牧羊少年與他的浮萍

營業中

休息中

嚟到呢間集餐飲、酒吧、文藝三大概念於一身嘅文青餐廳~嘢食原來都掂唔係淨係賣概念~紅菜頭辣根漬三文魚流心布袋芝士配小蕃茄及青提沙律 - 三文魚加入咗紅菜頭嘅顏色變得好鮮豔，加埋 Burrata cheese 柔軟又奶滑~個人覺得個亮點係勁甜美青提，成個菜式變得更加豐富~佩里戈鴨油薯條 🍟- 究竟咩嘢係佩里戈？查完字典 Perigo 係 Portuguese嘅 danger 咁解...好 R頭呀~！！！ 不過好食嘅，份量勁多勁多，食到底都仲好夠酥脆~避風塘炸單骨雞翼 - 惹味帶辣，估唔到竟然食到咁大排檔式嘅口味四重芝士 Pizza - 呢度比一般平時嘅 4 cheese 更加濃厚，好鹹香勁拉絲~🍕雖然個 pizza 唔係厚底，但 size 勁大所以建議多啲人 share 會比較好~四川辣油沙白蜆奶油扁意粉 - 好有趣嘅組合，蜆肉清甜加咗辣味同蒜香味所以個奶油唔會膩，反而好香口~澳洲 M7 沙巴當牛頸脊 配 阿根廷靑醬及墨西哥餅 - 鮮嫩多汁嘅牛肉，好靚嘅粉紅色牛牛，配清爽嘅阿根廷靑醬~ Yummy~ 🥩但想講呢個 Tortilla 好新奇，成塊薯片咁嘅樣，聞所未聞開心果咖啡 - 有堅果香氣

尖沙咀咁多選擇，平時其實唔會光顧此店。不過適逢香港藝術節，都要搵個方便嘅地方開餐。週六晚 6 點左右，幸運地門口位置仲有張枱。手機點餐，出餐效率也高。用餐期間不時添水，即使我要熱水，侍應們都好有禮貌地服務。餐後，我還要認真熱的熱水開中藥，侍應完全滿足到我的需要，值得一讚。用餐期間，門外有位女士有點炆熷，但職員都能耐心處理，同樣值得一讚。

「牧羊少年」一直係「文青們」嘅心頭好，但尖沙咀文化中心嘅呢間餐廳環境真係幾靚，假日嚟到雖然都幾多人等，但枱與枱都有啲空間，成個 vibe 好chill，特別啱約朋友或者同另一半邊食邊傾偈，嘆返個悠閒嘅lunch🤍🍽️ Lunch Set（2 courses）$158主菜🍝 煙風乾豬腩蛋黃奶油短管麵呢個短管麵食落幾彈牙，carbonara醬好香濃，但又唔會太漏，掛汁度啱啱好。風乾豬腩唔似出面啲煙肉片，真係有厚度，仲有種煙燻味！🍔 烤嫩雞漢堡 配 海鹽薯條 + 乾茄蒜香蛋黃醬漢堡包係暖且鬆軟嗰種，夾住厚厚嘅雞扒，食落好 juicy好嫩。薯條係幼身嗰種，炸得都幾香脆，配埋海鹽都唔會太鹹，唔錯！甜品☕ 提拉米蘇一心就係想嗌Tiramisu，真係做得唔錯，入口即化，咖啡香唔太濃，同埋邊邊位有啲「冧咗嘅粟米片」，雖然因為好薄，食落口感冇乜特別，但可見心思～🧀 是日甜品：芝士蛋糕芝士蛋糕係比較滑溜果種，芝士味唔係好濃，反而有陣乳酪味，所以食落唔會過膩，甜度剛剛好，口感順滑，比想像中好食！飲品🍍 冰糖鳳梨桂花雪梨茶🌿 養生紅棗桂圓枸杞茶因為係普通茶包+熱水，味道比較淡，建議可以嗌其他嘢飲🙈～ 之前有試過

店內裝潢充滿藝術感，光線柔和，搭配簡約的現代風格，非常適合打卡拍照。與其他咖啡室相比，這裡的氛圍更顯獨特，既有輕鬆的休閒感，又不失精緻的格調。清酒昆布煮蜆清酒的份量恰到好處，完全不會搶走蜆肉的鮮甜。蜆肉肥美飽滿，每一口都能感受到鮮甜的海洋風味，絕對是海鮮愛好者的福音。 海膽墨魚子醬蟹肉貓耳朵粉醬汁濃郁且層次豐富，忌廉底帶有淡淡的海膽鮮甜，每一口都能咬到蟹肉的鮮美，用料十足。貓耳朵粉煙煙韌韌，咬勁十足，與濃郁的醬汁搭配起來非常過癮。 烤西班牙黑毛豬上肩肉配開心果蜜糖芥末醬及香烤蔬菜黑毛豬上肩肉烤得恰到好處，肥瘦均勻，肉質鮮嫩多汁。開心果蜜糖芥末醬的搭配非常特別，甜中帶點微酸，與豬肉的油脂完美平衡。

