牛之鍋

最近同朋友去咗「牛之鍋」試下佢哋的晚市放題，揀咗$298嘅B餐，包晒「海鮮火鍋、刺身、串燒、甜品、雞煲任食」，真心抵食！我哋揀咗一人一鍋，夠晒衛生。我點咗壽喜燒鍋，朋友就點咗椰子雞鍋。壽喜燒湯底甜而不膩，涮肥牛一流，啲肉吸盡湯汁，唔使點醬都好好味。朋友個椰子雞鍋就清甜滋潤，佢話用嚟涮海鮮最能帶出鮮味。講到海鮮，絕對係今餐嘅重點！餐廳外面有個區域放滿「即撈海鮮」，啲蝦同貝類真係好生猛，郁嚟郁去。撈起即涮，蝦肉爽彈鮮甜，完全係街市買返屋企煮嘅級數，喺放題來講真係超除咗火鍋，熟食都絕不馬虎。我忍唔住食咗幾轉蒜香燒生蠔，蠔身飽滿，蒜蓉香口；脆皮乳鴿即叫即上，皮脆肉嫩，唔會乾爭爭。至於即燒串燒，燒牛舌同燒雞軟骨係我至愛，香口惹味，送啤酒一流（外面雪櫃任拎）。刺身方面，三文魚同赤蝦都切得厚身，擺盤整潔，以放題來講唔錯。食到尾聲，當然要試埋佢哋嘅甜品。甜品嘅種類超多，榴槤芭菲同宇治抹茶芭菲真心有驚喜，味道濃郁，唔係得個甜字。最正就係有心太軟、法式焦糖燉蛋、綿綿冰、雪糕窩夫，我哋每樣都叫咗嚟試吓！簡直完美作結😍總括來講，「牛之鍋」無論係食物種類、質素，定係成個用餐體驗，性價比都極高。由生猛海鮮到高質甜品，每樣都有水準，唔會話有啲項目係「揸流攤」。如果你同班朋友一樣咁為食，想樣樣試匀啲，呢度絕對係個唔錯嘅選擇！…查看更多

