影片
更多
2024-06-27
3937 瀏覽
今日食咗6款肉，最最最特別係大判燒黑毛和牛西冷$178，大大塊，油脂分布平均，服務員詢問完我哋對生熟程度的喜好後，三兩下手勢就將塊靚牛燒到啱啱好，配上生蛋黃及醬汁，大大塊好惹味真係高級享受！其餘的肉款就由自己動手燒，有黑毛和牛裹腹小排$188、腹前小排$118、黑毛豚毛骨小排$88、黑毛豚脛肉$88、若鷄雞脛柳$80，全部肉類都切得好靚，肉質好新鮮、好乾淨！加上呢度嘅燒烤網格特別粗，而且係平面，餐廳額外附上牛脂以潤滑燒烤網，燒出嚟嘅肉唔會黐底，更加容易保留肉汁，可以完完整整享受到烤到微微金黃嘅一口靚肉，成餐飯都冇換過一個網，真係不得不讚餐廳嘅細心！食客嘅享受再提升一個層次！另外我哋仲叫咗一份牛舌$98，加咗蔥花口感豐富咗，食落增添咗香氣，順帶一提，連蔥花都好新鮮，超級讚賞！最後我哋仲食咗二人前的Kakura冷麵$72，湯汁酸酸甜甜，拌上雞蛋青瓜泡菜等，好清新、清爽，幾適合燒烤之後食，大大碗好滿足！飲品方面，我哋飲咗青森蘋果乳酸梳打、白桃乳酸梳打，兩杯都幾好味，滿意！最後侍應送上免費甜品，我哋每人都食到一個杏汁味的奶凍，上面仲有一粒杞子，超級超級香濃好食！仲有一個雪糕糯米糍，軟糯香甜，真
今日食咗6款肉，最最最特別係大判燒黑毛和牛西冷$178，大大塊，油脂分布平均，服務員詢問完我哋對生熟程度的喜好後，三兩下手勢就將塊靚牛燒到啱啱好，配上生蛋黃及醬汁，大大塊好惹味真係高級享受！
其餘的肉款就由自己動手燒，有黑毛和牛裹腹小排$188、腹前小排$118、黑毛豚毛骨小排$88、黑毛豚脛肉$88、若鷄雞脛柳$80，全部肉類都切得好靚，肉質好新鮮、好乾淨！加上呢度嘅燒烤網格特別粗，而且係平面，餐廳額外附上牛脂以潤滑燒烤網，燒出嚟嘅肉唔會黐底，更加容易保留肉汁，可以完完整整享受到烤到微微金黃嘅一口靚肉，成餐飯都冇換過一個網，真係不得不讚餐廳嘅細心！食客嘅享受再提升一個層次！
另外我哋仲叫咗一份牛舌$98，加咗蔥花口感豐富咗，食落增添咗香氣，順帶一提，連蔥花都好新鮮，超級讚賞！
最後我哋仲食咗二人前的Kakura冷麵$72，湯汁酸酸甜甜，拌上雞蛋青瓜泡菜等，好清新、清爽，幾適合燒烤之後食，大大碗好滿足！
飲品方面，我哋飲咗青森蘋果乳酸梳打、白桃乳酸梳打，兩杯都幾好味，滿意！
最後侍應送上免費甜品，我哋每人都食到一個杏汁味的奶凍，上面仲有一粒杞子，超級超級香濃好食！仲有一個雪糕糯米糍，軟糯香甜，真係好驚喜！
總結Yakiniku Kakura的沙田分店，環境乾淨、食材新鮮好味、服務員有禮誠懇又專業，值得獲得最高評價！
張貼
