金飯館貳·零 肉餅·焗飯專門店

牛頭角有分店 最出名炒飯呢間有埋肉餅焗飯 多d選擇即叫即整 要等下 不過每碟都大大份一個人絕對食唔晒！蝦頭油炒飯 ($88)真係超級大碟！粒粒飯都炒到金黃色仲要勁乾身 上面配咗啲櫻花蝦另外仲有幾隻大蝦、蝦仁同埋蠔仔真係份量十足 食落好香蝦味略嫌有點唔夠味 如果多番少少鹹就好不過始終用蝦頭油炒 所以食食吓都會覺得好漏但係整體係幾好食嘅😋果然炒飯係佢至拿手👍🏻蜜桃鮮茄焗豬扒飯 ($78)熱辣辣焗起 最特別係佢加咗蜜桃令到個茄汁會有種水果嘅甜另外有勁大塊豬扒 不過嚿豬扒超肥有一半都係肥肉😮‍💨 麻麻哋飯都係炒飯底 整體夾埋都好食嘅不過始終炒飯好食啲 焗飯就可以唔試😂…查看更多

平日中午唔需要排隊，坐低即刻嗌嘢，只係普通碟頭飯，足足等左50分鐘，中間同唔同人追單3次，不果。同場9成內地遊客，可能任等唔嬲，本人要趕番公司所以食左無10分鐘就要即走。食物方面，真係食唔出特別之處。名物沙嗲牛肉，汁一般，無花生、鮮味、香味全欠佳。炒飯同剪蛋可以，只不過會寧願食紅茶或任何同級茶餐廳，起碼同價錢包湯或嘢飲，同速度無得比。年輕服務員態度、質素奇差。埋單83蚊，無嘢飲。完全唔值，不推介。…查看更多

呢間店係內地受棒過度，店內八成都係內地人，所以店員只係關心內地人丶做內地人生意，漠視香港人。香港人可以唔使嚟幫襯。放假嚟幫襯呢間店，店員安排一張大枱同其他搭枱 ，當食物嚟到 ，店員就咁擺係中間 ，冇講係邊個 ，2個內地人就食左 ，之後佢哋點嘅餐嚟左 ，原來係佢地食錯我地點嘅餐 ，咁同店員講 ，個店員話點解我哋唔拎 （我地一大個問號 我地鬼知佢地點咩餐) 跟住店員問我地要唔要佢地個餐 （？？）我地當然唔要 ，然後個店員問佢地洗唔洗換返岩嘅餐 😐 乜咁雙重標準 以後唔會再幫襯呢間店…查看更多

這間餐廳在星期一至五，下午2：30-5：30時段內，可以用$48的價錢任吃沙嗲牛肉麵，喜愛沙牛麵的我今天終於來試了，另外看見焗飯的賣相很漂亮，便點了一份葡國雞扒飯。沙嗲牛肉麵：沙牛麵的湯底相當濃郁，可惜味道略為有點過鹹，至於公仔麵爽口彈牙，牛肉亦柔軟嫩滑，煎蛋可選熟蛋，亦可走蔥，整體味道相當不錯。不過由於真的太鹹，吃兩碗已經差不多了，因為真的太「重口味｣，但以$48的價錢，可以吃到兩碗沙牛麵，真的很划算。芝士焗葡國雞扒飯：雞扒的份量十分多，接近有兩塊雞扒的份量，質感相當嫩滑可口，鮮美多汁，至於飯底是蛋炒飯，我最喜愛了，可惜葡汁的味道略為有點過鹹，如果少鹽一些會更好。價錢方面，沙牛麵任吃$48，葡國雞扒飯$78，餐廳沒有加一服務費，最後兩人總共$126。總結來說，這間餐廳的食物份量很大，而且價錢划算，可惜食物味道偏鹹，比較適合「重口味」的人士。…查看更多

近期見呢間金飯館人氣爆登 無論係社交平台都見到佢既身影，所以我就黎食食佢想講佢既份量真係好大,如果兩個女仔黎食建議一主食一小食,入座既時候已經見附近幾張枱都有問店員加外賣盒打包拎走招牌蝦頭油炒飯：一上枱就見頂鋒滿滿櫻花蝦，足料到爆！有蠔、蝦、帶子齊上陣，一啖就feel鑊氣沖天，飯粒粒分明，蝦頭油香滲晒入每粒飯，好耐無食過咁正嘅炒飯，絕對值得衝一試！🍤🔥😍黑松露墨魚汁肉餅飯：肉餅外層煎乾身，份量大王，但黑松露味唔夠突出，咬落有少少墨魚粒，整體中規中矩。不過流心蛋配飯一流，蛋黃爆汁吸飯超滿足！🥚🍚👍…查看更多

