LAB EAT Restaurant & Bar (T.O.P This is Our Place)

今日專程去到旺角地鐵站上蓋嘅商場，發掘到一間以松露為主題嘅高質餐廳🎭。餐廳環境佈置極具格調，昏暗燈光配襯特色裝潢，絕對係打卡同慶祝紀念日嘅首選！店員態度親切有禮，服務貼心，令成個用餐體驗更加分✨。我揀咗松露二人套餐，由前菜到甜品都充滿驚喜：前菜Truffle Egg & Roasted Beef Seaweed Taco 🥚🥩🌮創意十足！脆口紫菜taco殼載住松露燒牛肉，口感豐富，味道濃郁。湯品Wild Mushroom & Truffle Bisque 🍄蘑菇濃湯質感綿密，黑松露嘅香氣徹底融入其中，每一啖都係享受。主食Mushroom Truffle Risotto 🍚意大利飯煮得恰到好處，creamy之餘帶有濃郁松露同野菌香，令人食唔停口。主菜Pan-seared Scallop & Halibut 🐟🐚帶子煎得金黃香脆，肉質鮮甜；比目魚魚皮脆口，魚肉嫩滑，配上黑松露醬汁，層次感十足。甜品Pistachio Lemon Cake 🍰口感清新！開心果嘅堅果香同檸檬嘅微酸完美平衡，為豐盛的一餐作結。另外加咗海膽多士 ，海膽鮮甜濃郁，配以香脆多士，邪惡但值得！飲品Ginger Ale 🥤 清爽解膩。整體而言，呢間餐廳無論環境、服務同食物質素都令人印象深刻，係旺角鬧市中一個高質嘅用餐選擇，絕對會再encore！…查看更多

準備慶生既人注意🔊中意打卡影靚相，大推黎呢間慶祝生日‼️餐廳準備哂裝飾比你打卡，甜品仲會有大大枝仙女棒🪄🧚🏻插喺甜品🎂度比你瘋狂影相🪄如果唔食套餐，OpenRice訂座都有主餐牌88折💞一入座就見到餐廳精心佈置既裝飾😍有個轉轉懸浮心形玫瑰，粉紅色花花生日花牌同鋪哂花瓣喺枱面，浪漫同打卡指數199🍄松露二人套餐 $398位/2位起前菜：🌮松露燒牛肉紫菜塔可餅海苔🍙包住由沙律蛋🍳墊底嘅松露燒牛肉🔥🐮，味道好搭配，而且口感好豐富，海苔夠香脆，係一個好味開胃小食湯品：🍲野生蘑菇黑松露濃湯好濃厚蘑菇味，飲落好足料，口感好有顆粒感，蘑菇同黑松露味都好出主食：🍄松露蘑菇意大利飯好有誠意，面頭有刨好一片片既松露，松露味香濃🍄‍🟫醬汁濃稠度亦較得幾好，意大利飯食落軟硬適中，非常唔錯主菜：🐟香煎帶子比目魚配黑松露比目魚大件之餘🐟，亦煎到外脆內嫩，咬落有油香🤤帶子新鮮✨微炙後更加香，個底仲有薯蓉，成個配搭係幾好嘅選擇🥩炭燒安格斯牛肉眼扒 +$198因為想試唔同款主菜，其中1位加$198食牛扒，個人覺得絕對要加錢食牛扒😍要左5成熟岩岩好，肉眼扒好粉嫩，見到都知好juicy💦 食落有牛味，表面煎得有焦香甜品：🍰開心果檸檬蛋糕慶生既主角甜品，蛋糕口感軟滑，好重開心果味，同檸檬🍋蛋糕亦好夾，開心果控必試啊🦖重點係個大大枝既仙女棒，超級打卡overall：當日見到同場好多人都係慶生🎂成個裝修同氣氛好溫馨浪漫，仲有outdoor位可以坐，好岩同朋友、情侶黎慶祝，食物有質素，價錢合理🉑🉑推薦…查看更多

❣️有一排無去，估唔到呢到慶生儀式感超爆燈！❣️玫瑰花🌹心心燈生日佈置真心好有驚喜，佈置有心思！仲可以點畫碟甜品～❣️點$788二人餐本身已經有4款前菜，再可以加錢換多d唔同前菜！💟$788 二人生日餐💟▪️前菜▪️每款前菜都好用心，鍾意食前菜多過主菜！✨日式慢煮鮑魚 $98/2隻‼️必用優惠價追加‼️- 鮑魚大大隻好厚實身，食落去鮮甜滋味✨海膽多士 $98/2 個- 海膽creamy水準幾好，多士好脆本身包：✨吞拿魚他他好精緻，吞拿魚蓉幾新鮮✨煙三文魚凱撒沙律沙律菜爽香✨蟹肉紫菜塔可餅🦐蒜片大蝦：蝦肉彈口，點上醬料好香口🥣餐湯係蘑菇湯，粒粒蘑菇滑香▪️主菜▪️🍝海鮮義大利麵- 意粉蒜香加上濃香番茄，幾滋味。海鮮青口鮮甜🐷炭燒伊比利亞豬鞍- 豬鞍燒得好香，肉質都幾嫩，配菜都用心▪️甜品▪️-訂座時講好畫碟圖案，又真係畫得幾可愛！甜品嘅雪粑酸酸甜甜refreshing———另外追加———🍸Happiness- 真係帶到happiness，會打泡泡落cocktail，莓味比較濃，飲落去都幾refreshing ，配酒香都順滑易入口🍸fate $108- keep住冰凍感覺，面層係厚厚egg white，飲落去有荔枝、檸檬好refreshing有層次感🥚慢煮蛋及露筍- 推介！露筍爽口，加流心蛋蛋黃香更滋味推介去慶生+食精緻前菜！…查看更多

