Billow

營業中

休息中

呢間都係我生日前揀好嘅餐廳，訂咗生日正日嚟食午餐，餐廳座位都闊落，窗外嘅景真係幾靚，環境清幽，湖水同草木都打理得好乾淨。我哋每人點咗一款午餐，食物個樣幾精緻，不過味道冇咩驚喜，不過職員有禮，簡單嘅生日飯，影下相都唔錯。窗外環境好靚，餐廳裏面嘅電視機播住喺外面電視仲可以舉行婚禮嘅宣傳片段。蕃茄忌廉湯，多啲忌廉會好啲。美國牛肉湯，豆芽菜。炸蟹肉丸子，鮮無花果南瓜配馬蘇裡拉芝士意大利飯，淡咗啲。慢煮加拿大豬排，醃椰菜沙律，豬係幾淋幾好味。龍眼茶熱朱古力法式焦糖燉蛋，生日可以寫祝賀語，燉蛋最好味。