18樓雞煲火鍋專門店

我同朋友今次分別點咗一個不辣雞煲同一個微辣雞煲，試過之後大家都覺得微辣版本更有味道，香氣同層次都豐富啲。不過，兩款雞煲嘅雞肉都算嫩滑，質素穩定，食落去都滿意。響鈴就更加唔使講，吸滿雞煲嘅汁，超級入味，而且口感好香脆，幾乎係必點。但套餐入面嘅韓國蠔就稍為失色，因為上枱時仲未完全解凍，口感受咗啲影響，多少有點可惜。飲品選擇都幾多，有無糖茶、韓國飲品同香港常見嘅罐裝飲品，配餐幾方便。食完仲有兩款軟雪糕可以食，當甜品剛剛好，為整餐畫上舒服嘅結尾。服務方面都幾貼心，店員開餐時主動問我哋要唔要一次性圍裙，細節位做得唔錯。整體嚟講今次用餐經驗幾好，味道同服務都令人滿意，下次會再想來試吓其他口味。…查看更多

唔記得係咪第一次過嚟食雞煲，雞煲味道尚算可以，牛肉味道濃郁、海蝦和蝦滑爽彈方面都算可以，唯一一提係豬潤同脆肉鯇非常唔新鮮，煮熟咗之後全部都係淋身。不得不提雞煲嘅辣味好惹味，雞嘅份量都算多，建議可以用返啲汁你煮下魷魚、魚皮或者響鈴等等，好似街邊檔小食咁惹味！幾驚喜係佢有新嘅檸檬味可口可樂，仲有啲韓式罐裝飲品，蘆薈汁及雪梨汁等等，不過我途中卡通樣嘅番石榴汁就千祈唔好飲超級甜好難飲！不過如果下次再食雞煲，就未必會揀呢一間了！…查看更多

性價比低，每人318加一，出餐慢，無一次出餐既份量係岩數，食物質素還好，漏單禮貌查問都被職員怪責叫得多食物(9個人點15碟牛肉都叫太多)。結帳埋單希望使用優惠折扣都被拒絕，提醒大家入座落單時已經要即時申請用會員折扣！…查看更多

🐓 雞煲之選🐔 去到MK一話食雞煲一定諗起佢，一年四季都係咁多人食🤭佢有3個餐揀，我覺得揀B餐都好夠食，記住！佢係任食2小時架！除非你係食牛方面係超講究，咁可以選擇C餐。B餐有3款牛(雪花肥牛、特級肥牛、美國安格斯牛頸脊），又有3款海鮮(韓國蠔、手打蝦滑、半殼扇貝)，仲可以任飲啤酒添(嘉士伯、藍冰、獅威)😏應該叫佢做半自助餐啦，嘢食係要掃code叫，菜同飲品嗰啲就可以自己出去雪櫃嗰到攞。菜同飲品都好多唔同款架，菜佢有生菜、油麥菜、娃娃菜，冰菜等等 。飲品就有大家飲開嘅汽水、健康茶飲同佢自家製嘅冷泡茶 。自家製冷泡茶就揀咗佢呢個桂花烏龍，佢嘅茶味唔會太濃蓋過桂花嘅香，飲落潤喉又清新 。Joyfoodstop心動值：💓💓💓/518樓雞煲火鍋專門店(香港)地址: 香港香港旺角彌敦道601號創興廣場18樓電話: +852 31138468…查看更多

未試過食得咁差體驗嘅餐廳咩老細會請啲咁嘅人 一係唔應一係就態度粗魯好似佢出糧俾我咁 十問九唔應 員工又話咩都唔知嘢食又出得慢又出唔夠啲嘢飲喺雪櫃攞罐啤酒都要等半個鐘…查看更多