原來都是睇open rice相被吸引才去幫親。但食完覺得食物質素一般而且侍應待對客態度差。放食物在餐枱時粗暴放上極無禮貌，似趕客走。但當時用餐時段唔太煩忙。不只一個員工態度差。幫親完一次唔會再去。

坐落喺文化中心旁邊嘅Cafe，環境10分唔錯，有格調，食物質素亦都好有驚喜，由前菜到主菜都好好食，最後兩個人食咗三個餐地段都比較特別，鍾意錦秀文化氣息嘅朋友可以嚟！

諗住搵間好餐廳去食個嘅悠閑晚餐，朋友大推呢間比較高檔嘅牧羊少年，聽講Menu 同普通嘅分店有啲唔同，而且環境更加之闊落舒適！所以今次就來到餐廳食晚餐，順便睇吓餐廳嘅質素係咪好高質先～海膽墨魚子醬蟹肉貓耳朵粉💰HK$188醬汁味道濃郁得來又creamy！配搭埋口感煙煙韌韌嘅貓耳朵粉，味道有驚喜～澳洲M4 安格斯肉眼及香烤蔬菜佐牛燒汁💰HK$328肉眼扒叫咗五成熟！肉質軟嫩多汁，有一種持久不散嘅回韻～熱 特濃朱古力💰HK$42特濃朱古力苦甜適中，朱古力嘅味道香濃，入口柔滑細緻～凍 楊枝甘露💰HK$48楊枝甘露味道清新，有濃郁嘅椰奶味同埋芒果味，底層亦有豐富嘅配料，口感多元化～整體來講，餐廳環境舒服，食物質素唔錯，可惜價錢偏貴少少！另外，都明白餐廳注重悠閑嘅氛圍，但當晚餐廳只有幾枱客，而且都唔係繁忙時間，上菜嘅速度都真係太慢啦～

位於文化中心附近，近海滂呢間牧羊少年餐廳，第一次經過時見到環境好靚一直都好想試下，今晚終於有時間去等位決定試吓，夜晚7點食飯時間，最後等咗大約40分鐘先到我哋。牛扒🥩叫咗medium，味道都唔錯😋 再叫咗個辣肉腸Pizza🍕同2杯奶類飲品：香芋鮮奶、楊枝甘露。本身想叫甜品，見到賣相好吸引，但已經好飽，唯有下次再試。整體黎講性價比高，環境舒服，好有文青氣息的餐廳，非一般的牧羊餐廳，唔怪之得咁多人等位。

成日行過見到呢間野都有人等位，今日同朋友經過試下，星期六晚等左15分鐘就入得。凍抹茶牛奶，正正常常，未到好好味。酥脆魷魚圈，新鮮炸起好熱辣辣，幾野味，有少少油🤏XO醬象拔蚌片蒜香辣椒奶油扁意粉，呢個辣辣地幾好味😋有幾多菇、推薦👍👍👍烤蘋果批配 雲尼拿雪糕，呢個有驚喜🥰🥰🥰個皮焗得好脆，又熱、加埋雪糕有冰火交融既感覺，賣相都好靚！環境氣氛都幾好，不過就有少少嘈，傾計要大聲d🤣🤣整體都唔錯。

網上預約只有12:00-2:00一個時段，叫左2份餐，牛扒加錢，但薄到以為食大家樂、另一份豬扒不過不失、但個蘋果汁水希希…重點係牛扒同豬扒個餐上菜差好遠！ 我老公食完牛扒都未見我個豬扒！趕頭趕命去k11食好過

I recently visited the bar under the company of 𝐀𝐥𝐜𝐡𝐞𝐦𝐢𝐬𝐭 𝐂𝐚𝐟𝐞, and it was such a delightful find! The atmosphere is cozy and inviting—perfect for unwinding after a long day. The bartenders are super knowledgeable and passionate about their craft, making the experience even more enjoyable. ♥（ﾉ´∀`）The cocktail menu is a true highlight, showcasing a variety of unique and creative concoctions. I was particularly impressed by the thoughtfulness behind each drink, from the ingredients used to the bea

