金飯館貳·零 肉餅·焗飯專門店

營業中

休息中

呢間fusion肉餅飯為主打，類似茶餐廳格局但係又畀茶餐廳高級少少嘅小餐廳，出品有驚喜。呢個係招牌之一嘅蝦頭油炒飯，雖然覺得頭油呢兩個字出現咗喺碟炒飯個名上面好奇怪，不過呢個頭油炒飯係今晚三樣嘢之中最有驚喜嘅一樣。佢除咗有蝦仁同埋蠔仔粒之外仲有超多櫻花蝦喺個面，想入面見到橙色嗰啲就係嘞，佢個炒飯炒得好出色，一粒粒好乾身。呢個係另一個招牌菜，叫做奧爾良雞軟骨肉餅飯配燶邊荷包蛋。肉餅入面有雞軟骨，咬落去嘅時候突顯口感，佢個幾好味，有啲似buffalo wing嗰隻汁，不過就唔辣嘅。隻蛋好出色，蛋黃好香。呢個係原條鰻魚溏心蛋炒飯，呢個味道都唔錯，只不過因為前面嗰兩款太出色所以比下去，另外條鰻魚畀心目之中嘅size嚟得細小。飲品一個叫雪碧一個叫多多綠茶，要加錢嘅，雪碧加15蚊，多多綠茶加20蚊。