新鮮圍煮

營業中

休息中

是日到黃埔區消費，除了購物不忘揾好吃的午餐，「新鮮圍煮」午市主打湯米線，看過門口大餐牌，覺得選材合意。花膠貴妃雞濃湯刀削麵~大大一口的爽滑花膠含豐富膠原蛋白，吃得很有滿足感！肉質嫩滑貴妃雞有1/4隻份量，大大補充能量。濃湯啖啖清甜美味，滋補又養顏。旺旺鮮貝雜菌雞湯米線~很清新的海鮮材料，兩丸鮮味爽彈，還有蟹柳，端來的鮮貝尚未開殼，大碗下的爐火，很快地便把鮮貝煮開，鮮貝肉質味美冇沙，好愜意的海鮮雞湯米線！追加:炸熔岩蝦球~我第一顆咬下，竟然不小心地爆熔岩漿在桌面，真的有少許狼狽，但又的確很美味！炸唐揚雞~酥脆可口！道地盒裝生豆乳~選用非基因改造的有機黃豆，可以放心飲用。

約朋友齊齊黃埔逛街，然後食晚飯，之前已經想試《新鮮圍煮》，今日終於有機會，聽聞佢嘅花膠雞濃湯底好正。【金裝套餐】開胃小食-酒糟鴨舌~ 醃得夠入味。加拿大象拔蚌刺身拼盤~ 象拔蚌、帶子、北寄貝、大蝦，每樣都好新鮮尤其是象拔蚌，脆脆爽口。花膠濃雞湯~店員即席剪開花膠及靚雞，雞湯勁濃，加湯嘅時候都係加返雞湯，嫩滑雞件，正！時令海鮮~海蝦夠鮮甜。手切本地肥牛~好新鮮，夠肥美，香濃牛肉味。四寶丸拼~鮮蝦丸、鮮墨丸、芝士鮮牛丸、貢丸，各有特式，蝦丸非常彈牙，牛丸肉汁多。火鍋六寶拼~牛骨髓好軟滑、豬肝夠爽彈、蜂巢冰豆腐索滿湯汁、響鈴熱辣辣即叫即炸、午餐肉都是即炸好香口、魚腐。淮山麵質感夠爽，掛滿湯汁，特別美味。仲有一盤新鮮蔬菜。這裡午市有各款濃雞湯米線，追加小食價錢都好相宜。

嚟到黃埔食午餐碌碌下電話發現呢間火鍋店午市有米線套餐！見佢喺黃埔天地 又近地鐵站出口 就行去睇下！個午市套餐價錢都好吸引🤑老闆介紹魚湯係最新推出 咁我哋就每人叫一個雞湯同魚湯啦～另外再加左小食同飲品！一上枱賣相已經好吸引 佢用個小火爐座住碗米線～熱辣辣～好正🎣豆乳鮮什魚湯米線🫘老闆果然冇介紹錯 魚湯好鮮甜 又有淡淡嘅豆香味 每一啖飲落都覺得健康又養生❤️ 隨米線附上嘅娃娃菜都好新鮮🦐蟲草花•竹笙•蝦滑濃雞湯刀削麵🐓朋友叫嘅呢一個都好正 佢叫濃雞湯真係冇叫錯 真係好濃郁😆 竹笙完美咁吸收哂啲精華～蝦滑爽口彈牙 唔難想像平時打邊爐啲用料應該都好新鮮好靚除左米線仲有刀削麵同飯揀～朋友鍾意有咬口所以就轉咗刀削麵👍午市套餐好經濟實惠可以平平地叫啲小食 一份大約兩件～就算一個人獨食都可以試多啲唔同嘅款式🦐炸荔枝蝦球呢個聲色味俱全！外面用粒粒紅色米通將蝦球營造到好似荔枝咁第一淡咬落去脆卜卜 再食到彈牙嘅蝦球～口感同味道都好岀色可以媲美傳統中式餐廳！🥟炸鮮蝦韭菜餃呢個又係炸得好香口入面仲要包住大大隻蝦！出品一流兩個字 好味！🐤炸唐揚雞鬆脆又唔肥🐟炸魚皮脆卜卜 點湯食一流！另外我地都一人叫咗一支烏龍茶食左

