芽莊越式料理 (海港城)

餐廳環境開揚舒適，以簡約現代風格設計，廳內有大片玻璃窗，能夠望向維港景色，白天可以感受陽光灑落海面，晚上則欣賞到港島夜景的繽紛燈火，環境帶有一種悠閒且放鬆的感覺。餐廳主打正宗越南菜，番茄蟹檬是其中招牌之一。這道菜的湯底用新鮮番茄熬製，酸甜清爽，帶有蟹肉的鮮甜味道。湯裡有啖啖蟹腳和蟹肉丸，配合彈牙的檬粉。三文魚撈檬，三文魚肉質嫩滑，每片都帶有鮮甜感，配上特製醬汁撈勻，爽口又入味，撈檬粉Q彈煙靱。😁…查看更多

12點正坐底，請侍應幫忙落單，侍應叫等等先。其後，直接放底張QR code, 叫自己落單。12：01分落單成功，等到12：15，另一位侍應行過來話落單不成功，要人手再落過。但再掃QR code時候, 依然見到原本12：01分連加1的單，証明頭先帳單仲係個系統到。詢問原因，只係話個系統有問題，仲要問依家仲需唔需要落單。正如最近其他食評一樣，呢間鋪的員工服務態度非常有個性，目前營商環境，真心佩服。食物正常，不過不失。…查看更多

本來霖住去之前睇岩其他間，點知誤打誤撞行錯樓，實在肚餓就入咗來依間吃，求其嗌咗個lunch套餐。雖然一個套餐好平，但係味道驚人的正！西貢牙車快酸酸味味好開胃，河內湯粉益都係酸口，冰涼嘅好解熱，滴凍柑桔白桃茶又冇咁甜。上菜果時等咗一陣，不過飯點越來越多人，我冇care依件事。跟住舖頭入面有個姐姐仔好有耐心，每點一道餸都會check 吓，把聲都幾有活力。本來肚餓心情有滴差嘅，聽到佢講嘢都冇咁嬲。店內環境又好喔，可以直接睇到海景。總之依餐飯食得幾開心！…查看更多

芽莊越式料理：維港美景與越南風味的完美邂逅芽莊越式料理尖沙咀店位於海港城，地理位置得天獨厚，提供了令人驚艷的維港景緻，成為用餐體驗的一大亮點⭐️透過大玻璃窗，維港美景一覽無遺，白天陽光灑在海面上，波光粼粼☀️到了夜晚，維港兩岸華燈初上，水面映照出絢麗夜景，呈現出一幅美麗的夜景圖畫🌃這種視野開闊的環境，讓用餐者在享受美食時，身心都沉浸在放鬆與享受之中🧘‍♀️下午茶時段，餐廳人流不多，適合放鬆享受美食🥂今次點了兩份下午茶套餐，每份含一款餐前小食與主菜🍽️小食首選蒜香牛油雞翼，外皮烤得微脆，蒜香濃郁撲鼻，內裡多汁不柴🍗炭燒庶蝦同樣出色，蝦肉鮮甜緊實，咬下去蔗汁與蝦香交融，層次豐富🍤主菜方面，蔥油豬頸肉撈檬清新開胃，豬頸肉薄嫩滑口，拌上濃香蔥油與酸甜魚露，，味道均衡不膩🍲河內生牛肉牛爽腩湯河的湯底絕對是這道菜的亮點💫湯底經過長時間的牛骨熬煮，散發出濃郁的牛骨鮮香，同時保持了清甜的口感🐮這種清甜與濃郁的完美結合，讓人一入口便感受到湯底的層次豐富，每一口都充滿了牛骨的精華🍜邊品嚐美食，邊望著窗外維港，陽光灑在海面上，將維港景緻融入用餐體驗，格外加分🫶下次路過尖沙咀，不妨來此靜享這片海景與美食的雙重饗宴👍…查看更多