今次嚟到 🚇 銅鑼灣嘅「牛之鍋」，真係一間令人 😍 驚喜嘅日式火鍋 🍲 放題店！一入到去，環境雖然唔係超豪華 ✨，但都算闊落舒適，燈光 💡 柔和，營造咗一個輕鬆 😌 自在嘅用餐氛圍。我哋今次揀咗C餐 💰 $388任食澳洲M8和牛 🐄，首先就被佢哋嘅自助區吸引住，個魚缸仔入面有兩款活生生嘅蝦 🦐 同埋大蜆、沙白，全部都係新鮮到 ✨ 跳跳紮，自己夾幾多都得，旁邊仲有個超豐富嘅海鮮 🦀 自助吧，有齊蟹、瀨尿蝦、蟶子、鮑魚、🦪 蠔、魚等等 🐟，睇到都流晒口水 🤤，真係好少放題店有咁多海鮮選擇 🌊，而且仲要咁新鮮！講到飲品 🥤，佢哋都好有誠意 👍，除咗汽水、果汁 🧃，仲有多款唔同品牌嘅罐裝啤酒 🍺 同埋冰凍生啤任飲 🍻，啤酒控一定會好開心 😄！火鍋湯底方面 🍲，佢哋主打「一人一鍋」嘅火鍋模式，乾淨衛生之餘，又可以揀自己鍾意嘅湯底 🥣，呢個設計真係好貼心 💕！我哋揀咗椰香沙嗲湯 🥥 同埋壽喜燒湯。椰香沙嗲湯香濃惹味，帶點微辣 🌶️，用嚟淥海鮮同牛肉都好夾；壽喜燒湯就甜甜哋，淥 🥩 和牛一流。話明叫「牛之鍋」🐂，靚牛就一定唔少得啦！我哋揀咗澳洲M8和牛 🥩 任食，真係冇揀錯！佢哋提供咗多款坊間比較少見嘅 🥰 高質牛肉部位，包括：M8和牛面頰肉 😋、M8和牛黃瓜條、M8和牛肥牛 🐄、M8和牛牛肩胛 💪 同埋M8和牛牛小排 🍖。每一款都油花 ✨ 分佈均勻，肉質軟嫩 😍，輕輕一淥就食得 🥢，牛味濃郁，真係食到好滿足 😊！特別係和牛面頰肉 👏 同黃瓜條，口感好特別 ⭐，值得一試 👍！除咗火鍋 🍲，佢哋嘅刺身都係任食 🍣，有吞拿魚 🐟、三文魚、甜蝦 🦐、希靈魚、北寄貝等等，款款都新鮮肥美 ✨，甜蝦好鮮甜，三文魚都好厚切 🔪。佢哋仲有多款串燒 🍢 任食都係一大賣點 🌟，即叫即燒 🔥，熱辣辣香噴噴，種類都好多，例如有：雞軟骨串、燒雞心 ❤️、燒雞脾肉 🍗、燒雞腎、燒肥牛肉 🥩、燒牛舌 👅、燒五花豬肉 🐷 同埋燒帆立貝。每款都燒得恰到好處，香口惹味 🤤，特別推介燒牛舌 👅 同雞軟骨 🐔，口感一流！另外，佢哋嘅 🧄 蒜香燒生蠔 🦪 都好惹味 😋，蒜蓉味好香，蠔肉肥美 ✨，我哋食完一隻又一隻，爽呀。最後當然唔少得甜品啦 🍰！「牛之鍋」嘅甜品款式真係非常之豐富而且好高質 ⭐，完全唔係求其嗰種 🤩！有烤榴槤 🔥、榴槤芭菲 🍨、雪燕榴槤忘返、法式焦糖燉蛋 🍮、宇治抹茶芭菲 🍵 同埋綿綿冰 ❄️。榴槤控一定會瘋狂 🤪，烤榴槤香甜軟糯，榴槤芭菲 🍨 同雪燕榴槤忘返都充滿濃郁榴槤香。法式焦糖燉蛋 🍮 香滑，宇治抹茶芭菲茶味濃郁 🍵，綿綿冰就清涼解膩 ❄️，為呢餐豐盛嘅放題畫上完美句號 ✨！總括嚟講 📝，「牛之鍋 (銅鑼灣)」🥘 真係一間性價比極高嘅火鍋放題店 🥢，無論係肉類 🥩、海鮮 🦐、刺身 🍣、串燒 🍢 定甜品 🍰，選擇都非常多 🌟。如果你都係食肉獸 🦁 或者海鮮控 🌊，又鍾意多花款嘅放題，呢度絕對係一個唔錯嘅選擇 👍！…查看更多

【無限時。海鮮自助吧】晚市無限時任食火鍋放題沒有很多選擇，這家位於銅鑼灣的熱鬧地段更少之有少，餐廳環境寬敞舒適，座位安排合理，即使人多也不覺得擁擠，非常適合朋友聚會或家庭聚餐。❈ B餐 HK$298餐廳主打火鍋任食，可以選擇一人一鍋/一個大銅，這次主打要吃新鮮海鮮，點了椰子雞湯鍋和麻辣鴨血鍋。除了基本的火鍋料外，還有豐富的串燒選擇，香氣撲鼻，牛舌口感鮮嫩。肉類選擇豐富，包括美國極尚牛肉、豚肉和羊肉，肉質嫩滑且帶有香甜肉味，無論是涮火鍋還是串燒，都非常滿足。海鮮方面更有活鮮海鮮自助吧，提供種類多樣且新鮮的海鮮，蟶子和蝦都是切吃的。另外還有刺身拼盤，包括三文魚、吞拿魚、赤蝦和赤背，魚肉鮮甜，質感細嫩，完全感受到海鮮的新鮮度。自助蔬菜吧則提供多款新鮮蔬菜，配合肉類和海鮮，令整餐更加均衡健康。飲品方面設有自助飲品吧，飲料選擇豐富，更有韓國燒酒。隨時暢飲非常方便。餐後還可享用多達12款甜品，如心太軟、綠茶芭菲和焦糖燉蛋。這家火鍋放題不但環境優良，餐點種類多且質素高，無限時的用餐方式讓人能夠盡情享受，活鮮海鮮自助吧更是亮點。…查看更多