成日見到好多人去啲可以畫碟嘅餐廳，喺甜品上面畫自己鍾意嘅公仔。表妹快生日，生日梗係要去打卡餐廳啦！我早早就book 位，同時諗定畫咩公仔。結果我一時衝動，揀咗自己最鍾意嗰個——渣古！ 🤣🤣🤣明明係表妹生日，但我都忍唔住畫咗自己鐘意嘅圖，因為我知佢一定唔介意ga～表妹，生日快樂啊！ 🤣😂🎂我哋呢個Set 叫「Birthday Set for two 」二人晚餐 $788 前菜❤️⭐️餐湯-是日餐湯今日係蘭度豆湯，濃濃異國風味，扁豆熬煮入味又有少少咬口，熱辣辣超暖胃，唔係度度有得飲，夠晒有誠意！表妹都話超正！⭐️吞拿魚他他用迷你雪糕筒上枱，好精緻，吞拿魚他他質感超滑，鹹鹹甜甜，好過癮~⭐️蟹肉紫菜塔可餅 炸紫菜超脆口，有滑溜溜既蟹肉溶，面層有大大粒魚子 ，口感層次好特別！⭐️煙熏法國鵪鶉髀／蒜片大蝦（二選一）我哋選咗蒜片大蝦蒜片大蝦面頭鋪滿金黃香脆嘅炸蒜片，淡淡蒜香。大蝦本身夠大隻又爽彈，入味帶少少辣，配上醬汁越食越野味。配埋麵包撈醬都一流。加購:⭐️日式慢煮鮑魚 +$98⭐️我哋加購咗日式慢煮鮑魚，好大個鮑啊！好滿足！😂主菜：❤️海鮮意大利麵／⭐️帶子墨汁意大利飯（二選一）❤️炭燒安格斯肉眼 +$128⭐️我哋超級想叫帶子墨汁意大利飯，但係因為諗住之後要影相，驚個嘴同啲牙黑晒，經過幾番掙扎，就叫咗海鮮意大利飯🤣😂其實我哋超級 超級 超級 想食…帶子墨汁意大利飯ga ！不過個海鮮意大利麵都好正👍冇叫錯！⭐️炭燒安格斯肉眼 -上枱已經好炭香，牛扒面頭放咗Rose Mary同炸蒜片點綴。我哋唔鍾意食生所以叫咗Well Done。出奇地火候掌握得幾好，外面有焦香，口感啱啱好唔韌。配上燒汁，鹹香提升多一級。最驚喜係配菜，薯仔烤到外脆內粉，車厘茄甜甜蜜蜜，成個蒜頭焗到好軟糯,一粒一粒🤣食晒，仲有我最愛既大髀菇Tim！🤣甜品：- 每日精選甜品／每日精選甜品拼盤 +$88（二選一）我哋冇加$，精選甜品已經超級打卡，之前預訂咗渣古畫碟，畫工一流👍我最期待嘅畫面出現喇😍！之後侍應哥哥喺我哋面前再打開個黑色盒,有煙霧飄出嚟，再加埋噴火嘅蠟燭，成件事好夢幻~入面有雪葩，同埋朱古力忌廉蛋糕 ！我哋其實就係衝住呢個甜品嚟食晚餐ga ! 重要事項：❤️雖然畫碟甜品（套餐已包）（畫碟服務最好預定左，問左先！但亦會有打卡裝飾）…查看更多

今年生日去咗一間儀式感滿滿餐廳慶祝生日，餐廳已經預先用玫瑰花佈置，灑滿了玫瑰花瓣，仲懸浮心形玫瑰花，完全俘虜左少女心，充滿浪漫氣氛。Birthday dinner for TWO ($788)前菜煙三文魚凱撒沙律：煙三文魚口感嫩滑，帶有煙薰風味，生菜清爽。吞拿魚他他：賣相好有特色，用脆筒裝住，吞拿魚肉質細膩柔軟。蟹肉紫菜塔可餅：紫菜塔可餅微脆，包著滿滿蟹肉沙律、細滑牛油果醬，充滿層次感。煙熏法國鵪鶉脾鵪鶉脾煙熏香氣獨特，肉質嫩滑多汁，底層用左法包配搭。每日餐湯蘑菇湯用料足，食到一粒粒蘑菇質感。海鮮意大利麵海鮮配料豐富，有大蝦、帶子、青口，意粉彈牙，配搭濃郁番茄汁，味道鮮香濃郁。炭燒澳洲M5牛腹芯外層微焦帶有迷人的炭火香，M5牛腹芯脂肪分布均勻，肉質緊實，帶有嚼勁和肉汁。焙茶慕絲蛋糕生日套餐包埋畫碟甜品（不一定提供畫碟服務，但會有裝飾打卡），全晚亮點，充滿濃厚焙茶香氣，層次細膩柔滑，甜而不膩。Cocktail Treasure：桃子的清甜與蜂蜜的溫潤混合得恰到好處，氣泡輕盈柔和。Heartbeat：青蘋果酸酸甜甜，檸檬和接骨木花香氣交織，味道清新。✨優惠✨飲品、酒精類飲品一律買一送一（同時享有生日優惠）OpenRice 訂座可享主菜餐牌正價88折（套餐、海膽多士、生蠔、黑松露黃油雞、斧頭扒及支裝紅白酒不適用）…查看更多