影片
更多
2024-01-08
1548 瀏覽
好味指數😋😋😋回頭指數 ⭐️⭐️⭐️開心指數🤗🤗🤗假期約咗朋友食 lunch，佢揀咗呢一間，有個攪笑位係，揀呢間餐廳嘅朋友去到門口都要打俾我哋，因為門口見唔到中文名，只見到好有型嘅字體寫住 Lemna，我最早到，明明已經知道個位大概響邊，但都要double check 返個名，因為唔太見到牧羊少年呢幾隻字（或者係我發雞盲），咁不如直接冇中文名，可能冇咁令人 confused～餐廳用QR code 落單，我想要杯水，見到職員好似好忙碌咁走嚟走去，揮手冇人見到，終於有人見到啦，似乎我叫咗一個唔係會攞水嘅職員，佢有少少翻白眼嘅樣，再叫另一個俾我。Lunch set 2 course ($158)，3 course ($188)，我叫咗2 course，有main 同 dessert。🍴美國牛肉漢堡配海鹽薯條佐乾番茄蒜香蛋黃醬（+$28）首先想講，一個朋友叫咗大蝦扁意粉，另一個叫豬鞍，豬鞍寫明需時呢個明白嘅，坐咗10幾分鐘，扁意粉到咗，等咗一陣，朋友應該想等我個 burger 到先食，我叫佢食先，凍咗會唔好食，好彩有咁做，朋友個意粉到咗半個鐘有多，已經食完啦，都未見 burger 出現，再等多一陣，
回頭指數 ⭐️⭐️⭐️
開心指數🤗🤗🤗
假期約咗朋友食 lunch，佢揀咗呢一間，有個攪笑位係，揀呢間餐廳嘅朋友去到門口都要打俾我哋，因為門口見唔到中文名，只見到好有型嘅字體寫住 Lemna，我最早到，明明已經知道個位大概響邊，但都要double check 返個名，因為唔太見到牧羊少年呢幾隻字（或者係我發雞盲），咁不如直接冇中文名，可能冇咁令人 confused～
餐廳用QR code 落單，我想要杯水，見到職員好似好忙碌咁走嚟走去，揮手冇人見到，終於有人見到啦，似乎我叫咗一個唔係會攞水嘅職員，佢有少少翻白眼嘅樣，再叫另一個俾我。
Lunch set 2 course ($158)，3 course ($188)，我叫咗2 course，有main 同 dessert。
🍴美國牛肉漢堡配海鹽薯條佐乾番茄蒜香蛋黃醬（+$28）
首先想講，一個朋友叫咗大蝦扁意粉，另一個叫豬鞍，豬鞍寫明需時呢個明白嘅，坐咗10幾分鐘，扁意粉到咗，等咗一陣，朋友應該想等我個 burger 到先食，我叫佢食先，凍咗會唔好食，好彩有咁做，朋友個意粉到咗半個鐘有多，已經食完啦，都未見 burger 出現，再等多一陣，朋友懷疑係咪漏單，追嘅時候，職員行開再返嚟就換嚟一句，依家咪嚟囉～
海鹽薯條份量好多，好香脆，好味！至於個 burger 呢，漢堡扒好乾，醬汁好味都救唔到佢嘅乾，一般好食。
美國牛肉漢堡配海鹽薯條佐乾番茄蒜香蛋黃醬
20 瀏覽
1 讚好
0 留言
🍴是日蛋糕
因為QR code 落單冇說明是日蛋糕係咩，又要經歷多一次揮手好耐先搵到職員問嘅狀態先落到單，係 passion fruit 蛋糕，呢款蛋糕做得唔錯，酸甜度幾 balance，朋友叫咗 tiramisu，我哋 share 試，tiramisu 比較普通，冇咩特別，大家都覺得 passion fruit 好食D！
🍴薄荷奶泡朱古力（+$24）
QR code 落單可以揀後上，咁我見食到差唔多，又揮手搵人可以上杯飲品，今次好快有人應，點知，職員送咗一杯咖啡嚟，我話我哋冇叫，佢嘅反應係，咁你叫咗咩嘢丫？個態度係有D 冇禮貌～ 講返杯嘢飲，朱古力味非常濃郁，薄荷味啱啱好，呢杯係好飲嘅～
薄荷奶泡朱古力
13 瀏覽
0 讚好
0 留言
整體上，我揀嘅 burger 係一般，蛋糕同飲品係唔錯，lunch 加加埋埋200幾蚊都唔算平，但係服務質素就好參差，有D 職員係幾好，有D 又好有趣，唔太配合到呢個環境同價位，攪到好似去咗有性格伙記嘅茶餐廳咁～
張貼
