Misu Seafood Cuisine

今次去灣仔QRE Plaza 26樓嘅Misu Seafood Cuisine，一出電梯已經俾聖誕裝飾閃親！全場吊住雪花同聖誕裝飾，玻璃窗倒影住灣仔夜景，浪漫到呢⋯⋯坐低未食先興奮！晚市套餐（$298/位） 性價比高到嚇親人：· 加$38嘅魚生沙律，角切三文魚、油甘魚咬落冰涼爽甜，配埋新鮮沙律菜，個汁醒胃得嚟唔搶鮮味。· 蘋果木煙燻鰤魚真係有驚喜！上菜時揭開玻璃蓋，煙燻香氣撲鼻，魚肉油潤得嚟帶住微微果木甜，儀式感滿分！· 鮮打𩶘魚湯（+$38） 煲到奶白色，飲一啖個魚香衝上頭，濃郁到黏嘴唇，但完全冇腥氣，飲完成個人暖笠笠。· 酥皮焗法國鴨肝、煙三文魚及鮮乳鴿（+$68） 直頭係海陸空大合集！酥皮焗到金黃鬆化，一切開鴨肝嘅油香、煙三文魚嘅鹹鮮、乳鴿嘅野味夾埋爆發，層次多到數唔清！· 豆腐雪糕豆味清雅，雜莓雪糕酸甜醒神，兩者各有千秋，完美收尾。總括嚟講，$298喺灣仔鬧市望住高空夜景，食到一個咁高質嘅晚餐，真心抵～ 如果聖誕前夕想俾啲儀式感自己，食個decent嘅lunch或者晚餐，呢度絕對係一個好選擇～…查看更多

之前朋友嚟過食午餐，今次返嚟encore食晚市套餐，果然無令人失望！餐廳環境優雅舒適，服務細心，最震撼係見到$68原隻龍蝦沙律，即刻要試吓！前菜：龍蝦鮮果花園沙律 🦞🥗原價$298，優惠價$68真係大癲！原隻龍蝦起肉，鮮甜彈牙，配上季節鮮果（芒果同藍莓）同清爽油醋汁，酸甜開胃，視覺同味覺都滿分！呢個價錢食到原隻龍蝦，性價比爆燈晚市精選套餐 ▪️ 時令野菜沙律新鮮蔬菜配日式芝麻醬，簡單清爽，為之後嘅海鮮盛宴打開味蕾！▪️ 磯煮南非鮑魚鮑魚煮得軟淋入味，鮮味十足，醬汁甘香唔會蓋過鮑魚原味～▪️ 酥皮焗法國鴨肝煙三文魚夾鮮乳鴿邪惡之選！酥皮焗到金黃鬆化，鴨肝豐腴入口即溶，夾住煙三文魚，再加埋鮮乳鴿喺入面，鹹香層次豐富！估唔到呢三樣嘢加埋可以咁夾！大廚好聰明用蘋果base嘅gravy, 甜甜酸酸中和返唔會食到好膩，食到停唔到口🥹▪️最後仲有豆腐雪糕同朱古力mochi, 大滿足啊😍😍無論食材質素同烹調技巧都出色，$68龍蝦沙律絕對係必搶優惠！晚市套餐精緻有心思，適合慶祝特別日子或想食頓高質海鮮大餐嘅朋友。一定會再encore！…查看更多

