4口

營業中

休息中

IFC「4口」，米色牆身襯木枱木凳，裝修簡單但乾淨企理。茭白炒蟶肉茭白切成薄片，爽脆冇渣，蟶子爽口彈牙，加咗福建老酒炒，聞到陣陣酒香，味道更鮮。紅菇海鮮麵套餐，湯底系用咗福建野生紅菇煲，粉紅色好靚，飲落鮮甜！炸黃魚脆到連骨都食得，點甜辣醬仲正！ 高湯米粉套餐嘅米粉索晒海鮮湯底，但好乾身。臘味雞肉卷好邪惡，臘腸油滲入雞肉，食落juicy唔乾身。 黑松露帶子煎到金黃，中間仲好嫩滑。黑松露落得夠重手，成碟香噴噴！蘆筍淨係要最嫩嗰part，完全冇渣。 桂圓檸檬茶嘅桂圓甜味同檸檬酸度balance得啱啱好，解膩一流 枇杷凍用新鮮枇杷打蓉整，食到果肉纖維，清清地幾好味。