The Place

第一次黎呢間餐廳，啱啱係朗豪坊整嘢，整完睇下唔曬排隊，即刻去食。刺身八爪魚有小小渣，唔太爽脆，三文魚，希靈魚算中規中矩，冇咩特別；螺有D沙，個人用咗清水洗咗後先食，都幾好味，青口，小龍蝦，蝦都OK；牛扒感覺用慢火焗熟，口感差D，有D似水煮出黎D感覺；串燒個五花肉完全嚼唔爛，茄瓜好似燒得唔夠熟，食到口有好大苦澀味；熟食都中規中矩，燒賣個皮多咗D麵粉，牛肉球幾好味；片皮鴨記得一定要趁熱食，very good；甜品基本上都好好味（個人意見，僅供參考）；movpick雪糕都好好味，有個芒果味好酸，唔鍾意食酸嘅可以唔揀；生果都幾甜；飲品設有免費區，可以自己沖自己調配。