影片
更多
2025-02-19
511 瀏覽
黃埔呢間新鮮圍煮已經成為每次我想去食暖胃嘢/花膠雞煲就會諗起既餐廳 呢到有個四人餐只係$888 但就有刺食 魚類 手切牛 豚肉片等等超多嘢食 而且份量就算多一個人都夠食 當日我哋就真係五個人食四人餐 最後都仲有少少嘢食食唔曬湯底我哋當然就加錢叫咗個花膠雞煲 話曬都係呢度嘅招牌之一 花膠（魚肚）富含膠原蛋白 上枱嘅時候首先會係雞湯上先 裏面有半隻黃油雞 發好咗嘅花膠另上 店員都提醒花膠唔好煮咁耐 費事佢溶曬落啲湯底度就食唔到㗎喇 雞肉好鮮嫩 湯底非常濃郁 飲落感覺好滋補養生 令人回味 飲完第一次嘅湯之後加嗰啲二湯就已經冇咁濃 唔係呢個味㗎喇前菜（2選1）可以揀酒糟鴨舌或者凉拌海哲 我就覺得鴨舌特別啲 平時出面比較小食 酒糟鴨舌既味道濃郁 鴨舌彈牙 酒糟的香氣滲透其中 令人一口接一口 即使係前菜都絕不馬虎魚類（2選1）脆鯇背腩片 / 新鮮白鳝片 白鳝片新鮮滑嫩 口感細膩 簡單既雞湯烹調方式保留了白鳝的原汁原味象拔蚌刺身拼盤刺身拼盤有四款海鮮 牡丹蝦 北寄貝 象拔蚌 帶子 每一種海鮮都新鮮無比 口感鮮甜本身跟餐有龍蝦 但係當日冇貨 轉咗海蝦同大貝類畀我哋 海鮮都新鮮 但係如果有龍蝦就會更
湯底我哋當然就加錢叫咗個花膠雞煲 話曬都係呢度嘅招牌之一 花膠（魚肚）富含膠原蛋白 上枱嘅時候首先會係雞湯上先 裏面有半隻黃油雞 發好咗嘅花膠另上 店員都提醒花膠唔好煮咁耐 費事佢溶曬落啲湯底度就食唔到㗎喇 雞肉好鮮嫩 湯底非常濃郁 飲落感覺好滋補養生 令人回味 飲完第一次嘅湯之後加嗰啲二湯就已經冇咁濃 唔係呢個味㗎喇
前菜（2選1）可以揀酒糟鴨舌或者凉拌海哲
我就覺得鴨舌特別啲 平時出面比較小食 酒糟鴨舌既味道濃郁 鴨舌彈牙 酒糟的香氣滲透其中 令人一口接一口 即使係前菜都絕不馬虎
魚類（2選1）
脆鯇背腩片 / 新鮮白鳝片
白鳝片新鮮滑嫩 口感細膩 簡單既雞湯烹調方式保留了白鳝的原汁原味
象拔蚌刺身拼盤
刺身拼盤有四款海鮮 牡丹蝦 北寄貝 象拔蚌 帶子 每一種海鮮都新鮮無比 口感鮮甜
本身跟餐有龍蝦 但係當日冇貨 轉咗海蝦同大貝類畀我哋 海鮮都新鮮 但係如果有龍蝦就會更加開心
本地手切肥牛
手切肥牛片厚薄適中 烹調後都仲保留到牛肉既鮮嫩
同檯有朋友唔食牛 而呢個餐好好 除咗有牛之外亦有豬 所以滿足到唔同人嘅需要 而呢度嘅豚肉係非常之好味 夠厚身所以好有咬口 但食落唔會韌/鞋而係偏爽彈 肉與肉之間仲有啲肥豬肉 油脂香令味道昇華
鮮味肥鵝腸
肥鵝腸口感脆爽 但係內臟嘢唔係人人都啱食 不過跟餐by default就會配 但呢度嘅腸清得都乾淨 所以食落唔會有異味
手打鮮墨魚丸口感Q彈 總之就食得出係好新鮮 絕對係一粒美味又高分嘅墨魚丸
鮮蝦韭菜餃
鮮蝦韭菜餃既餡料好豐富飽滿 鮮蝦既鮮甜同韭菜既香氣完美結合 餃子的皮薄餡多 雖然係四人餐 但係有六粒 所以食完可以再encore
鮮蝦水餃
同鮮蝦韭菜餃旗鼓相當 同樣美味
金紗魚腐
金紗魚腐嫩滑吸湯 魚腐既鮮美和金紗既微香脆
炸響鈴都算係一種非常受歡迎既火鍋配料 尤其呢到係自家炸會更加脆 放入火鍋煮熟後 吸哂湯底的鮮美味道 口感非常豐富
豬皮就都幾乾淨 起碼見唔到豬毛
鮮甜粟米拼蜂巢冰豆腐
當日真嘅粟米係甜嘅 但係唔夠水有啲可惜
蜂巢冰豆腐 啱曬黎吸湯
鮮菌雜菜籃 有油麥菜 皇帝菜 娃娃菜 金菇 海鮮菇 咩菜都可以食下 而且都幾新鮮乾淨
另外呢度有個貼心小服務就係有手機支架提供 方便你食嘢之餘又可以睇手機又唔會整污糟部手機 我都係第一次喺餐廳見到有呢啲細心嘢提供
張貼