喺香港有生猛海鮮又有靚牛肉嘅任食火鍋放題餐廳真係唔多，銅鑼灣牛之鍋無論性價比、食物質素同服務都符合晒我嘅要求😎 仲要晚市無限時任飲任食😱 B餐$298晚市放題今次食牛之鍋B餐（$298/位），可以一人一鍋👍有雞煲、刺身、和牛、海鮮自助吧，仲有超正嘅自己夾生猛活蝦😍 仲有勁多串燒甜品, 性價比超級高🫶🏻 🌟肉類美國極尚牛肉、澳洲羊肩肉、特選豚肉，美國極尚牛肉質素好靚，油花分布均勻，食幾碟已經回本👍 羊肉都唔錯，配搭麻辣鍋底好掂🫶🏻 🌟海鮮呢個真係好有驚喜，真係好正呀，有生猛靚蝦任夾👍 新鮮靚蝦，果然唔同啲，肉質爽口彈牙又鮮甜，必食推介👍 海鮮自助吧有超大隻嘅生蠔、鮑魚、紐西蘭青口等等，滿足晒海鮮控🫶🏻 鮑魚彈牙無腥味，蠔又大又飽滿，必食💪 🌟其他刺身、串燒、連乳鴿都有😱 呢個價錢真係冇得彈😬 🌟飲品啤酒、罐裝飲品、茶飲、咖啡果汁全任飲👍🌟自助區：蔬菜吧乾淨整潔，丸類一應俱全，連響鈴腐皮都有💕 🌟甜品燒榴槤係我嘅首選😎 大大嚿好香甜👍 心太軟都唔錯，即叫即焗😍 仲有焦糖燉蛋、宇治芭菲等等，甜品胃請預留空間🤣🌟環境與服務座位寬敞無壓迫感，如果book到卡位仲正😬 服務方面補菜速度好快，完全冇漏單嘅情況🫶🏻呢個價錢喺銅鑼灣嚟講真係冇得輸，任飲任食仲可以自己夾海鮮，喺香港放題餐廳真係少見😎 真心推介俾大家💕…查看更多

今日嚟到銅鑼灣一間火鍋放題，揀咗B餐，火鍋串燒甜品刺身任食仲有啤酒任飲。黎到首先揀咗個湯底先，可以選擇一人一鍋又或者大鍋，今次終於唔使陪個朋友食辣啦，我揀咗一個蕃茄濃湯，朋友揀咗麻辣雞煲。雞煲上到枱係七成熟，記得唔好咁心急即刻食，雞肉嫩滑又入味，食完雞煲可以選擇加湯又或者轉過第二個湯底。蕃茄濃湯味道鮮甜足料。決定轉左個麻辣湯底。等緊個煲滾嘅時候就梗係食咗刺身先啦，刺身選擇好多，三文魚肥美，蝦大大隻，好新鮮。火鍋配料都有好多選擇，B餐有美國極尚牛肉，美國肥牛肉，澳洲洋肩肉等等，牛味濃郁薄切，肥瘦適中。仲有任食嘅海鮮，有鮑魚扇貝蜆鯇魚片，樣樣都好新鮮。任食區都有好多蔬菜同埋丸類嘅選擇，整體感覺都乾淨企理。仲有串燒食，正食飽飽之後梗係要食埋甜品啦。甜品有好多選擇，甜品櫃可以任取，亦都有啲即場點，例如芭菲等等，實在太飽，所以我哋淨係叫咗木瓜燉雪耳同埋雪燕流連忘返，兩款甜品都好足料，好滋潤。今次嚟到都幾多人嚟食，但係環境都唔係好逼夾，乾淨清潔，侍應亦都好快手主動清理枱面。…查看更多