兩點幾嚟食，客人唔係太多眼見應該六七個員工左右。喺門口等入座，有個淺色短頭髮嘅同我對望咗幾次都冇出嚟帶位。跟住原來店入邊我兩位女士嘅態度都係好差🥲係得一位冇戴眼鏡嘅男侍應態度比較正常唔知做咩事新年流流成間舖頭啲人都黑口黑面，好得人驚，食完想快啲走嘢食同其他分店一樣叫咗三個牛肉湯河一個芥蘭，同埋一個墨魚餅幾好食。係唔錯嘅我不嬲都鍾意佢個湯底🥰不過淨係見到啲員工都唔係咁開胃，下次都唔好理海港城呢間…查看更多

今天出開尖沙咀，諗住食越南嘢，即時諗到嚟芽莊，因為都去過好多次。今天不是假日，所以下午茶時段不是太多客，當時有5張枱都在進食中，只有我哋新到的客人，員工方面就眼見樓面有6位，其中有一位在執枱，一位正帶我們到餐廳內，其餘員工就分2組人在場傾計。因好肚餓，所以座下後即看餐牌，決定食物後，想搵員工落單，但見5位員工在門口吹水（我哋座嘅枱與門口都有一段距離），他們跟本就沒有回頭望著餐廳內，只有一位女員工正在收拾其他客人枱上的餐碟，我根本就搵唔到員工落單，咁我就見執枱的員工行過（她手上拿著碗碟），所以我就同她講：麻煩你轉頭幫我哋落單，她回應我：好的，請你等等。怎知等了又等，連她都現身於門口位置，完全忘記了要落單這回事；所以我要等她們回頭望入餐廳才可擧手搵佢哋。後來就見到有位短髮女員工望向我哋張枱方向，咁我就即時向著她舉手，怎知她望不見，我就再舉多次手，仲要好大動作，她才見到，真係奇怪，「似見似不見」，都唔理咁多，因肚餓，有人嚟落單就ok，怎知呢位員工態度真係絕頂，好似係我哋阻住佢冇得傾計咁，黑面之餘，聲線還帶點唔耐煩，最後落了單。後來有員工拿刀及义來我哋張枱，什麼都沒說就放低，呢啲服務，以前唔會發生在這品牌，之後的飲品及食物都是在冇聲冇色地，在不同方向降落在我哋枱面上。🙄除服務欠佳外，佢哋食物保持以往的味道，值得推介「芝麻蝦多士」外脆內軟，蝦味同口感唔錯😋；另外豬扒唔乾身，幾 juicy 😋，不過飲品 「桃蜜熱柑桔」就冇咩桃味，柑桔味又唔係咁夠，而環境及衞生都完全冇問題。…查看更多

✔️軟殼蟹青木瓜沙律
青木瓜絲與新鮮香草混合，帶來了獨特的脆爽感。軟殼蟹炸至金黃酥脆，蟹肉鮮嫩多汁，搭配酸辣的醬汁，每一口都充滿層次感，非常完美的融合了清新的蔬菜和濃郁的海鮮風味。✔️烤乳豬
烤乳豬的外皮酥脆，色澤金黃誘人，剛一上桌便散發出令人垂涎的香氣。每一口都能感受到肉質的嫩滑與微焦的外層脆感，點上秘製醬汁，真的是讓人欲罷不能。✔️炸軟殼蟹（2pcs）
炸軟殼蟹的外皮金黃酥脆，每一口都能聽到清脆的咀嚼聲，蟹肉內裡則保持了原汁原味的鮮嫩。✔️芝麻蝦多士
芝麻蝦多士的外皮煎至金黃，芝麻的香氣濃郁，蝦仁多汁鮮甜，與酥脆的多士相互輝映。每一口都帶有芝麻的獨特風味，蝦仁的鮮美與香脆的多士形成了絕佳的口感對比，是一道絕對令人滿足的開胃小食。✔️炸蓮藕魚肉夾（4件）
炸蓮藕外酥內嫩，蓮藕的清甜與魚肉的鮮美在一口中融合。每一片炸蓮藕都包裹著細緻的魚肉，內餡的魚肉柔嫩滑口，為這道菜品增添了豐富的口感層次和風味。✔️牛油果野菌豆腐素檬
牛油果的細膩與野菌的豐富風味在這道菜中完美融合。嫩滑的豆腐與清新的牛油果和野菌相搭配，真的很絕。✔️香葉菜卷
香葉菜卷的外觀精緻，每一卷都包裹著新鮮的蔬菜和香料，咬開後，香葉的獨特香氣立刻撲鼻而來。搭配的醬汁更是提味十足，十分開胃。✔️檸汁魚露蝦
蝦肉鮮美無比，檸汁的酸爽與魚露的鹹香在口中交融，形成了令人回味無窮的味道。每一口都能感受到酸甜開胃的滋味…查看更多

