影片
更多
2023-07-01
106 瀏覽
好少聽土瓜灣有日本餐出名，仲要係開左一到兩個星期已經勁多人講，剛剛新假期又勁煲，日日見都坐滿人，我更好奇 ，於是呢晚八點幾九點，碰巧未食飯又有位，一於試下。呢間本身係一間居酒屋，換咗名之後就主力食牛舌，而唔知點解開咗冇幾耐就好多人講，應該有番咁上下。再睇介紹，原來佢就係深水埗鼎鼎大名個間牛舌店嘅分店，原來係咁，唔怪得知啲人跨區都會嚟。本身以為呢間餐廳好貴，但係晚餐嘅定食都係$100起，有沙律有前菜有湯有蒸蛋有返仲有個煮食，如果你食炸雞或者生薑豚肉都係一百到，喺土瓜灣，雖然你唔係話好平嘅價錢，但係以咁多嘢來講水準都唔差。嚟到當然要食牛舌，其他枱嘅朋友話鰻魚都好食，所以叫咗個鰻魚。沙律，前菜，湯，蒸蛋，水準都正常。牛舌係幾出色，$178比起其他價位相對貴，但牛舌不嬲都係貴嘢，加點檸檬汁，好正，喜歡佢嘅厚切。鰻魚更加之出色，又係厚得無與倫比，而且個汁剛好，唔會太搶鏡，加埋個飯，正。除咗正餐之外，再加左兩個小食，因為佢有居酒屋嘅風格，土佐豆腐同埋汁燒串燒雞肝都唔差。總括嚟講，唔怪得咁多人排隊，真係幾好又幾抵食。下次再覆卓，咁近，實有機會再食。
呢間本身係一間居酒屋，換咗名之後就主力食牛舌，而唔知點解開咗冇幾耐就好多人講，應該有番咁上下。
再睇介紹，原來佢就係深水埗鼎鼎大名個間牛舌店嘅分店，原來係咁，唔怪得知啲人跨區都會嚟。
本身以為呢間餐廳好貴，但係晚餐嘅定食都係$100起，有沙律有前菜有湯有蒸蛋有返仲有個煮食，如果你食炸雞或者生薑豚肉都係一百到，喺土瓜灣，雖然你唔係話好平嘅價錢，但係以咁多嘢來講水準都唔差。
嚟到當然要食牛舌，其他枱嘅朋友話鰻魚都好食，所以叫咗個鰻魚。
沙律，前菜，湯，蒸蛋，水準都正常。
牛舌係幾出色，$178比起其他價位相對貴，但牛舌不嬲都係貴嘢，加點檸檬汁，好正，喜歡佢嘅厚切。
鰻魚更加之出色，又係厚得無與倫比，而且個汁剛好，唔會太搶鏡，加埋個飯，正。
除咗正餐之外，再加左兩個小食，因為佢有居酒屋嘅風格，土佐豆腐同埋汁燒串燒雞肝都唔差。
總括嚟講，唔怪得咁多人排隊，真係幾好又幾抵食。
下次再覆卓，咁近，實有機會再食。
張貼
