Billow

營業中

休息中

老闆包場請客，順理成章咁到訪最近幾紅嘅打卡餐廳。-餐廳位置偏僻，有兩層，整幢是白色仿童話歐陸豪宅設計，如堡壘，鄰近聖誕節更有聖誕老人吹氣公仔，份外可愛。用餐地區分兩部份，是次用餐地方係西餐廳位置，以西式雲石設計，半開放式廚房，有水吧，大玻璃使透光度十足。餐廳旁邊有小徑行去係草地同水塘，環境舒服清幽。據社交媒體報道，水塘有水上單車作玩樂之用。-有某幾位店員唔熟手，有禮勤力。-是日海鮮 烤焗蔬菜有魚、配菜、奶白色醬汁。魚已變壞，一食即吐，好差。-美國安格斯肉眼 烤焗蔬菜原本點嘅主菜變壞，改成牛扒，要五成熟，最後上枱七成熟，牛扒大小適中，肉味唔太濃，唔韌，超油，好似浸完油再拎去擺盤咁，分唔到係油定係肉汁。醬汁唔香、唔濃，帶鹹。配菜種類多，好油，味道唔錯。-整體而言，拎壞咗嘅食物比客人食係唔可以接受，安格斯肉眼都唔出色，食物質素有待改善。餐廳打卡位超多，偶有小貓三四隻，Hea半日冇難度。