影片
更多
2022-07-21
133 瀏覽
食過咁多間雞煲，始終覺得18樓雞煲最扺食，性價比最高。佢有三個套餐可供選擇，套餐A食物選項較少，價錢最平 ; 套餐B同套餐C多咗啲靚牛同靚海鮮可供選擇，亦都有啤酒任飲，價錢就相對較貴，詳細如下：我自己就每次都係揀套餐A，雖然牛肉同海鮮嘅選擇少左，但其實整體可以叫嘅食物都已經好多，A餐可以揀既食物已經超過五十樣，我自己已經覺得好足夠。雞煲我地揀左小辣，我本身唔算好食得辣，所以覺得辣度適中，鍾意食辣嘅朋友可能要叫大辣先夠過癮。雞煲嘅辣汁非常惹味，亦都好入味，每次食佢個汁都食到唔想停😂雞件既數量亦都非常多，粗略估計應該有半隻雞，二十件雞應該有，好足料，我地兩個人食，淨係食雞已經飽左四成。雞煲既雞亦都好多肉，有比雞翼雞槌既部位，唔係得雞頭雞骨｡食哂啲雞就可以自己落湯開始打邊爐，打邊爐當然要叫好多肉類，牛肉類包括有雪花肥牛，特級肥牛，滑牛肉，五香牛腩同牛拍葉，豬肉類有頂級梅頭豬肉，西班牙黑豚腩肉，豬膶，爽豬皮等等。個人覺得西班牙黑豚腩肉好有驚喜，肉質嫩滑，肥瘦分明，腩肉嘅脂肪會溶係口，一啲都唔會韌。朋友就推介滑雞柳，其他肉都係一片片，比較薄身，但雞柳大件得黎有咬口又嫩滑，雞煲食左咁多雞佢都仲en
我自己就每次都係揀套餐A，雖然牛肉同海鮮嘅選擇少左，但其實整體可以叫嘅食物都已經好多，A餐可以揀既食物已經超過五十樣，我自己已經覺得好足夠。
雞煲我地揀左小辣，我本身唔算好食得辣，所以覺得辣度適中，鍾意食辣嘅朋友可能要叫大辣先夠過癮。雞煲嘅辣汁非常惹味，亦都好入味，每次食佢個汁都食到唔想停😂
雞件既數量亦都非常多，粗略估計應該有半隻雞，二十件雞應該有，好足料，我地兩個人食，淨係食雞已經飽左四成。雞煲既雞亦都好多肉，有比雞翼雞槌既部位，唔係得雞頭雞骨｡
食哂啲雞就可以自己落湯開始打邊爐，打邊爐當然要叫好多肉類，牛肉類包括有雪花肥牛，特級肥牛，滑牛肉，五香牛腩同牛拍葉，豬肉類有頂級梅頭豬肉，西班牙黑豚腩肉，豬膶，爽豬皮等等。
個人覺得西班牙黑豚腩肉好有驚喜，肉質嫩滑，肥瘦分明，腩肉嘅脂肪會溶係口，一啲都唔會韌。
朋友就推介滑雞柳，其他肉都係一片片，比較薄身，但雞柳大件得黎有咬口又嫩滑，雞煲食左咁多雞佢都仲encore左滑雞柳兩次，就知道滑雞柳真係相當唔錯。
海鮮類有脆鯇片，鮮脆鯇骨腩，白膳片，海中蝦，花膠，水魷等等。我淨係影左脆鯇片，但其實我覺得鮮脆鯇骨腩同水魷好食啲，水魷一啲都唔韌，仲好彈牙添。
仲有好多丸類，蔬菜類同菇類就唔特別羅列，但要特別贊揚佢有芝士豆腐，同個頂級墨魚丸真係幾彈牙，幾有咬口。
除左邊爐既食材外，佢仲有提供小食，包括大汗小酥肉，芝士忌廉煙肉薯波，台灣鴨血，同台灣一口黑椒腸等等。
叫左個芝士忌廉煙肉薯波，雖然外皮有小小厚，但味道都唔錯。食食下邊爐既食物會覺得有啲悶，呢個時候叫啲小食中和下，就唔會食得咁單調。
飲品方面，我一定要特別推介，佢既茉莉綠茶同埋台灣冬瓜茶，簡直係無糖健康之選!! 茉莉綠茶係完全無糖，而冬瓜茶就因為冬瓜本身帶有甜味，所以有小小甜，但並無添加糖既味道，唔鍾意飯甜飲既我，表示好滿意。
而如果你中意飲甜既飲品，佢同樣有可樂，果汁，竹蔗茅根等等既罐裝飲品。
PS1 佢個綠茶雪糕好好味 有驚喜!! 好少有放題餐廳嘅雪糕係咁好味
PS2 佢送食材上枱嘅速度同埋收返啲空碟嘅速度都非常之快，呢點好值得讚賞
PS3 每次落單可以叫二十種食物，要相隔五分鐘先可以再落單
張貼