今日發現芽莊推出weekday lunch套餐，套餐真係幾抵食。午市套餐有Starter，main同飲品$118 Starter選擇牛肉丸湯雖然牛丸糖細細碗，但估唔到牛丸又幾好食喎，唔單止有肉味又有肉汁，而且幾 彈牙，加埋啲香蔥同洋蔥，雖然係清湯，但係味道唔錯。燒牛肉濱海燒牛肉濱海份量十足，燒牛肉燒到好香，肉質軟腍又入味，而且惹味可口，唔會好乾。加上濱海配上酸醋汁，同各種蔬菜，味道很清爽，好適合夏天食。桃蜜熱柑桔呢個熱飲味道酸酸地，唔係好甜，柑桔味幾濃，感覺滋潤。…查看更多

星期五下午係海港城，諗住食芽莊午餐，見餐廳入邊都唔少人食，望海地窗口位滿座，同朋友坐低係走廊位之後，女職員比午餐Menu ，望一望錶2:25，就問女職員會唔會有下午茶，女職員帶啲口音回應有下午茶要2:30，於是我就話等多5分鐘睇埋下午茶餐牌。跟住就睇吓午餐餐牌先，三分鐘之後，2:28個女職員行埋黎，話而家無下午茶，如果要食午餐就依家快啲嗌，如果唔係只得散嗌。我哋覺得好奇怪，一時又話有一時又話冇下午茶，又唔早啲更正返，同埋佢冇笑容，態度欠佳，語氣急促，亦都冇解釋，逼住要人即刻落單。因為太肚餓，咁就即刻求其叫咗午餐牛肉湯粉跟小食炸雞翼同香茅豬扒飯跟魚餅。我的豬扒非常之硬同柴，朋友話牛肉湯粉一般，亦都冇跟到調味配料(辣椒青檸九層塔)，之後要再問該女職員拎，佢先黑口黑面拎俾你。另外令人驚奇嘅就係原來佢嘅泰式魚餅，係厚煎鯪魚肉餅，餐飲超級難飲。我諗食過泰式魚餅嘅人都知道，根本就係兩回事，嚴格啲講，佢違反咗商品說明。其實一個餐都$120，咁樣都已經係$240。呢間嘢食唔好食都預咗，其實係人都知佢做遊客一次性生意，唔會有回頭客，但係星期五下晝嚟食飯唔係嚟受你氣，同催促人哋落單。最後都有密切留意該名女職員，外表不像本地人，留意過佢同其他客人對話，應該識講廣東話，有四圍騰工作，但唔明白點解唔解釋(一時話有下午茶一時又話冇)。最後埋單忍唔住問咗一個男職員，佢就話平日係有下午茶，係今日先冇下午茶。老實講，我覺得街邊越南嘢都好食過佢好多。…查看更多

係海港城番工，lunch 🍽️好多好選擇，有時想食好d，會選擇芽莊🌴環境企理舒適👍、食物有水準😋，價錢合理，lunch 有 set， 有小食main course同埋一杯嘢飲小食：雞翼Main course : 生熟牛河飲品： 凍錫蘭檸檬茶 連加一合共$130雞翼 🐔：有驚喜，外脆內滑，夠味，不過就油咗少少生熟牛河🐮： 牛肉幾滑，湯夠香濃檸檬茶 ：正常發揮🍹唯獨係幫襯過幾次，都覺得服務員態度很一般，經常無視客人，希望會改進🙂 …查看更多

