影片
更多
2020-08-29
887 瀏覽
疫症下海港城推出超抵泊車優惠，外賣上去露天停車場望住海景食，成件事係又抵又嘆又開心又 chill！本身想食 greyhound，但特價款好多都售光，是但行行下經過芽莊，見佢外賣餐單幾精彩，$78 - $88又唔係話貴，無諗太多就決定試下，等十五分鐘就有得拎。<< 2-course salad bowl $78 >>揀左雞沙嗲 & 安南藕苗蝦沙律認真，呢個相對地係無咁抵食，下次我會揀返3-course精彩啲。味道方面，雞肉好嫩滑又唔老，沙嗲味重，仲有花生口感豐富。安南藕係幼身既迷你蓮藕仔咁，我張相啲一條條類似香茅就係，佢口感好爽脆，甜甜地，帶絲。苗蝦無乜驚喜，對切左，小氣。加埋啲蘿蔔絲，粗芽菜，酸甜。整體係幾特別，又清爽，開胃。<< 3-course bun platter $88 >>芥蘭苗，牛油雞翼 & 香茅燒牛肉撈檬一打開見到咁多色，真係會心情大靚！芥蘭苗甜甜地又脆，好好食，又好香！牛油雞翼炸得幾脆，賣相得，牛油香！香茅燒牛肉好軟熟，香茅味重燒得香！擺入口之後完全唔捨得吞，好有驚喜！撈檬配有炸蒜蘿蔔，條條分明不結塊，酸
外賣上去露天停車場望住海景食，
成件事係又抵又嘆又開心又 chill！
本身想食 greyhound，
但特價款好多都售光，
是但行行下經過芽莊，
見佢外賣餐單幾精彩，
$78 - $88又唔係話貴，
無諗太多就決定試下，
等十五分鐘就有得拎。
<< 2-course salad bowl $78 >>
揀左雞沙嗲 & 安南藕苗蝦沙律
認真，呢個相對地係無咁抵食，
下次我會揀返3-course精彩啲。
味道方面，雞肉好嫩滑又唔老，
沙嗲味重，仲有花生口感豐富。
安南藕係幼身既迷你蓮藕仔咁，
我張相啲一條條類似香茅就係，
佢口感好爽脆，甜甜地，帶絲。
苗蝦無乜驚喜，對切左，小氣。
加埋啲蘿蔔絲，粗芽菜，酸甜。
整體係幾特別，又清爽，開胃。
<< 3-course bun platter $88 >>
芥蘭苗，牛油雞翼 & 香茅燒牛肉撈檬
一打開見到咁多色，真係會心情大靚！
芥蘭苗甜甜地又脆，好好食，又好香！
牛油雞翼炸得幾脆，賣相得，牛油香！
香茅燒牛肉好軟熟，香茅味重燒得香！
擺入口之後完全唔捨得吞，好有驚喜！
撈檬配有炸蒜蘿蔔，條條分明不結塊，
酸甜味一口接一口，口感豐富有驚喜，
但美中不足係加左甜酸汁之後好難撈，
因為佢份量比較滿，動作大會跳出黎。
整體真係無乜挑剔，如堂食都有海景，
希望下次再來果陣，可以堂食睇海景。
張貼
