生記飯店

營業中

休息中

一行九人到這裡食晚飯，可能系星期五嘅關係，全場滿座。炸子雞，好大隻，皮脆肉汁豐富，可惜雞脾部位吾太熟，肉帶粉紅。薑蔥豬膶，豬膶厚切爽口，重點系大量嘅蔥，好食。叉燒，帶點肥而且鬆軟多汁，喜歡半肥瘦的一定合口味。蝦多士，比較普通，個人喜歡鳳城原隻蝦放在多士上的人做法。椒鹽鮮魷，魷魚好新鮮彈牙，但份量細。焗魚腸，魚腸較少，果皮不夠所以吾香。土魷肉餅，家庭餸，冇乜特別。醉掌亦、皮蛋酸薑、金銀蛋莧菜、蒸勝瓜冇試。壽桃包，蓮蓉吾香蛋皇死實冇油，只係夠熱，一般。敬送白糖糕吾酸充滿空氣感好食，芝麻卷就普通。埋單$2872/9 位。