今次虎爸生日，已經提前book枱。但最後竟然安排我地坐門口位⋯⋯真係有啲失望。隔咗一陣先知，原來再入啲係有音樂會可以聽，講真book咗枱唔expect坐門口位😂希望可以改善下啦⋯⋯-明太子康提芝士蟹肉墨西哥夾餅🌮作為芝士控嘅我，好滿意佢落咗好多芝士，食落口同蟹肉完美配搭。不過，完全唔食辣野嘅朋友要注意啦，明太子本身有啲辣辣地。如果你本身唔食辣，未必接受到。因為我記得我係邊飲野飲，邊食個夾餅。擺盤來講，打卡一流，有啲似藝術品咁🥰-海膽黑魚子醬蟹肉貓耳朵粉-真係食到滿滿嘅海膽，完全唔腥（？）黑魚子醬通常都係咁多份量啦，好香！同貓耳朵粉好夾。不過以$188價錢來講，我覺得性價比唔算高，份量較少。-燒烤手撕豬肉🐽日曬乾茄貓耳朵粉-手撕豬肉好有番茄味🍅，本身鍾意食番茄嘅人應該會有驚喜，唔會太假甜，又唔會太酸。我同虎爸一致認為呢個比起海膽黑魚子醬蟹肉貓耳朵粉有特色啲，即係唔會係好大路嘅、出邊都好易食到嘅意粉類，希望餐廳keep住呢個意粉啦～-洛神花玫瑰蜜柚茶（凍）我唔鍾意飲好甜嘅凍飲，呢杯飲品幾好，唔會太甜，同時又有柚香味🌝最後，希望餐廳係安排座位上，如果book咗枱，可以俾食客坐入少少🤏。因為其

已經自費去咗2次🥰整體上啲嘢食同嘢飲都好味～不過甜品款相對較少。坐落喺文化中心隔離嘅Cafe，環境優美～入邊好闊落，仲有一個小空間俾你睇書，適合各位文青嘅你～🤓青醬雞肉蘆筍意粉青醬味好濃郁，雞肉又唔韌，蘆筍仲好爽口～😋菠菜烤菇忌廉貓耳朵粉成個醬好creamy，貓耳朵粉好煙韌，食落香口👍🏼～蘋果批配雲呢拿雪糕香甜蘋果味，不過個批底就唔算好脆～餐廳甜品款比較較少，不過可以叫職員幫手寫生日快樂～檸檬特調、宇治抹茶配日式小丸子檸檬特調好fresh，食完重口味嘅嘢食，飲一啖勁清新🍋宇治木茶勁濃郁，如果鍾意抹茶🍵嘅就啱晒，小丸子🍡又好煙靭😎

行完維港夜影，在香港文化中心食嘢，呢間cafe 位置剛好在維港旁，食完飯又可以散下步我哋walk in ，夜晚8點幾餐廳已經好full, 被安排坐係門口一角，好獨立嘅一桌，但唔使同其他枱甘近，各有好處，最緊要快入座😁主食 海膽醬魚子醬蟹肉貓耳朵粉，酥脆魷魚圈配蛋黃醬，牛柳配墨西哥餅貓耳朵粉煙煙韌韌好彈口，炸魷魚圈都係食完上再食配埋個蛋黃醬真係啱啱好，牛柳可以再熱啲，但係配個墨西哥餅點醬汁好好味。飲品🍸洛神花玫瑰蜜柚茶，檸檬梳打乳酸，檸檬特調。內在環境有好多綠色植物，感覺遠離城市嘅繁囂，餐廳設計感覺用心，有氣氛，用餐愉快

牧牛少年咖啡館之前食過太子，雅蘭，沙田，K11食物咖啡都好有質素，今次試下文化中心呢一間Weekend 都有lunch set :A. 前菜 B. 主菜C.甜品可以揀A+B , A+B+C Today choice:前菜&主菜自家製風乾蕃茄希臘發達芝士意大利青瓜沙律 配自製油醋，嫩菠菜烤菇奶油貓耳朶粉，佩里戈鴨油薯條，橙香桂花咖啡前菜&主菜&甜品法蔥吞拿魚他他迷你多士配 檸檬時蘿蛋黃醬，烤加拿大豬鞍配烤新薯，火炙粟米伴芥未籽蘋果醬朱古力心太軟 配 雲尼嗱雪糕，芒果梳打乳酸 ~~~~~~~~~~~~~~~~~~~~~~~~~~~~~~青瓜沙律好fresh 加埋乾蕃茄成個starter 偏酸吞拿魚他他多士有兩件細細份，他他份量好多不過吞拿魚蓉味唔算太突岀鴨油薯條即炸勁香脆，鴨油香唔突岀不過蒜味好正Drinks 橙香桂花咖啡 咖啡面有桂花花瓣碎有桂花清香 不過橙味唔夠突岀嫩菠菜烤菇奶油貓耳朶粉好creamy 重奶油香， 貓耳朵粉本好掛汁，好濃烤加拿大豬鞍豬鞍好淋，唔嚡， 邊位脆口搭少少肥膏最good配埋蘋果醬減少油膩感甜品心太軟配雲尼拿雪糕正常發揮 無乜太大特別🤣🤣