牛之鍋

營業中

休息中

自己一路都好鍾意夜晚收工去打邊爐，而且好鍾意食好多好多牛肉；之前都去過唔少類似嘅舖頭食，今次就去呢度佢號俾我一個好大嘅感覺就係呢度好似牛大人，質素相若，但亦有自己嘅創新。湯底選擇款式之多，我自己就揀選左蟲草花松茸湯。一人鍋，湯底養生，因為食牛燥熱，下火都係應該。呢到有ABC餐可以揀，我自己就要到最高層階嘅C餐，因為有和牛食，而且仲有我最鍾意嘅牛小排。咩都要試吓，呢幾款係未upgrade嘅肉，有牛肩胛肉眼、封門柳，煮起上嚟賣相幾靚都幾好食。牛味濃。呢兩款係升級咗嘅牛肉，包括有手切牛肉同和牛。無論係油花同埋牛肉嘅厚度，都唔一樣，更加爽口，牛味亦都更加豐富。呢度仲有其他小食，包括有台灣腸、刺身，等等升級咗之後，可以有珍寶帶子食，呢個我都幾推薦。最後必須一提嘅係，餐廳嘅環境非常好，店員招呼亦都非常殷勤，呢度仲有自助飲品，我自己就鍾意冷泡茶，完咗之後亦都可以叫甜品，甜品可以有芭菲，升咗級之後，可以有比利時朱古力火鍋，一定食到好飽。