影片
更多
2023-07-12
224 瀏覽
大隻仔今次覓食嘅店舖就係💥 Enchanté 💥大隻仔今次介紹一間新開餐廳，地點極之方便，尖沙咀核心地段，喺美麗華商場附近，餐廳裝修好特別，設計成森林山洞，門口入口位置，仲有個打卡位，放左好大隻國際象棋棋子。餐廳座位有室內、室外，環境舒適，係約朋友食飯或者飲嘢傾偈既好選擇。3-7pm 係happy hour時段，飲品做特價，而且食物非常高質，不單止擺盤靚，仲好好食，尤其是黑毛豬梅頭肉、黑松露長通粉、生牛肉，必食推介。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 Free Bread & Sparkling Water $20坐低之後，店員就會送上menu 同埋介紹今日廚師精選，之後就會送上免費麵包同埋Sparkling Water。Free Bread 一共有3款，包括法包、ciabatta、nut bread。大隻仔最鍾意就係ciabatta，麵包夠鬆軟，配上牛油好好食。Sparkling Water 係要收費的，只係$20/位，比起其他餐廳收$100 支，真係好抵，而
💥 Enchanté 💥
大隻仔今次介紹一間新開餐廳，地點極之方便，尖沙咀核心地段，喺美麗華商場附近，餐廳裝修好特別，設計成森林山洞，門口入口位置，仲有個打卡位，放左好大隻國際象棋棋子。
餐廳座位有室內、室外，環境舒適，係約朋友食飯或者飲嘢傾偈既好選擇。
3-7pm 係happy hour時段，飲品做特價，而且食物非常高質，不單止擺盤靚，仲好好食，尤其是黑毛豬梅頭肉、黑松露長通粉、生牛肉，必食推介。
⋯⋯⋯⋯⋯⋯⋯⋯⋯⋯⋯⋯⋯⋯⋯
5⭐️ 超班
3⭐️ 一般/正常
1⭐️ 差
味道 ⭐️⭐️⭐️⭐️⭐️
抵食 ⭐️⭐️⭐️⭐️
服務 ⭐️⭐️⭐️⭐️⭐️
環境 ⭐️⭐️⭐️⭐️⭐️
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
🔥 Free Bread & Sparkling Water $20
坐低之後，店員就會送上menu 同埋介紹今日廚師精選，之後就會送上免費麵包同埋Sparkling Water。
Free Bread 一共有3款，包括法包、ciabatta、nut bread。大隻仔最鍾意就係ciabatta，麵包夠鬆軟，配上牛油好好食。
Sparkling Water 係要收費的，只係$20/位，比起其他餐廳收$100 支，真係好抵，而且餐廳既Sparkling Water 比較特別，係同法國製水公司purezza 合作，水機由法國空運抵港，Sparkling Water 味道幾好，容易入口，冇怪味。
Free Bread & Sparkling Water
$20
1 瀏覽
0 讚好
0 留言
🔥 Iberico Ham $230 （另加一服務費）
係當日廚師精選，餐廳選用原隻黑毛豬風乾火腿，由廚師用刀逐塊手切出嚟。Iberico Ham 質素高，有鹹香味，充滿油香，食完香味會停留喺口腔裏面。
Iberico Ham
$230
0 瀏覽
0 讚好
0 留言
🔥 Beef Carpaccio $175 （另加一服務費）
比較特別係用上分子料理方法製成三文魚籽形狀嘅柚子醋珠珠。
食法將 沙律菜、柚子醋珠珠、 nuts放係生牛肉片上捲起一齊食。
生牛肉片好新鮮，而且肉質嫩滑，冇根，入口即化，非常高質好食。
Beef Carpaccio
$175
7 瀏覽
0 讚好
0 留言
🔥 Smoked Eel & Smoked Salmon Salad
$155 （另加一服務費）
整碟菜 主角係「煙燻海鰻」，大隻仔真係要俾個讚廚師。👍
煙燻海鰻可以做到比油甘魚剌身仲要肥美嫩滑，入口即溶，真係好厲害，真係好好食。
煙三文魚可配上沙律菜、酸味芥辣醬、三色蕃茄仔、黑橄欖一齊食用。
🔥 Beef Consommé Royale $125 （另加一服務費）
喜出望外，好難得餐廳提供牛清湯，因為做法繁複，技巧高，先將牛/雞 煲出味道精華，再經過二次淨化，去除雜質，得出精華中嘅精華，香港已經好少餐廳可以飲得到牛清湯，雞清湯，就算高級法國餐廳都未必有供應。
Beef Consommé Royale 湯底夠清澈，牛味好香濃，紅蘿蔔絲切得像頭髮粗幼，法蒽亦切到好幼細，非常高質。
可配燉蛋或酸忌廉魚子醬法包條一齊享用。
Cocktail/Salad /Consommé
3 瀏覽
0 讚好
0 留言
🔥 Black Truffle Penne $235 （另加一服務費）
一上枱已經聞到好香黑松露味，好creamy，每一條長通粉都包滿黑松露醬汁，非常好食，黑松露味道超香，香味停留口腔內。
Black Truffle Penne
$235
12 瀏覽
0 讚好
0 留言
🔥 Grilled Iberico Pork Pluma with Black Cherry Jus $425 （另加一服務費）
主菜係「西班牙伊比利亞黑毛豬梅頭肉」配紫薯purée、黑櫻桃汁。
經過慢煮處理，黑毛豬肉質非常嫩滑，好似食緊和牛西冷，入口即化，外層經過炭火高溫燒烤過，散發出陣陣炭燒香味，加上黑毛豬本身充滿油脂香味，真係好好食，大隻仔超級推介Grilled Iberico Pork Pluma。
配菜有三色甘筍仔、車厘茄、露荀全部都好新鮮，而梅子酸酸地亦可以中和油膩感。
Grilled Iberico Pork Pluma with Black Cherry Jus
$425
0 瀏覽
0 讚好
0 留言
🔥 Tarte Tatin $110 （另加一服務費）
最後甜品揀咗蘋果塔，配青檸檬雪芭，味道酸酸地，可以清清味雷。
Tarte Tatin
$110
1 瀏覽
0 讚好
0 留言
🔥 C‘est La Vie / Tipsy Daisy $112 （另加一服務費）
兩杯都係餐廳 signature drink，C‘est La Vie 就以百香果+gin 為主，Tipsy Daisy 就以檸檬汁、橙汁+白蘭地為主，2款都酒味香濃，喜歡飲酒嘅朋友，值得一試。
餐後感想：
非常高質，而且價錢唔貴，生牛肉、煙燻鰻魚沙律都係百幾蚊起，而且服務滿分，好貼心，不停主動斟水，員工非常有禮貌，比起5星酒店還要好，員工介紹食物、飲品都非常清晰，非常滿意嘅餐飲體驗。
張貼
