影片
更多
2024-01-22
84 瀏覽
媽咪最鐘意就係食新鮮蒸海鮮，不過屋企人唔多，成日都好聽難買好多樣海鮮食個海鮮大餐，而且自己預備海鮮功夫又多又辛苦，咁作為孝順嘅我當然就要帶佢去試下朋友介紹間蒸海鮮試下先得😁呢到個$318全包套餐好抵食，有刺身，有8款海鮮仲有一款主食，最緊要係朋友大讚呢到選料新鮮，CP值超高，咁就當然同媽咪試下先得刺身拼盤有4款刺身，而且份量一d都唔少，油甘魚，三文魚，希靈魚，帶子同北寄貝全部都好新鮮，由其個帶子特別鮮甜😁用黎開胃fit晒店員隨即就安排蒸海鮮上場，個日因為冇蟹，所以用龍蝦代替，店員首先將蝦頭同埋瑤柱仔再加上排骨同米放係個鍋底，然後上面上路蒸海鮮，d精華就一路滴落去個粥底，諗起都正！第一樣海鮮係蒸龍蝦，龍蝦放落去嘅時候，仲識郁嘅😳代表真係超級新鮮，即嗌即預備，蒸好嘅龍蝦特別彈牙而且好多汁，冇落調味料不過一樣夠晒鮮甜，好好味😆食完龍蝦就到另外幾樣海鮮，帶子連埋蒜蓉同粉絲一齊蒸，蒜蓉粉絲食落好香，而且帶子好厚肉，蒸嘅時間啱啱好，唔會熟過龍；鮑魚新鮮鮮味，而且離埋殼，特別易食；不得不提係個海蝦同埋馬友，海蝦食落超級鮮甜，同平時自己整個d差好遠，食落真係隻隻都有海水味，好鮮，而馬友食個個係腩位，啖
呢到個$318全包套餐好抵食，有刺身，有8款海鮮仲有一款主食，最緊要係朋友大讚呢到選料新鮮，CP值超高，咁就當然同媽咪試下先得
刺身拼盤有4款刺身，而且份量一d都唔少，油甘魚，三文魚，希靈魚，帶子同北寄貝全部都好新鮮，由其個帶子特別鮮甜😁用黎開胃fit晒
店員隨即就安排蒸海鮮上場，個日因為冇蟹，所以用龍蝦代替，店員首先將蝦頭同埋瑤柱仔再加上排骨同米放係個鍋底，然後上面上路蒸海鮮，d精華就一路滴落去個粥底，諗起都正！第一樣海鮮係蒸龍蝦，龍蝦放落去嘅時候，仲識郁嘅😳代表真係超級新鮮，即嗌即預備，蒸好嘅龍蝦特別彈牙而且好多汁，冇落調味料不過一樣夠晒鮮甜，好好味😆
食完龍蝦就到另外幾樣海鮮，帶子連埋蒜蓉同粉絲一齊蒸，蒜蓉粉絲食落好香，而且帶子好厚肉，蒸嘅時間啱啱好，唔會熟過龍；鮑魚新鮮鮮味，而且離埋殼，特別易食；不得不提係個海蝦同埋馬友，海蝦食落超級鮮甜，同平時自己整個d差好遠，食落真係隻隻都有海水味，好鮮，而馬友食個個係腩位，啖啖肉嘅馬友魚油好豐富，食落好香，啱啱蒸好嘅馬友真係冇得輸，而且店員服務好貼心，除左會幫我們安排蒸海鮮之外，仲提醒我們d魚唔好攤涷，要趁熱食😁
再下一round嘅海鮮就係蠔同埋花甲，d花甲份量好多，而且好鮮甜🥰媽咪就好欣賞個蠔，話佢肉夠肥美，而且蠔味十足
食完海鮮最後仲有個主食-蟲草花蒸雞配各式時蔬，隻雞本身油夠多，d油瀉落墊底嘅烏冬到，食落好香，而且時蔬有南瓜芋頭甜薯粟米，樣樣都又粉又好味，真係好好味
最後唔少得嘅當然係集精華於一身嘅粥底啦，個粥底充滿龍蝦膏，又加晒咁多款海鮮滴落黎嘅精華，當然超級鮮甜，而且份量十足，我同媽咪一人食左三碗都仲有剩，成個set真係好好食🤗
媽咪食完大讚好味，臨走仲拎多張卡片，話下次佢要再黎同阿爸撐枱腳😆見佢食得咁滿足，不枉帶佢黎左食正海鮮🥰下次我都帶老婆仔黎試下先得
張貼