💖 新鮮圍煮 (紅磡)✨紅磡黃埔天地聚寶坊(第11期)地下G26號鋪〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️@heimennnnnnnn 好耐冇同我食飯啦😆，難得佢今日收早，我就獎勵佢同我去食花膠雞！識佢嘅人都知佢滋陰又養顏🤭，花膠雞一定岩佢🫶🏻金裝套餐 每位$348（2位起）開胃小食🥗:涼拌海蜇🪼加拿大象拔蚌刺身拼盆🍣呢仲刺身拼盤由赤蝦、帆立貝、象拔蚌、北寄貝組合而成😍，呢個咁抵食嘅價錢仲可以食到咁新鮮嘅刺身，實在太正‼️象拔蚌爽口👍🏻花膠濃雞湯湯底🍲花膠雞湯底入邊已經勁多花膠勁多雞🥰，啲花膠同埋雞系師傅會喺我哋面前剪開😚。湯底滾起咗之後就可以即刻飲碗湯😌，好濃郁嘅雞湯，滿滿嘅膠質🤩時令海鮮🦞時令海鮮就系蜆肉同埋生蠔😳，生蠔勁大只😻。蜆又系大大粒🤤。Cp值高🫶🏻手切本地肥牛🐃肥牛都系超級正😎，食落口好重肉香😋，油份又唔會話好多🤓四寶丸拼🍢:
佢啲丸又系要大推介🤩，全部都大大粒，分別有鮮蝦丸、鮮墨丸、芝士鮮牛丸同埋貢丸🍡。我覺得最好味嘅就系芝士鮮牛丸😳火鍋六寶拼🤙🏻:除咗餐牌嘅嘢食之外仲可以揀6️⃣款配菜，今次我哋就揀咗金紗魚腐、鮮味炸魚角、金妹芝士腸、炸西班牙黑毛豬午餐肉、自家制炸響鈴同鮮支竹😙

2024年12月17日 星期二今晚約左幾個舊同事喺黃埔食飯，之前無諗定食咩，決定一齊周圍行睇下有冇餐廳推薦咁岩行到黃埔天地就見到呢間餐廳，做緊四人餐優惠，海報上面有勁多嘢食，即刻俾佢吸引咗入去，反正我哋就係四個人啱啱好入去坐低咗見到除咗四人餐之外，仲有好多嘢食可以揀，甚至有抵食孖寶提供優惠價食到兩款唔同嘅食物添等咗一陣前菜就首先送上，有涼拌海蜇，海蜇整得幾爽口，加埋麻油一齊食幾開胃，仲灑滿白芝麻添之後有刺身拼盤，每一款刺身都好新鮮，特別係牡丹蝦，冇諗過會咁大隻，而且肉質夠晒彈牙，仲有象拔蚌刺身同帶子添，咬落去好鮮甜終於輪到火鍋登場，我哋加錢要咗花膠雞湯，嚟到嘅時候見到個湯底真係落足料，除咗有好多雞件之外，仲有唔少花膠，令到個湯底好濃郁，充滿骨膠原，雞肉都好嫩滑食物都開始陸續送上，擺到成張枱都係，冇諗過咁豐富！！呢個係水飼豚梅肉，紋路好清晰，每一塊都切得好平均，淥咗一陣就已經熟晒，食落一啲都唔韌配料方面仲有鮮蝦韭菜餃同鮮蝦水餃，每粒都好飽滿落足料，咬落去真係大大粒蝦，而且餃子皮好薄跟住有新鮮白鱔片，切到好薄，淥一陣都已經完全熟透，肉質爽脆，雖然有魚骨，但都好易咬得到出嚟之後有本地鮮乳龍蝦

這間位於紅磡的【新鮮圍煮】，主打港式火鍋，晚市有幾款火鍋套餐供應，價錢實惠而且款式甚多。這裏主打花膠濃雞湯底，完全無味精，而且味道濃郁有鮮雞甜味，用了三黃鮮雞煲出雞味，加上大大件厚肉花膠，骨膠原豐富。酒糟鴨舌陣陣酒香，鴨舌入味。加拿大象拔蚌刺身拼盆除了鮮甜又爽口的象拔蚌刺身外，還有帆立貝、北寄貝及赤蝦，帶子鮮甜嫩腍，赤蝦彈牙。海蝦&蜆海鮮新鮮，蜆肉大隻無沙，十分鮮甜；海蝦爽彈。手切本地肥牛手切牛厚薄適中，肉味濃郁且帶點咬口。四寶丸蝦丸、墨丸十分新鮮彈牙，其中蝦丸更有粒粒蝦肉；芝士鮮牛丸及貢丸爆汁。任選六款火鍋配料爽脆黃喉、白牛柏葉、金紗魚腐、炸魚角、炸西牙墨毛豬午餐肉、自家製炸響鈴，份量十足，其中黃喉爽脆，午餐肉很香口，響鈴香脆。淮山麵吸收了雞湯及牛肉等配料鮮味，十分爽口。最後飲番杯超巨型的手打香水檸檬茶。餐廳還有幾間VIP房，一至四無最低消費，五至日都是每位$300，一家人都可以包房打邊爐。