《抵食火鍋吃到飽😊》———————————————-#牛之鍋 🐮-喺銅鑼灣鬧市呢間火鍋放題人氣十足，無限時，非常豐富，有齊海鮮、火鍋、刺身、串燒、甜品，仲可以食埋雞煲添，夠抵食！💰-先嚟雞煲，夠哂香濃惹味，都有好多舊雞肉，配料夠晒豐富～雞肉嫩滑多汁，份量十足，配埋濃厚醬汁，夠晒惹味得來唔會太鹹😝-食完雞煲可以轉湯底打邊爐，除咗主打必點嘅美國極尚牛肉，仲有美國肥牛肉、特選豚肉等等靚肉😙另外最特別嘅一定係海鮮自助吧，可以夾蝦、蠔、蟶子、蟹🦀都幾新鮮，大滿足😍-我哋仲嗌咗好多特式小食炸物同串燒，香口惹味，飲品都係任飲嘅，例如手打檸檬茶清爽解渴，味道酸酸甜甜，入口refreshing💚最後甜品仲有得食抹茶芭菲、焦糖燉蛋、芋圓同埋楊枝甘露，選擇多元❤️-⭐ 參考價錢︰（另收加一）晚市放題：$298🍌 抵deal 指數：8/10#抵deal銅鑼灣 #goodeal銅鑼灣 #hkgoodeal …查看更多

注意到這家火鍋放題，完全是被他家出色的甜品吸引，算不算另類的掛羊頭賣狗肉🤭，這裏是褒義詞😝。無限時任吃牛豬羊／刺身／串燒，還有自助現夾活海鮮，B餐$298就可以滿足我們的要求，如果想吃和牛就可以選C餐$388，也不貴。有9款鍋底可供選擇。一人一鍋不用遷就，朋友選了清潤的椰子雞鍋，我就選了下火的皮蛋芫荽魚片鍋。主要用QR Code點餐，加上自助區的活海鮮，食物種類繁多。連烤榴槤也是任點任吃。✴️刺身：三文魚／吞拿魚／甜蝦／北寄貝刺身尚算新鮮，不過質量還好，最喜歡甜蝦，爽口鮮甜。✴️肉類：豬／牛／羊／雞，等5款肉質量可以，每碟的分量也蠻多。其中一是是極上牛，牛味濃。雞件是4分1隻雞，肉質嫩滑。✴️現撈活海鮮：鮮蝦／大蜆非常新鮮，蝦放入鍋中都要跳出來了，肉質鮮甜爽脆，大蜆非常肥美。✴️串燒：款式多多以為去了串燒店，味道還可以。✴️熟食除了自助區，QR Code 也可以點蒜蓉焗生蠔／燒乳鴿：味道挺好的。✴️自助區：飲品／熟食／蔬菜／丸類，還有其他冰鮮的海鮮可以任夾，生蠔／蟶子都有。✴️甜品（用QR點）非常多的選擇，是我來的主要目的，都好精致好好吃。我們點了一堆。總結，這個價格吃得到無限時火鍋，算合乎性價比了，而且服務態度也挺好的，收空碟、加湯都好迅速。…查看更多

依家好多火鍋都做任飲任食放題，但有得自己夾新鮮蝦，又有海鮮自助吧，仲要係無限時，就真係要去呢到啦我哋揀咗B餐$298一位，可以揀一人一鍋，又或者一個大鍋呢個價錢已經包括所有任食火鍋配料，另外任食牛肉、豚肉等等呢啲當然唔少得除此之外，佢呢度仲有串燒任食，刺身任食，就連生蠔、鮑魚、蟶子等等嘅海鮮，都係任食😍 同埋可以自助夾蝦，所以啲蝦就一定新鮮嘅！基本上所有食物質素都幾唔錯，三文魚刺身我哋好好彩地分配到腩位，食落都幾香牛肉豚肉質素都中規中矩，肉質都幾滑嘅，牛味都在線蝦就唔使講啦，隻隻都生生猛猛，所以蝦肉都鮮甜仲有烤榴槤，榴槤控唔好錯過😝甜品一定一定一定要叫焦糖燉蛋！全場Mᴠᴘ啊😍呢度勝在無限時，又坐得舒服，食物種類都偏多，而且質素都唔錯，成大班朋友上嚟食都真係幾爽🤩…查看更多