其實呢間餐廳我哋之前已經試過食Lᴜɴᴄʜ，成日都會想返去再食，見佢哋而家有一個Sᴘᴇᴄɪᴀʟ Dɪɴɴᴇʀ Sᴇᴛ 都係$298一個人，所以即刻去試吓佢🤪Sᴀʟᴀᴅ魚生沙律 +$38沙律菜都新鮮嘅，三文魚嘅數量都唔少，重點係佢哋個醋真係幾好食，少少濃味得來又帶點清新Aᴘᴘʀᴛɪᴢᴇʀ精選刺身油甘魚、三文魚同赤蝦，非常厚切，所以食落去時候嘅口感都非常好南非鮑魚 +$48醃得好入味，鮑魚肉質爽彈嘅，而且鮑魚都頗為厚身，所以食落都滿足Sᴏᴜᴘ呢度嘅麵豉湯似係自己煲嘅，比坊間嘅再濃啲，用料再足啲Mɪᴀɴs黑松露雞 伴鮑魚汁焗飯雞皮同雞肉之間釀咗黑松露，而且黑松露味都幾濃郁，個飯嘅味就有啲似蔥油飯，整款菜式都比較濃味，適合重口味嘅朋友😆寶雲酥羊架外層酥脆，內裏嫩滑，而且羊架脂肪分布平均，肉質細嫩，唔會話好大舊脂肪，調味亦都做得相當出色，建議呢個可以一試🫰🏻Dᴇssᴇʀᴛ豆腐雪糕 配焦糖脆脆，全場Mᴠᴘ🤩 豆腐味好濃厚，加埋啲焦糖脆脆增加口感，完美嘅Eɴᴅɪɴɢ…查看更多

misu seafood @ 灣仔灣仔同朋友吔lunch…想搵個坐得舒服d又唔洗咁趕既餐廳…呢度環境好闊落…牆上見到有幾張相…老闆應該係做開海鮮…同埋餐廳有魚缸養住長腳蟹同魚…呢度lunch set包左頭盤…主菜同雪糕米糍頭盤有味噌湯同沙律…香烤黑松露雞 呢個店員推介…又真係無介紹錯。 原個鑄鐵煲上…食到尾都熱辣辣。 個雞份量好足…真係有成半隻雞。 烤雞皮脆肉嫩滑…蜆肉鮮甜肥美…個飯加入左鮑魚汁…鮮味濃郁…如果多d飯仲正月見霜燒刺身丼 全部刺身都有經過火炙…帶子 三文魚 左口魚 tuna 火炙左口魚係最正 魚香滲出黎…入口即溶呢個價錢…食物質素唔錯…加上好好坐…好啱慢慢食傾下計#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary ##foodblogger #hkfoodie #香港好去處 #灣仔 #misuseafood #fusion #西餐 #日本菜 …查看更多

灣仔QRE不嬲都多美食選擇 估唔到原來入面都埋藏咗一間咁高質嘅海鮮西餐料理 🦞 由頭盤主菜到甜品 樣樣都充滿鮮味又好食！✨◍ 「晚巿精選套餐」 🍴 $298特別推薦呢度嘅一人晚巿精選套餐 由沙律前菜湯 到三選一主菜同甜品 都只係需要$298嘅價錢 就可以享用到一個勁豐富嘅套餐🥹晚餐每一度菜嘅烹調方法都十分有驚喜 而且食材用料新鮮 係嚟到必試嘅餐點！今次我哋食嘅晚市精選套餐前菜包括有時令野菜沙律同魚生沙律 🥗 配搭起嚟十分新鮮好食 前菜仲有精選刺身同海鮮料理 為套餐嘅開頭打開咗一個十分好嘅序幕 ✨ 湯類嘅部份有鮮打𩶘魚湯 飲落鮮味十足暖笠笠 🐟 而去到主菜嘅部份可以從多款選擇中揀選 特別推介酥皮法國鵝肝煙三文魚及鮮乳鴿 利用咗beef wellington嘅製法 酥皮極度香脆 切開入面就係焗至剛好嘅三文魚同乳鴿 配上野菌醬料 🍄‍🟫 絕對冇得輸！另外一款主菜慢煮鴨胸同樣十分高質 🦆 平時喺出面食嘅鴨胸多數都係預制 但呢度嘅鴨胸由廚師烹調 煮得熟度適中 食得出鴨胸肉嘅嫩滑 配上特製醬汁 味道令人回味無窮！☺️📍Misu Seafood Cuisine (灣仔) #lala_foodie_wanchai 灣仔皇后大道東202號QRE Plaza 26樓…查看更多