影片
更多
2025-03-10
301 瀏覽
浪谷 Groundswell📍九龍城啟德協調道2號AIRSIDE 6樓L601號舖好耐無同家姐朋友食飯啦，今次特登揀佢地頭—啟德，諗住方便佢之餘，順便到訪一下從未踏足過嘅AIRSIDE。呢座47層樓高嘅新建築，除咗集大型商場同甲級寫字樓於一身，更係啟德嘅地標之一，難得嚟到，當然要去6樓嘅空中花園睇下風景啦。呢度望落去嘅夜景真係幾靚，仲可以遠眺啟德體育園添。同層仲有幾間餐廳，最有gimmick嘅莫過於有室內衝浪場嘅泰國菜館—浪谷！雖然今日無緣見到衝浪實況，但餐廳環境舒適優美，每個位置都可以睇到衝浪場，感覺都幾震撼。 💰$88三文魚刺身配泰式辣汁 🌶️新鮮嘅三文魚刺身浸滿辣椒酸橙醬，混入泰國香草同脆蔥，味道酸中帶辣，清新醒胃，比一般泰國菜常見嘅醃生蝦更新奇特。 💰$198青檸辣椒蒸盲鰽魚 🐟泰國菜必食明爐魚，盲鰽魚連同新鮮青檸、泰式香草同辣椒一齊蒸製，好好鎖住魚肉嘅鮮味同水份。啖啖肉嘅盲鰽無太多細骨，肉質滑溜，腩位魚脂豐腴，少辣調味令人食到停唔到口！ 💰$128大蝦粉絲煲 🍤兩隻大蝦同粉絲填滿瓦煲，上菜時一打開煲蓋，即時聞到香噴噴嘅花椒味，頓時食慾大增。蝦頭膏鮮味十足，蝦肉爽口彈牙，非常新鮮
📍九龍城啟德協調道2號AIRSIDE 6樓L601號舖
好耐無同家姐朋友食飯啦，今次特登揀佢地頭—啟德，諗住方便佢之餘，順便到訪一下從未踏足過嘅AIRSIDE。呢座47層樓高嘅新建築，除咗集大型商場同甲級寫字樓於一身，更係啟德嘅地標之一，難得嚟到，當然要去6樓嘅空中花園睇下風景啦。
呢度望落去嘅夜景真係幾靚，仲可以遠眺啟德體育園添。同層仲有幾間餐廳，最有gimmick嘅莫過於有室內衝浪場嘅泰國菜館—浪谷！
雖然今日無緣見到衝浪實況，但餐廳環境舒適優美，每個位置都可以睇到衝浪場，感覺都幾震撼。
[價錢 Price]
💰$88
三文魚刺身配泰式辣汁 🌶️
新鮮嘅三文魚刺身浸滿辣椒酸橙醬，混入泰國香草同脆蔥，味道酸中帶辣，清新醒胃，比一般泰國菜常見嘅醃生蝦更新奇特。
[價錢 Price]
💰$198
青檸辣椒蒸盲鰽魚 🐟
泰國菜必食明爐魚，盲鰽魚連同新鮮青檸、泰式香草同辣椒一齊蒸製，好好鎖住魚肉嘅鮮味同水份。啖啖肉嘅盲鰽無太多細骨，肉質滑溜，腩位魚脂豐腴，少辣調味令人食到停唔到口！
[價錢 Price]
💰$128
大蝦粉絲煲 🍤
兩隻大蝦同粉絲填滿瓦煲，上菜時一打開煲蓋，即時聞到香噴噴嘅花椒味，頓時食慾大增。蝦頭膏鮮味十足，蝦肉爽口彈牙，非常新鮮；粉絲口感QQ，索滿香草、花椒同蝦精華，值得一試。
[價錢 Price]
💰$58
香脆泰式薯條 🍟
一大碟薯條，最啱開心share！鹹香嘅脆薯條配炸金不換，絕對係一道嘅滋味小食。
[價錢 Price]
💰$68
馬拉盞炒芥蘭 🥬
我哋仲炒多咗個菜，馬拉盞嘅鹹鮮味覆蓋每一條芥蘭，有鑊氣，有質素，作為綠中一點紅嘅辣椒片令整體賣相更加分。
[價錢 Price]
💰$88
泰式奶油蛋糕配椰子冰淇淋 🥥
最期待嘅甜品上菜！泰式custard蛋糕上下層次分明、口感軟糯，甜度剛剛好。由於蛋糕處於溫熱狀態，將椰子雪糕放上去數秒就會立即溶化，冰火二重奏嘅感覺更強烈，整道甜品嘅椰香亦會有加乘！
[價錢 Price]
💰$68
飲杯 🍹
名為「飲杯」嘅特飲由蘋果汁、香茅水、青檸汁等調配而成，加入Cane syrup吊味，清新之餘，不帶甜膩。最鍾意喺杯緣沾上嘅一層梅粉，入口多咗一種甘甜，好睇又好飲。
[價錢 Price]
💰$58
蝴蝶椰子汁 🦋
紫藍色嘅蝶豆花茶撞入清甜嘅椰青汁，不單好睇，更生津解辣。片片椰肉增加口感，富有泰式風情。
張貼
