影片
更多
2025-01-13
248 瀏覽
之前都已經同BFF黎過呢度慶祝生日，今晚約咗朋友仔再黎「LAB EAT Restaurant & Bar」食晚餐，呢度分室內同outdoor位置，可以食完餐飯再出去户外飲返杯野🍸套餐包括前菜、餐湯、主菜同甜品，每晚都有不同嘅是日精選同廚師精選，如果黎慶祝特別日子，餐廳仲會提供佈置添👍🏻前菜吞拿魚他他將吞拿魚蓉同黑魚子加入脆筒之中，呑拿魚入口即溶配上脆卜卜嘅cone魚味鮮甜口感綿滑豐富日式慢煮鮑魚推介一定要嗌呢個前菜👍🏻餐廳每日都會用上新鮮嘅鮑魚，有成手掌咁大隻，彈牙軟腍夠晒入味，物超所值忌廉蘑菇湯蘑菇湯creamy幼滑，菇香味濃郁，入口仲食到粒粒嘅蘑菇蓉，大讚👍🏻廚師精選今晚嘅廚師精選係牛腹肉，我地order咗7成熟，個人覺得生熟程度啱啱好，外焦內嫩，中間仲呈現淡淡的粉紅色，牛腹肉牛味濃郁較有嚼勁而且充滿肉汁，伴碟嘅薯蓉十分幼滑忌廉味濃，超好食😋豬斧頭扒配焦糖蘋果呢個都係我每次必點嘅主菜🤭大大件厚切嘅豬斧頭扒，肉質鬆化軟腍，一點都唔乾身，入口非常鬆軟，配上酸酸甜甜嘅焦糖蘋果蓉可以減低肉嘅膩感甜品跟餐甜品係紅桑子木糠布丁，木糠布丁上加咗粒紅桑子同白朱古力，下層係果醬同吉士醬，一啖食落去多
前菜
吞拿魚他他
將吞拿魚蓉同黑魚子加入脆筒之中，呑拿魚入口即溶配上脆卜卜嘅cone魚味鮮甜口感綿滑豐富
日式慢煮鮑魚
推介一定要嗌呢個前菜👍🏻餐廳每日都會用上新鮮嘅鮑魚，有成手掌咁大隻，彈牙軟腍夠晒入味，物超所值
忌廉蘑菇湯
蘑菇湯creamy幼滑，菇香味濃郁，入口仲食到粒粒嘅蘑菇蓉，大讚👍🏻
廚師精選
今晚嘅廚師精選係牛腹肉，我地order咗7成熟，個人覺得生熟程度啱啱好，外焦內嫩，中間仲呈現淡淡的粉紅色，牛腹肉牛味濃郁較有嚼勁而且充滿肉汁，伴碟嘅薯蓉十分幼滑忌廉味濃，超好食😋
豬斧頭扒配焦糖蘋果
呢個都係我每次必點嘅主菜🤭大大件厚切嘅豬斧頭扒，肉質鬆化軟腍，一點都唔乾身，入口非常鬆軟，配上酸酸甜甜嘅焦糖蘋果蓉可以減低肉嘅膩感
甜品
跟餐甜品係紅桑子木糠布丁，木糠布丁上加咗粒紅桑子同白朱古力，下層係果醬同吉士醬，一啖食落去多重口味道，酸甜味加上蛋香味，兩者prefect match😋
📍LAB EAT Restaurant & Bar (T.O.P This is Our Place) (旺角)
旺角彌敦道700號T.O.P This is Our Place 5樓502號舖
人均消費：$400
食物：⭐️⭐️⭐️⭐️⭐️
環境：⭐️⭐️⭐️⭐️⭐️
服務：⭐️⭐️⭐️⭐️⭐️
回頭率：⭐️⭐️⭐️⭐️⭐️
張貼
