影片
更多
2023-11-15
59 瀏覽
Airside裝修有格調，而且餐廳質素勁高😳呢間中菜廳門面超靚，唔講真係以為西餐廳，座位好闊落，一家人食晚餐慶祝就啱晒，最重要環境咁靚老人家一齊影相打卡好開心！門口一入去見到有個吧枱原來free flow，有機會可以試下。佢哋嘅餐巾同餐牌都好用心，果然係有品味嘅餐廳👍🏻前菜方面非常推介，北寄貝沙薑漬有煙霧效果用嚟打卡就最啱，北寄貝爽甜下邊有啲漬物幾靚。法式油封鴨黑醋野菜🤣好特別，同我想像唔一樣，本身以為係細細件鴨比。鴨髀經過烤熱係皮脆口，肉質結實脂肪唔多，份量大拍得住主菜。油封鴨點少少沙律醬好香口，個底就喺沙律菜可以平衡油膩。一家人食飯唔可以唔叫雞，蘋果木燻泰安雞✨真係超級推介！經過煙燻職員會幫你慢慢打開蓋啲煙就會飛晒出嚟，要把握時間打卡影相😱雞肉大部份已經去骨，所以可以放心食，因為經過煙燻雞皮好香，上面仲有少少炒熱左嘅茶葉，雞肉連埋茶葉雞皮一齊食👍🏻屋企人鍾意食叉燒👍🏻佢哋嘅西班牙黑豚叉燒半肥瘦狀態，整得好鬆化好香，食落比較甜身，每人食少少就啱啱好。超鍾意食鵝肝第一次呢個食法，鵝肝流心脆球外層脆卜卜，咬開，佢就會見到大大粒鵝肝，嗰啲仲有少少黑芝麻點嚟食，香味濃郁。皇帝蟹脆米泡飯，份量
佢哋嘅餐巾同餐牌都好用心，果然係有品味嘅餐廳👍🏻前菜方面非常推介，北寄貝沙薑漬有煙霧效果用嚟打卡就最啱，北寄貝爽甜下邊有啲漬物幾靚。
法式油封鴨黑醋野菜🤣好特別，同我想像唔一樣，本身以為係細細件鴨比。鴨髀經過烤熱係皮脆口，肉質結實脂肪唔多，份量大拍得住主菜。油封鴨點少少沙律醬好香口，個底就喺沙律菜可以平衡油膩。
一家人食飯唔可以唔叫雞，蘋果木燻泰安雞✨真係超級推介！經過煙燻職員會幫你慢慢打開蓋啲煙就會飛晒出嚟，要把握時間打卡影相😱雞肉大部份已經去骨，所以可以放心食，因為經過煙燻雞皮好香，上面仲有少少炒熱左嘅茶葉，雞肉連埋茶葉雞皮一齊食👍🏻
屋企人鍾意食叉燒👍🏻佢哋嘅西班牙黑豚叉燒半肥瘦狀態，整得好鬆化好香，食落比較甜身，每人食少少就啱啱好。超鍾意食鵝肝第一次呢個食法，鵝肝流心脆球外層脆卜卜，咬開，佢就會見到大大粒鵝肝，嗰啲仲有少少黑芝麻點嚟食，香味濃郁。
皇帝蟹脆米泡飯，份量足夠幾個人食，入面配料豐富有蟹肉瑤柱等等嘅海鮮，師傅嘅調味啱啱好唔會太鹹。呢個脆米泡飯嘅精髓梗係脆米😋加咗之後成個口感提升蟹肉同脆米同樣突出！
張貼