銅鑼灣鬧市都有高性價比既邊爐餐廳，可以食海鮮、牛肉、刺身、串燒。我地食B餐$298/位都已經好夠。主打一人一鍋，可以自己夾海鮮。推薦沙爹湯底好夠味👍打邊爐有得食埋刺身都幾特別👍牛肉推薦美國極尚牛肉，油花分布均勻，好味。 海鮮自助吧海鮮就自己夾：生蠔、鮑魚、青口同聖子~好新鮮。甜品都有驚喜位：燒榴槤、心太軟、焦糖燉蛋同宇治芭菲都好食！甜品甘貴，食呢D都回曬本。🥢牛之鍋 🌏銅鑼灣堅拿道西10號冠景樓2樓A號舖…查看更多

今日過海同朋友去大食一餐😝由朋友Carry我去食好西😙最主要係餐廳係無限時任食㗎🤩餐廳係打邊爐任食，分咗海鮮區、熟食區同飲品區，雖然每區面積唔算大，但種類真係好多，特別係海鮮區有得夾活蝦，仲有生蠔、蟶子、鮑魚等等，選擇豐富到令人眼花撩亂😵‍💫熟食區都唔馬虎，有幾款卷物、關東煮等等❤️飲品就由無糖茶到啤酒同燒酒都有👏🏻火鍋配料就中規中矩，菜同丸類都有成兩大個雪櫃任揀。當你以為咁就完咗，並沒有🙈！仲可以QR code落單，有各種火鍋肉類、串燒、刺身、甜品🥩真心多到唔知點樣食起🤣🤣🌟晚市B餐（成人）$298揀咗中價錢，另外仲有A餐同C餐可以揀，小朋友同老人家都有得平啲😆-🌟壽喜燒湯底冇諗過港式火鍋都可以做到一人一鍋，不單止仲有壽喜燒湯底🥹超開心🌸-🌟美國極尚牛肉叫咗幾轉，每轉質素都有輕微唔同，但係整體都唔錯，唔會一夾就爛🙈呢款入口偏向有咬口-🌟美國肥牛牛肉肥牛肉質軟腍，同埋比較索湯👏🏻🌟蠔蠔係有兩款，我食咗有殼嗰一款，味道都好鮮甜😆-🌟鮑魚只要拿捏好過淥嘅時間就好好食🤣鮮嫩彈牙😙-串燒類雖然我冇食好多，但佢哋有個爐慢慢溫熱佢，就算你唔係即刻食都確保入口嘅時候溫笠笠唔會攤凍曬，上面仲好細心放咗張吸油紙，真係好欣賞佢哋呢一種做法🥹👏🏻🌟雞軟骨串燒外脆內嫩，啲軟骨彈牙，啲油脂係口腔爆發出嚟好正-🌟帆立貝串燒帆立貝大大粒啖啖肉，唔會燒到好乾好老🌟三文魚味道對板，不過有啲細塊，所以又encore咗一轉😆然後第二轉竟然有三文魚腩🌸-🌟赤貝赤背好新鮮，好夠凍👏🏻口感爽口-🌟北寄貝口感彈牙，帶淡淡海鮮鹹味。🌟椰汁紅豆芋圓細細碗份量啱啱好唔會浪費，入面有細細粒嘅椰汁奶凍，芋圓同紅豆都好好食😋-整體嚟講餐廳唔算好闊落，不過都冇話坐得好迫，服務員態度友善，落單同上餐速度都好快😝…查看更多

🍽 Dinner 💰HKD298 (dinner, 10% service charge)This all-you-can-eat hotpot place is super fun and tasty. You can catch live seafood like shrimp straight from the tank—so fresh! There’s also Japanese sashimi you can order, and it’s really good. Tons of choices for beef and pork to cook in your hotpot, so you’ll never get bored. The dessert section is amazing too, with things like durian treats and matcha ice cream. It’s a great spot to hang out with friends, eat as much as you want, and try a little bit of everything. Definitely worth checking out if you love hotpot and variety…查看更多