這間餐廳位於黃埔位置十分方便地地鐵大概2分鐘，餐廳環境佈置十分之明亮，加上座位十分舒適.這個金裝套餐，性價比十分之高：**酒糟鴨舌**開場便驚艷——紹興酒香溫柔包裹著脆嫩鴨舌，醃糟的微醺感在舌尖纏綿，是會讓人瞇起眼睛的前奏。 **花膠濃雞湯底**堪稱液體黃金！湯頭稠滑得能黏住嘴唇，花膠厚實如綢緞，與老母雞的鮮甜層層堆疊，喝罷喉頭還泛著膠質的黏潤感。 **刺身拼盤**北寄貝及象拔蚌脆甜、可見選材之嚴苛。 **手切本地肥牛**雪花紋路如大理石，涮三秒即化為奶香炸彈；**四寶丸拼**藏著小心機——尤其是爆漿蟹籽丸，咬破瞬間鮮味噴發的爽快感十足。 白牛柏葉**瘋狂——處理得雪白無雜味，涮後捲成小捲心酥脆度滿分；**水魷**彈牙得幾乎要在齒間跳舞；**蜂巢豆腐**吸飽湯汁後，孔洞中噴湧的雞湯令人失語。 西班牙黑毛豬午餐肉**——肉香濃郁到不像罐頭，涮煮後邊緣微焦時最銷魂；**炸響鈴**上桌時還帶著油鍋餘溫，半脆半軟時蘸煉乳竟吃出港式甜品風情！ 稻庭烏冬最後下鍋，掛滿濃湯的細麵滑進喉嚨時，整場火鍋宴便在這種圓滿的飽足感中謝幕。

經過黃埔見到呢間《新鮮圍煮》有個新推出嘅火鍋四人餐😋份量都唔少，刺身、海鮮、肉類，種類樣樣有👍🏻唔駛諗，一於入去試試先！ 前菜涼拌海蜇象拔蚌刺身拼盤（蝦大大隻、帶子新鮮，北寄貝、象拔蚌夠爽口）✨湯底花雕藥膳雞鍋（藥膳味唔算濃郁，但半隻雞大大份而且肉質都好滑👍🏻）新鮮海鮮白鱔片、蜆、蝦肉類沖繩水飼豚梅肉（肥瘦適中）本地手切肥牛（脂肪分佈均勻，只需烚一烚，入口軟滑）肥鵝腸、水魷（清洗得好乾淨）鮮蝦雲吞（餡料好足好鮮甜）自家炸響鈴（豆香濃郁即點即製）重有其他火鍋配料魚皮餃、金紗魚腐、手打鮮墨魚丸蜂巢冰豆腐、鮮菌雜菜籃、粟米

今晚突然好想食火鍋，朋友就帶我嚟到位於紅磡黃埔這間（新鮮圍煮）打邊爐，我們四人就點了一個套餐，😋店員安排入座為我們介紹套餐的食物，有刺身、海鮮、豬肉、牛肉和蔬菜等，湯底我們選擇了花雕藥膳雞鍋，味道好香好濃，雞肉好嫩滑，未打邊爐之前每人都飲了一大碗，飲完好暖胃。象拔蚌刺身拼盤象拔蚌新鮮爽口，帶子肉質鮮甜，牡丹蝦大大隻好彈牙，超美味！手切牛肉牛肉切得好薄，色澤紅潤好新鮮，好嫩滑。沖繩梅花片豬肉味道濃郁，口感一流。海鮮拼盤海鮮有蜆和海蝦，蝦好新鮮爽口鮮甜，蜆肉完全冇沙👍手打鮮墨魚丸墨魚丸粒粒都脹卜卜，煮熟後入口會食到粒粒的墨魚肉，爽口彈牙。鮮蝦雲吞鮮蝦同豬肉的比例啱啱好，皮薄入口多汁。自家製炸響鈴響鈴即叫即炸，輕輕放落湯底滾一滾，吸入湯底超好食。

