Misu Seafood Cuisine

營業中

休息中

哩間Misu喺灣仔QRE樓上，主打西日海鮮菜式，門口有個海鮮Aria，有好多好新鮮嘅海鮮俾你慢慢揀，即叫即煮，正！而今日我哋就中午時間去，試咗佢嘅lunch set，質素都非常唔錯，價錢都幾抵食，喺灣仔嚟講算性價比比較高👍🏻🍴慢煮紅酒和牛面頰配珍珠飯 - 份量十足，一個人都未必食得晒！佢嘅黃牛面頰炆得好腍，個汁夠味，撈飯一流，而且每一啖牛食落都冇渣，入口溶化，明顯係高質素👍🏻👍🏻🍴鮑魚汁鮮蜆焗黑松露雞飯 - 有啲似西班牙嘅海鮮飯，不過係雞版🤣用鮑魚汁整，令每一粒飯都非常入味，加埋蜆嘅鮮味，我覺得個飯先係精華所在！雞都好嫩滑， keep到個肉汁，唔會焗到太老，都係非常高質👍🏻👍🏻👍🏻佢每一個lunch set都會奉送沙律，茶碗蒸，麵豉湯同小雪米糍，食完可以話飽到上心口，所以我覺得今餐係超抵食！