菜嘅特別之處，點樣品嚐; 食完飲餐飲嘅時候，老闆娘仲同我哋升紹餐廳嘅特色牆嘅來由，一d熟客嘅趣聞，除咗高質嘅食物之外，仲多咗一份親切感。 極力推
今次來到九龍城打鼓嶺道食意大利菜
一坐低睇餐牌，就選擇困難症發作，食物款式非常多，除咗必定有嘅Pizza,Pasta, Risotto 之外，仲有和牛，黑毛豬，海鮮盤，多到數唔曬。
老闆娘介紹下，頭盤先來個芝士焗新鮮紐西蘭青口，面頭係芝士碎加上芝士做嘅sauce有唔同嘅口感之餘，青口雖然係焗，但入口juicy有鮮味，完全唔會覺得乾。
第二道菜係黑松露菌忌廉汁意大利帶子牛肝菌雲吞。Pavia嘅意大利雲吞同傳統嘅有d唔同，雲吞皮特登做得較薄，口感煙韌，雲吞餡係帶子同牛肝菌，帶子熟度恰到好處，牛肝菌配埋黑松露忌廉汁味道非常出。
最後一道菜係燒澳洲牛肋骨。牛肋骨燒得恰道好處，外層香口，入面生熟道剛好，做到鎖住肉汁嘅效果，唔需要任何醬汁，都已經非常惹味，老闆娘提議加少少海鹽，令牛肋肉嘅味更加突出。
Pavia 除咗食物美味之外，有好多地方都令我之後一定會再返來幫襯，例如每上一道菜之前都會換一次碟，避免剩低嘅汁醬影響另一個菜嘅味道; 每上一道菜，老闆娘都會來講解嗰道菜嘅特別之處，點樣品嚐; 食完飲餐飲嘅時候，老闆娘仲同我哋升紹餐廳嘅特色牆嘅來由，一d熟客嘅趣聞，除咗高質嘅食物之外，仲多咗一份親切感。
極力推薦👍🏻👍🏻👍🏻
張貼
