Still

營業中

休息中

最近同朋友試咗呢個 $698 二人晚市套餐，真係由頭到尾都充滿驚喜！Tapas、小食、主菜同甜品樣樣出色，仲可以加飲品。無論係味道、賣相定氣氛，都係一個唔錯嘅選擇。如果你鐘意創意料理又想有個靚靚嘅晚餐體驗，呢個套餐一定試完會回頭！Tapas小食大滿足😌三款 Tapas 一齊上枱，每一款都精緻。香烤北海道帶子，帶子大大粒，面上有三文魚籽。 BBQ豬肉迷你漢堡，帶有微微燒烤醬嘅甜香味。西班牙黑毛豬火腿虎蝦卷，呢款就係 Tapas 中嘅創意之作！彈牙嘅虎蝦用黑毛豬火腿包住，外層煎到香脆，內裡鮮甜咸香！主菜：西班牙烤豬（+$58）。豬肉皮幾香脆，肉質仲保持鮮嫩。甜品：Churros 及蕨餅。Churros炸得外脆內軟，仲可以點埋朱古力醬，甜度啱啱好，唔會太膩。蕨餅口感煙韌滑溜，配埋黃豆粉。最後散叫兩杯飲品，我哋試咗 Passion Fruit Apple Cider同 Honey Latte。Passion Fruit Apple Cider果香非常濃郁，啖啖都係熱情果同蘋果嘅清甜酸香，飲落去清爽。Honey Latte有拉花，咖啡味香濃。