父親節梗係要一家人出外慶祝啦去咗海港城芽莊食越南菜六點鐘入去好彩唔洗等位環境舒適望住維港夜景心擴神怡🦐大蝦柚子沙律🥗竟然有2隻大虎蝦又爽又鮮甜柚子好多多汁開胃🍜越式雞絲湯河岩哂小朋友河粉好滑雞肉又淋又入味湯底不會太重味🥢燒牛肉撈檬配埋最愛越式魚露甜甜酸酸仲有好多配料青瓜紅蘿蔔花生正🫔越式軟殼蟹米紙卷軟殼蟹好大件米紙好薄沾埋甜酸汁好有口感🍗燒豬頸肉份量好多肉好爽有咬口D汁好特別非常襯今餐大家都好滿足爸爸表示滿意👍🏻😻👉🏻芽莊越式料理 (海港城) (尖沙咀)尖沙咀廣東道3-27號海港城海運大廈地下OTG51號舖#芽莊 #海港城 #越菜 #hkfoodie #尖沙咀美食 …查看更多

今日嚟到尖沙咀揾食， 海港城好多食肆最後揀咗呢一間越南料理。我地叫左 上湯手切 本地牛爽腩及 越南碎米飯 芥蘭苗，軟殼蟹 等等上湯手切本地 牛爽腩：牛爽腩 我覺得 比較 韌， 牛𦟌 尚算淋身好食。越南碎米飯： 上枱已經覺得 好香椰香味， 米粒 爽身。但豬扒有啲乾身，味道可以。個蛋餅加咗黑椒， 都幾好食。芥蘭苗：係烚菜加咗 甜豉油，冇臭青味，甜甜地，上面啲蝦仔好好味。炸軟殼蟹：有兩隻，炸得好乾身，又膏有肉，好食不過全餐飯我覺得都比較重味精，因為食完之後好口渴😅另外，當日安排坐近門口，如果坐入面嘅話，就可以睇埋海景，個view都唔錯…查看更多

係海港城行完街，有啲想食越南野，所以就去咗芽莊食晚餐～芽莊係我心目中係一間環境企理舒適、食物水準都好穩定嘅越式餐廳，無論係自己食定係同fd食，都坐得舒服食得開心～因為價錢合理，質素又有保證:)今次叫咗幾樣野share，生熟牛河正常發揮；炸墨魚餅香口惹味；至於燒豬頸肉就更有驚喜，豬頸肉肉質係爽口嘅，調味岩岩好；炒飯就份量十足，不過就偏油咗少少，如果乾身啲會更加好食～芽莊食過幾間其他地方嘅分店，暫時呢間係最好，因為望到海景～…查看更多

茶餐，尖沙咀商場嚟講都幾抵:) $7x一分tea set，包小食同主菜，飲品另加錢。Order 咗兩個餐河內手打牛丸河正正常常，湯底略帶甜味，佐料十足芽菜、芹菜、洋葱、辣椒、青檸... 今次有得坐窗邊Lucky~溏心蛋香茅燒豬扒飯溏心蛋perfect~ 少少焦脆 豬扒肉厚但唔柴好食！雞翼新鮮炸起最愛食嘅蝦多士好香芝麻味，脆卜卜， 讚！Amazing view~ Happy meal熱柑桔所有staff 都好 friendly:)…查看更多

飯局聚腳點，環境舒服，如能坐𥦬邊位，見到香港海景就更好。4人聚餐，天氣涼涼地，食吓暖苙苙的三寶河(牛肚、牛丸、鮮牛肉片)，暖吓肚仔，牛肉不靭，每人分少少，可以食多兩味。另外，試左芽莊炸物，炸蝦餅及蝦多士，每人各一件，味美香脆、仲啖啖肉，值得一試。還有叫炭燒豬頸肉，腍肉多汁，不過我個人較喜歡醬汁另上。還有叫蒜蓉炒芥蘭，芥蘭新鮮，炒菜味道正常。由於朋友想食澱粉質嘢，所以叫左芽莊炒飯，但大家都有點失望，炒飯熱度不夠，係越南餐廳食飯，事實炒飯不是熱門食物，可不用試。…查看更多