一進門，就被琳琅滿目的食材吸引住了！😍 從新鮮的海鮮🦞🦀🦐到牛肉🥩，還有各種蔬菜🥬🍄和配料，應有盡有！我們選了個鴛鴦鍋，一邊是沙嗲牛肚，一邊是椰子雞清湯🥣😋 首先，當然要先來一盤 刺身拼盤 🍣！三文魚、甜蝦、帶子，都非常新鮮！🤤 鮮甜味美！接著，我們拿了各種 肉類 和 海鮮，牛肉的品質真的不錯，涮一下就熟了，肉質鮮嫩！👍 海鮮也很新鮮，尤其是現捉活蝦🦐，肉質Q彈，鮮味十足！生蠔都好肥美。除了火鍋，還有 熟食 和 壽司 🍣！炸雞🍗、壽司卷🍙、關東煮🍢等等，選擇非常多！還有 甜品 🍮🍰🍦，榴槤、雪糕等等，為這頓豐富的火鍋放題畫上完美的句點！💯不得不提的是，這裡的 飲品 🥤🧃🍺也很多選擇！汽水、果汁、啤酒等等，任君選擇！🍻總之，「牛之鍋」Oishi Shabu 性價比很高！💰 食物種類豐富，品質也不錯！👍 非常適合和朋友家人一起來聚餐！…查看更多

總結： 牛之鍋晚市放題B餐提供多元化選擇，由雞煲、刺身、火鍋、串燒到甜品一應俱全，整體味道尚可，部分菜式表現不俗。雖然價錢偏高，食材水準參差，但若想一次過試多款料理，且時間充裕，仍可考慮一試。叫左嘅食物有：雞煲（評分：7.5分）- 味道香濃，雞肉炆得入味，辣度適中，作為開場菜式相當不錯。刺身（評分：7.3分）- 魚生新鮮度尚可，切件大小均勻，三文魚、帆立貝等款式齊全，整體屬中上水準。火鍋（椰子雞湯底，評分：6.5分）- 湯底清甜，椰香突出，但火鍋食材如牛肉、海鮮等質素一般，未見驚喜。串燒（評分：7.6分）- 雞腎同雞心特別出色，外脆內嫩，調味得宜；其他串燒如豚肉、蔬菜亦有不俗表現。甜品（評分：7.9分）- 焦糖燉蛋滑溜香甜，焦糖層微脆，甜度適中，為整餐劃上完美句號。其他體驗：- 上菜速度： 流暢，漏單情況少，加分位。- 環境： 坐位寬敞但裝潢較舊，整體簡約，衛生尚可。- 服務： 正常水準，無特別驚喜但亦無失禮。價錢： HK$656（加一後）; 人均 HK$328進食時段： 晚餐時間評分： 7.3/10詳細評分解釋： 綜合食物（味道與賣相）、環境（氣氛、空間、衛生）、服務、性價比四方面作整體評估。比分偏重食物與飲品部分。- 1‐5分： 不推薦- 5‐6.9分： 普通，低機會回訪- 7‐8分： 都可以，會考慮回訪- 8.1‐9分： 相當不錯，大機會回訪- 9.1‐10： 各方面都好好，一定會回訪整體而言，牛之鍋適合想一次過試多款料理嘅食客，特別係串燒同甜品表現較佳。如對食材質素有較高要求，或希望性價比更高，可考慮其他選擇。…查看更多

