影片
更多
2022-12-27
311 瀏覽
一直都幾鍾意食呢間嘢。。有時會嚟堂食，有時上網叫delivery（仲會有折添）。主打莆田（福建菜），鍾意食蜆仔既人應該會食得滋味。大部份食材都同紫菜和海鮮有關。好有特色。價錢都算合理，環境都唔錯。但係今日其中有一個waitress好hard sell。差啲以為我哋去咗美容院添。首先，我地叫一條百秒黃魚，個waitress 即刻話「吓 係唔係一人一條啊？一條好細嘅咋喎」。但係其實一煲上又唔係真係咁細條。最後我哋叫咗兩條有啲後悔嗌多左之後，見到menu介紹扁肉湯，我自己就想試試。佢又話「係唔係一人一碗啊？通常啲客都係要每人一碗喎。」我哋嗌咗幾個餸之後，佢又「吓？唔嗌肉啊？」「你有冇食過呢個菜？」「佛跳牆做特價喎！」「好抵喎、其他客都有嗌」「你哋一人一盅佛跳牆啦」「你哋唔要其他主菜？」但係明明我哋已經嗌五個餸就婉拒，而且中午家常飯真係唔會想食咁多。佢就話「係咁多啦？咁一陣唔夠嘅話再叫啦」語氣明顯就係嫌我哋嗌得少～但係我哋食到差唔多要打包走。估唔到而家呢間餐廳都要跑數喎～
主打莆田（福建菜），鍾意食蜆仔既人應該會食得滋味。大部份食材都同紫菜和海鮮有關。好有特色。價錢都算合理，環境都唔錯。
但係今日其中有一個waitress好hard sell。差啲以為我哋去咗美容院添。
首先，我地叫一條百秒黃魚，個waitress 即刻話「吓 係唔係一人一條啊？一條好細嘅咋喎」。但係其實一煲上又唔係真係咁細條。最後我哋叫咗兩條有啲後悔嗌多左
之後，見到menu介紹扁肉湯，我自己就想試試。佢又話「係唔係一人一碗啊？通常啲客都係要每人一碗喎。」
我哋嗌咗幾個餸之後，佢又「吓？唔嗌肉啊？」「你有冇食過呢個菜？」「佛跳牆做特價喎！」「好抵喎、其他客都有嗌」「你哋一人一盅佛跳牆啦」「你哋唔要其他主菜？」
但係明明我哋已經嗌五個餸就婉拒，而且中午家常飯真係唔會想食咁多。
佢就話「係咁多啦？咁一陣唔夠嘅話再叫啦」語氣明顯就係嫌我哋嗌得少～但係我哋食到差唔多要打包走。
估唔到而家呢間餐廳都要跑數喎～
張貼