為咗準確測試旺角金飯館嘅水準，我一共幫襯咗兩次，第一次叫咗招牌嘅蝦頭油炒飯，同埋蜜桃鮮茄焗豬扒飯；第二次都係叫咗蝦頭有炒飯，不過就加多個黑松露墨魚汁肉餅飯。兩次蝦頭油炒飯送到上嚟都係熱辣辣、鑊氣十足，水準保持得好好！飯粒粒粒分明，滿滿櫻花蝦鋪滿飯頂，每一羹都可以食到櫻花蝦，搭着蠔、蝦、帶子一啖擺入口，可以話係超感動！食到啖啖飯香！細心嘅地方係佢已經將每隻蝦都將蝦腸挑乾淨蜜桃焗豬扒飯就相對普通啲，但都絕對唔差！豬扒大大塊，同埋蜜桃蕃茄汁好開胃，配埋炒飯底，好快就將成碟飯扒晒黑松露墨魚肉餅飯嘅肉餅本身都好彈牙，墨魚肉都好足，但係墨魚肉令到肉餅質感有少少粉粉地，喺呢度扣咗少少分。配菜略嫌煮得腍咗少少，同埋唔係好夠味，懷疑預先整定唔係即刻炒。但佢嘅肉餅都值得一試兩次幫襯嘅時間有啲唔同，一次係下晝五點幾接近六點，唔使等直接入座另一次就係差唔多夜晚七點，等咗差唔多半個鐘，仲要搭枱。所以如果有興趣去食嘅建議盡量早少少！…查看更多

名過於實 又貴 根本不值得去食話說甘岩今日揸車經過唔知食咩好見呢間野比人吹到甘勁 剛好6:00唔駛排隊於是同朋友兩人去試朋友叫左龍躉飯炒飯底配蘭王蛋我叫左焗豬扒飯 配南蘭王蛋朋友個飯先到 份量加賣相幾好但一食啲炒飯凍既 再食隻蘭王蛋 冰既我朋友話好似擺左落雪櫃雪過甘即刻叫樓面換過隻蛋 話哂都$15咖 梗係有啲要求啦再食龍躉 佢話非常鞋口又硬 又無味點知食左兩舊話好咸 啫係一係無味 一係勁咸叫左可樂 唔凍既 係室溫果種 失敗同我個所謂天花板焗豬扒飯 簡直不知所謂豬扒暖既 微溫果種 個炒飯底凍既之後我同樓面講 個女仔態度非常差佢同我講 係咁㗎啦我態度強硬 堅持要佢叫廚房焗過佢好晦氣同我講叫我等等等咗15分鐘左右終於焗咗出嚟係叫做熱少少 但啲飯都係暖既勉強照食 點知一食就出事 個汁好鹹啲豬扒好腍腍到好似食魚柳咁唔知以為食緊焗魚柳飯當時我朋友仲講 佢個龍躉好似豬扒咁硬呢間嘢真係冇下次 簡直不知所謂…查看更多

見到網上推介下午茶時段任食沙嗲牛肉公仔麵點知人多到排隊我彩等兩張枱都到唔使搭枱坐低咗先至同講冇咗任食咁試下推介蝦頭油炒飯味道比較重勁多蝦乾蝦肉蠔真係好足料味道好均勻真係好好食嘅p.s.每人要最低消費48元…查看更多

今日同朋友去試試呢間，一坐低已經order了焗飯。在同一間買了串串食，味道真的很一般的沒有很好吃。等了十幾分鐘後隔離枱的食客和店員講等了食物一個鐘還沒有來。她說那麼多堂食客在等待食物，做乜要做曬外送服務客人先？到我們等了半個鐘，問店員一般焗飯要等幾耐，她回應說咁尷尬嘅問題好難答而且又多那麽外送單。完全沒有正面回答我的問題，令人更加憤怒。大約在落order後的45分鐘，朋友再問多一次就差唔多有啦。不值得等待那麼久的一間食店，簡直不知所謂。不去也罷！！…查看更多

12點零鐘入到去，坐正收銀位隔離，門口收銀三個人企係度講講講，講唔停，我話要餐牌無人理我，咁唯有行去隔離枱攞人地嘅，叫個蝦頭油炒飯跟隻蘭王蛋，凍檸茶，你同我講冇凍檸茶，咁一枝可樂啦，等咗兩個字都仲未印張單出黎俾我睇係咪真係落咗單，又見你地三個都係講唔停口，講多過做，忍唔住問下有冇同我落單，佢先印張QR code出黎叫我自己落，喂頭先你同我落架喎，咁又從新落一次單，跟住淨係黎枝可樂。又等等等，等足幾個字，飯又無，單又無，我都唔知自己等緊乜，人地遲過我黎嘅都食完起身走，結果我就淨係飲咗佢枝汽水，飲到成肚汽，忍唔住起身同佢講埋單我走啦，仲好意思問我叫咗咩，我話等你咁耐，我坐邊張枱你又唔記得，叫咗咩你又唔知，我點知你有冇落單，點等啊？佢唔好意思都冇句，仲要駁嘴話炒飯係要耐啲，我前前後後坐咗大半個鐘啦，要幾耐啊？家陣你煮Fine Dining啊？喂唔該你地個同事唔熟嘅就唔好俾佢企收銀做落單啦！開工先黎學野，長期要搵個人傍住佢開工，出黎做野唔係學野啊，學野係學校學架！轉個頭我去隔離食，人地一樣坐滿人，叫個炒飯人地4分鐘上餐啦，係香港地做野唔該你地俾返少少效率唔該！…查看更多