#mochicouple_hk銅鑼灣搵食團₊ ˚‧ ♡̷̷̷ ₊ ˚‧ ♡̷̷̷ ₊ ˚‧ ♡̷̷̷ ₊ ˚‧ ♡̷̷̷ ₊ ˚‧ ♡̷̷̷ ₊ ˚‧ ♡̷̷̷ ₊ ˚‧ 1️⃣ 🥥湯底：鮮甜椰子雞湯🍲揀咗香甜又清新「椰子雞湯底」🥥🐓～入面有大塊椰子肉同紅棗，椰香溫潤，飲落唔會好甜膩，而係帶淡淡天然椰香✨！重點係有一份新鮮生雞肉比我哋落湯慢慢涮，肉質滑嫩得嚟帶微微椰香😍，入口超嫩滑，完全唔乾柴～2️⃣ Set C 陣容超強💥：美國見島和牛、雪花牛小排、本地新鮮騸牯牛！和牛油花分布勻稱，色澤鮮明，涮5秒就已經完美熟度☺️入口即溶，肉汁同椰香完美融合，齒頰留香。牛小排肉味濃郁，咬口十足，唔使調味都已經好出色。本地騸牯牛新鮮到不得了，肉質嫩滑，令人一片接一片，完全停唔到～配椰子雞湯底更加鮮甜，牛香＋椰香雙重享受，好幸福🫶！3️⃣🦐海鮮區 +刺身任食Set C 包原隻鮑魚🦪＋其間限定乳山生蠔！鮑魚彈牙度極高，煮後保持鮮甜；生蠔可以原隻打邊爐或香烤蒜蓉，蒜香味濃郁惹味🤩！海鮮區仲有連殼青口、珍寶赤蝦、北寄貝等，樣樣新鮮！刺身任食更係重點：三文魚、希靈魚、帶子、赤貝、北寄貝、飽片～全部每日新到，食落超鮮甜💛！🍢4️⃣串燒＋自家甜品任食串燒款式多到揀唔切🔥：燒牛舌、燒雞心、燒鮑魚、白燒鰻魚等，調味香濃超惹味！玉子燒最特別，上面有脆脆焦糖層，好似甜品咁新奇😋～甜品方面有宇治抹茶芭菲、榴槤芭菲、心太軟配雪糕🍧！心太軟朱古力流心軟滑濃郁，蛋糕殼薄得黎香脆，配香草雪糕完美平衡✨！仲有 Crème brûlée 焦糖脆皮，好香蛋香～甜品胃超滿足💛！⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚🌟想知道更多美食🤪記得follow@mochicouple_hk啦😍🎉📸📍 銅鑼灣堅拿道西10號，冠景樓2樓A舖🚇 港鐵銅鑼灣站B站出口，步行約5分鐘🕒 Mon-Sun:12:00-23:00#銅鑼灣美食 #椰子雞湯 #火鍋放題 #牛肉拼盤 #刺身放題 #串燒控 #甜品放題 #銅鑼灣美食 #香港火鍋 #任食無限 #美國和牛 #本地騸牯牛 #海鮮控 #三文魚刺身 #鮑魚串燒 #宇治抹茶 #心太軟 #CrèmeBrûlée #香港美食 #必食推介 #聚會好去處 #打卡熱點 #美食日記 #食好西 #高質火鍋 #新鮮直送 #銅鑼灣火鍋#甜品控…查看更多

與家人在銅鑼灣牛之鍋用晚餐，選了晚市套餐（每位$298）。餐廳採用一人一鍋設計，家人可自選湯底，試了椰子雞湯與三鮮豚肉湯，前者帶淡淡椰香，後者湯入面比較重海鮮味道，適合不同口味偏好。唔一定要一齊打邊爐。肉類選擇包括美國肥牛、澳洲羊肉等，質素中規中矩，輕涮後口感尚可。海鮮區備有青口及連殼鮑魚，新鮮度合格，鮑魚彈牙感較突出。另設串燒及刺身區，建議先取海鮮類食材。另外我哋都幾鍾意啲刺身叫咗好多三文魚食，刺身都算新鮮。呢度嘅串燒都幾得意，我哋都叫咗少少，一開始以為佢嗰個盒仔係可以燒嘢食嘅，點知佢話用嚟保溫。最特別係個玉子燒係有啲焦糖喺上面嘅，其他嘅蔬菜係有啲胡椒同埋椒鹽喺上面。甜品種類較豐富，楊枝甘露甜度適中，焦糖燉蛋滑順，芝麻糯米糍即場製作。由於佢係無限時任食火鍋放題，整體用餐時間充裕，適合與家人輕鬆聚餐，建議預留空間品嚐甜品。仲有呢度比較特色嘅係榴槤忘返燕窩甜品，仲有就係榴槤同埋綠茶嘅雪糕，仲要即叫即整賣相都唔錯！ …查看更多