米線控請留意🤩原來呢間夜晚打邊爐，日頭係有米線食，仲要幾高質🍜 牆紙係似街市嘅環境，d燈係魚檔嗰d紅罩橙，幾有風味🤣✨花膠貴妃雞濃雞湯米線 - 上枱時份量震撼到我，個米線連埋個火爐仔一齊上，唔驚食到凍左，而且1/4隻貴妃雞都好多件，同埋好嫩滑🐥 個花膠都超大塊，骨膠原滿滿！湯底食到雞油香，夠晒濃郁入味🍲 ✨蟲草花竹苼蝦滑濃雞湯刀削麵 - 呢款雖然清，但都幾養生，蝦滑真材實料好彈牙💯✨炸牛小排餃子 - 跟餐加左小食，餃子夠飽滿，一咬啖啖肉🥟 ✨炸荔枝蝦球 - 賣相好可愛真係幾似荔枝，口感香脆Q彈😍餐飲叫左熱柚子蜜同熱檸水，解解膩唔錯

🍲提早打電話預約，電話初初無人接，便用whats app預約好，後來餐廳見有未接來電也有打回給我，所以沒有預約不到的情況。🍲我預約了星期五 6點45分，環境乾淨企理，一行4人編了6人圓桌給我們，坐得很舒服唔擠迫，但到了晚飯時間便高朋滿座了。有醬料區，熱水供應。🐔我們入座後，即送上濃厚半隻雞煲花膠湯鍋，花膠原條上，有成個煲咁長，侍應幫忙剪開半隻雞及花膠，並教我們用什麼火及時間加熱湯與花膠，我們先享用花膠雞湯，雞湯金黃色濃稠雞味濃郁，雞肉仍然嫩滑，花膠厚肉q彈，兩者配合得天依無逢，色香味俱全。接住職員就將所有餐內的食物送上枱:🐟原條游水東星斑-肉質滑嫩，極其新鮮🐚蘇格蘭蟶子-口感Q彈，富有嚼勁🐂美國頂級安格斯小排牛-有牛味略嫌不足，但新鮮度頗高，肉質柔嫩🐂北海道A5和牛-有散發出濃郁牛香氣，入口即溶🐐紐西蘭羊架片-扣分之處在於羊架片肉質過肥而略帶羶味，與我地偏好口味略有出入🐖沖繩豚梅花-肥瘦均勻，肉香四溢🍲鮮墨魚丸拼蝦丸-口感彈牙，充滿新鮮墨魚肉及蝦肉味道🍲野生竹笙皇-爽脆口感相當出眾🍲炸響鈴-酥脆，豆香濃郁🍲蔬菜籃-選材新鮮🍲整體來說，服務，環境，食物一流，值得推介。

上星期六個仔上完興趣班後，想食個好味的下午茶(要坐得舒服)，同囝囝商量後，決定試下，米線一到，囝囝好驚訝，問我點解有火㷫住個米線，我話想你食到熱辣辣的米線law,，好唔好味啊? 食完之後，我話下次一定要帶哥哥再食。前晚又同老公、朋友再試埋打邊爐，正! 後天又同2個好友再打邊邊點解一星期內食3次? (1)老闆員工友善(2)坐得舒服、衞生(3)食物新鮮(有誠意 )law😛😆😄好快會幫襯多1次? 因為哥哥未食

一開波先嚟刺身拼盤，個象拔蚌真係新鮮到癲！咬落去爽脆帶甜，完全冇雪藏味。隻蝦又係新鮮到彈牙，帆立貝同北寄貝都爽口好食～ 跟住個花膠雞湯真係靈魂所在！啖湯金黃色，飲落去濃到黐脷，我連連兩碗先肯停手。雞肉仲keep住嫩滑，正！打邊爐環節仲精彩，個自選配料我哋揀咗蜂巢豆腐同魚豆腐。蜂巢豆腐索晒啲湯汁，一啖咬落去爆汁，正到震！鮮炸魚皮同響鈴係即炸嘅，浸湯3秒即刻食，脆得嚟又唔油膩。最驚喜係啲海鮮——生蠔大大隻！煮熟咗都仲係脹卜卜，啖啖海水味～花甲冇沙又鮮甜～肉類方面，手切牛肉嘅油花靚到輕輕碌兩碌就食得，入口即溶！手打蝦丸同牛丸真材實料。新鮮爽滑，牛柏葉同魷魚爽口到呢，我哋追加咗兩轉！最後嗰個稻庭烏冬真係神來之筆！夠煙韌，掛湯一流，索晒啲雞湯精華。仲有自助醬料區多款任撈，最中意「麻油+豉油+沙茶+生蒜+芫茜」醬，點咩都好夾！