去到位於旺角的金飯館，以店舖限定肉餅做招牌菜，咁就緊係要試試肉餅飯啦。叫左蓮藕梅香咸魚肉餅飯、蝦頭油炒飯和沙嗲汁燒賣（店舖旁的小賣部）以肉餅為打主，咁就講講蓮藕梅香咸魚肉餅飯先，肉餅厚身外脆，口感不錯。肉餅咸魚的香氣突出，蓮藕清脆。然而，這道菜的白飯底卻讓我有些失望。麻麻地～下次唔會再叫☹️至於蝦頭油炒飯，炒飯的顆粒分明，蝦頭的油香滲透整個飯粒，十分好食。特別是那股鑊氣，真每一口都令人感受到廚師在火候控制上的精準。這道炒飯可以係我每次去金飯館必食的一碟。沙嗲汁燒賣的燒賣正常，但沙嗲汁的調味略顯偏鹹，可圈可點。…查看更多

此店近期網絡曝光率高，同一派系頻頻開店，加上再搵返食評內容傾向正面，因此特登慕名而來一試。 時間係星期日中午時段12:15，由等位至入座需時半個鐘頭。不幸地被安排坐於中間圓枱，基本上係椅背貼椅背， 可動空間極度狹窄！全程同樣都係qr code落單+自己睇menu，同店員間無需互動。餐牌上並無茶餐廳必備飲品，全是罐裝樽裝貨色，有點失望。點選了 蝦頭油炒飯 及 鮮茄蜜桃焗豬扒飯，並無點飲品。蝦頭油炒飯 - 蝦仁、櫻花蝦、蠔仔等配料非常足夠， 炒飯調味做到有蝦香效果，細心品嚐會發現以上所有食材，都只係被安排落同一碟上，它們互相並無任何連繫的元素，甚至乎有冇一齊被落鑊炒都成一個疑問。足料+能夠打咭確係此產品的一大賣點，而令到配料都有被炒香嘅感覺，相信此產品會長賣長有。鮮茄蜜桃焗豬扒飯 - 鮮茄份量足，蜜桃在產品上並無法發揮任何影響力，只係獨立三片多出嚟嘅食材。 炒飯底濕糯唔香口，冇得另用碟起飯令到個飯死得更快。 有驚喜嘅係塊豬扒，先用脆漿炸完再焗仍然有脆口感覺，美中不足係切得太大件，食起上嚟好論盡。場地雖小亦維持爆場，但廣東話嘅聲音並唔多，櫃檯側邊見到店家貼住人民幣兌港元一對一結算，可知此店廣受遊客歡迎的程度。…查看更多

慕名而家食個個龍躉飯再加成$15要隻燶邊蘭王蛋，個龍躉飯算唔差！有蒽香龍躉肉夠厚同煎得夠香，但飯完全沒味！最失敗係加$15 蘭王蛋！成隻一上枱即食己經凍冰冰，擺明煎完放左最小10分鐘以上！叫佢換過一隻，等成20分鐘都未黎追佢先上枱，點知同第一隻一樣完全凍冰冰，都廢事再同佢講，中一次伏沒下次，永遠唔再幫襯佢，香港飲食業就係比呢d質數攪死晒！仲要排成20分鐘先有位入得去d位仲逼過劏房。以為有幾好食…查看更多

叫左個下午茶餐跟餐送罐裝飲品 我揀咗可樂侍應先提出可樂唔夠凍 叫我換其他飲品 又話可以加錢換支裝可樂我同意 佢都開埋蓋擺咗係枱俾我1分鐘後行埋嚟話 你係咪跟餐 跟餐唔可以轉 收番埋支可樂 佢寧願將開左蓋既可樂收番埋 都唔俾我加錢買 換番個罐裝雪碧 罐雪碧都係唔夠凍！明明係餐廳問題 我都願意加錢換 最後又話唔轉得彈出彈入 我已經坐係門口位 冷氣都吹走哂 食到出哂汗 飲支唔凍既汽水 真係食到成肚氣 沒有下次！有時真係香港人都幫唔落香港餐廳 抵香港飲食業沒落…查看更多

今天 8月2號下午大約兩點半到達餐廳， 點了龍躉炒飯， 但等了差不多45分鐘炒飯在上枱， 45分鐘完全是超出一般餐廳的可接受的等餐標準。大約在等了30多分鐘我開始催單及提出取消， 但服務員只說準備食物需時。炒飯終於送上， 但龍躉咸到難以入口， 我跟服務員講， 但他們完全沒有打算試試龍躉的味道，只跟你講跟廚房反映， 完全是敷衍了事。我再三跟他們講真的極咸， 一般餐廳做法是服務員會試試味。 如果真是確定很鹹，他會叫廚房再做一碟給客人，他們只是重複再說叫廚房留意一下， 逃避責任。因為等了40多分鐘，我真的沒有時間要求他們認真一點去處理。好明顯他們沒有把客人放在一個比較重要的位置， 只想快D收錢， 亦知你唔會再黎， 但他們百分之百不放在心上。離開餐廳時只有憤怒及失望。…查看更多